Morgunblaðið - 09.05.2006, Blaðsíða 20

20 ÞRIÐJUDAGUR 9. MAÍ 2006 MORGUNBLAÐIÐ
MINNSTAÐUR
SUÐURNES
Keflavík | „Nú er að það mitt að
koma að þessari vinnu af heilindum
og auðmýkt,“ segir Skúli Sigurður
Ólafsson sem í fyrrakvöld var settur
inn í embætti sóknarprests við
Keflavíkurprestakall við athöfn í
Keflavíkurkirkju. Deilur urðu í söfn-
uðinum vegna skipunar í embættið,
einkum vegna þess að mörgum þótti
gengið fram hjá Sigfúsi Baldvini
Ingvasyni sem þjónað hefur söfn-
uðinum í mörg ár.
Séra Skúli Sigurður á ættir að
rekja til Keflavíkur og á þar mikinn
frændgarð. Faðir hans, Ólafur
Skúlason biskup, ólst upp í Keflavík
og þjónaði þar í nokkra mánuði á ár-
unum 1959 til 1960. Skúli nefnir
þessar rætur þegar hann er spurður
að því hvers vegna hann hafi sótt um
starf sóknarprests í Keflavík-
urprestakalli þegar það var auglýst
eftir fráfall séra Ólafs Odds Jóns-
sonar. „Þetta er líka skemmtileg
sókn og ein af þeim stærstu í land-
inu. Ég sé þarna mörg tækifæri,“
segir hann. Bætir því síðan við að
Reykjanesbær hafi laðað til sín fólk
að undanförnu. Þar hafi batnað öll
þjónusta og umhverfið tekið stakka-
skiptum.
Skúli Sigurður er 37 ára gamall.
Hann vígðist til Ísafjarðarpresta-
kalls á árinu 1997 og starfaði síðar
um tíma sem prestur meðal Íslend-
inga í Svíþjóð. Síðustu mánuði hefur
hann verið settur sóknarprestur á
Ísafirði í leyfi skipaðs sóknarprests.
Eiginkona Skúla Sigurður er Sigríð-
ur Björk Guðjónsdóttir sýslumaður
á Ísafirði. Þau eiga tvö börn.
Skúli Sigurður var valinn úr hópi
tíu umsækjenda um embætti sókn-
arprests í Keflavík. Meðal umsækj-
enda var einnig séra Sigfús Baldvin
Ingvason sem starfað hefur sem
prestur við sóknina í þrettán ár. Eft-
ir að valnefnd ákvað að mæla með
Skúla kom upp hreyfing til stuðn-
ings Sigfúsi. Mikill meirihluti sókn-
arbarna skrifaði undir yfirlýsingu á
netinu til stuðnings honum.
„Þetta var ekki gagnrýni á mig
heldur stuðningur við prest sem
þjónað hefur þarna til margra ára og
það kom skýrt fram hjá aðstand-
endum undirskriftasöfnunarinnar.
Ég hef litið á málið í því ljósi,“ segir
Skúli.
Kirkjan á að læra af þessu máli
Hann telur að kirkjan eigi að læra
af þessu máli og fleirum og megi
skipta örlítið um takt. Hún þurfi að
leggja meiri áherslu á að miðla upp-
lýsingum til fólks þegar svona um-
ræða kemur upp. „Kirkjan er byggð
upp á lýðræðislegan hátt og vill hafa
opið stjórnkerfi. Henni ber því að
halda á lofti öllum sjónarmiðum. Það
mega ekki líða margir dagar og jafn-
vel vikur, eins og gerðist í þessu
máli, þar til skýrt er út hvernig leik-
reglur eru og rökin fyrir ákvörðun.
Ég hef það á tilfinningunni að marg-
ir hafi haldið að óeðlileg vinnubrögð
hafi verið viðhöfð við þessa ákvörðun
og það sé að hluta til ástæðan fyrir
þeirri reiði sem upp kom,“ segir
Skúli.
Hann segist þó ekki vita hvort mál
hefðu þróast á annan hátt í Keflavík
ef kirkjan hefði veitt meiri upplýs-
ingar og fyrr en segir að þetta sé
grundvallaratriði í sínum huga. Lýs-
ir hann þeirri skoðun sinni að skýrar
og réttar upplýsingar geti ekki vald-
ið tjóni, ekki þegar menn hafi allt
sitt á hreinu eins og hann telji að
hafi verið í þessu tilviki.
Hlýjar móttökur
Skúli Sigurður svarar því neitandi
þegar hann er spurður að því hvort
ekki sé erfitt að koma til starfa við
þessar aðstæður og vísar til þess að
kirkjan hafi verið full við innsetning-
arathöfnina í fyrrakvöld og hann
hafi fundið mikinn velvilja og fengið
hlýjar móttökur þá daga sem hann
hafi verið við störf. Í þeim hópi hafi
meðal annars verið einstaklingar úr
stuðningshópi séra Sigfúsar sem
hafi boðið hann velkominn um leið
og þeir útskýrðu afstöðu sína. Þá
segist hann trúa því að gott samstarf
geti tekist á milli þeirra Sigfúsar.
Skúli Sigurður Ólafsson settur inn í embætti sóknarprests við Keflavíkurprestakall
Kirkjan þarf að koma réttum
upplýsingum fyrr á framfæri
Ljósmynd/Þorgils
Sóknarprestur Séra Skúli Sigurður Ólafsson var settur inn í embætti
sóknarprests í Keflavík við athöfn sem fram fór í fyrrakvöld.
Eftir Helga Bjarnason
helgi@mbl.is
GERT var ráð fyrir því að séra Sig-
fús Baldvin Ingvason, prestur við
Keflavíkurprestakall, myndi þjóna
fyrir altari við innsetningu séra
Skúla Sigurðar Ólafssonar sem
sóknarprests. Athöfnin fór fram á
sunnudagskvöldið en Sigfús var
fjarverandi.
Gunnar Kristjánsson, prófastur í
Kjalarnesprófastsdæmi, sem ann-
aðist innsetningu sóknarprestsins
staðfesti að séra Sigfús hefði boðað
forföll síðdegis á sunnudag af per-
sónulegum ástæðum. Sigfús vill
sjálfur ekki tjá sig um málið á þess-
ari stundu. Kvaðst Gunnar vona að
prestarnir tveir gætu átt gott sam-
starf í framtíðinni.
Séra Sigfús
boðaði forföll
AUSTURLAND
Egilsstaðir | Í gær stóð Þróun-
arfélag Austurlands fyrir fundi um
vaxtarsamning Austurlands og var
aðalfyrirlesarinn Ifor Williams,
forstjóri Clusters Navigators á
Nýja Sjálandi, en Williams hefur
m.a. unnið fyrir OECD og Al-
þjóðabankann ásamt því að starfa
með ríkjum að þróunarverkefnum.
Fyrirlestur hans nefndist al-
þjóðavæðing og klasasamstarf.
Williams lagði sérstaka áherslu
á að einstök landsvæði kölluðu
fram sérhæfingu og sérstöðu sína,
smærri fyrirtæki hefðu, þrátt fyrir
að eiga í heilbrigðri samkeppni,
með sér samvinnu og að í stað
þess að horfa alltaf inn á við og
vernda sérhagsmuni fælist kraftur
til að horfa út á við, byggja upp
styrk og ekki eyða orku í að
vernda það sem veikburða væri á
markaði. Hann nefndi fjölmörg
dæmi um landsvæði þar sem
smærri fyrirtæki með sömu fram-
leiðslu og stoðframleiðslu þar að
lútandi hefðu lagt saman krafta
sína og gert viðkomandi svæði
sterkt og eftirsóknarvert, aukið
hagvöxt og velmegun. Ekkert af
þessu gerðist þó án þess að
stjórnvöld, menntastofnanir og at-
vinnulífið tækju höndum saman og
ynnu af fullri alvöru, þar sem
stórtækir framtíðardraumar væru
unnir inn í veruleikann.Meðal
dæmanna var ítalska þorpið
Castel Goffredo þar sem búa 7.000
manns, en þar eru nú í krafti
klasaþróunar framleidd 30% af
öllum sokkum sem seldir eru í
Evrópu. Slíkir fyrirtækjaklasar
byggðu á sérstöðu lítilla fjöl-
skyldufyrirtækja sem sýndu
samheldni út á við. Þetta kallaði
hann Smart Firms in Small
Towns.
Williams hvatti m.a. til að Aust-
firðingar nýttu tækifæri sín til að
þjónusta Kárahnjúkavirkjun og ál-
ver í Reyðarfirði, svo þeir aðilar
leituðu ekki langt yfir skammt að
þeirri þjónustu sem þeir þyrftu á
að halda.
Greina þarf aðstæður faglega
Soffía Lárusdóttir, formaður
Sambands sveitarfélaga á Austur-
landi, sagði á fundinum að tæki-
færin á Austurlandi hefðu aldrei
verið fleiri en nú þegar kraftmikil
uppbygging atvinnulífs ætti sér
stað. „Á sama tíma þurfa byggð-
irnar í norður- og suðurhluta
fjórðungsins að takast á við ann-
ars konar áskoranir, svo sem
fólksfækkun og/eða erfiðleika í at-
vinnulífinu,“ sagði Soffía. „Þrátt
fyrir að um ólíkar aðstæður sé að
ræða á svæðinu kallar staða Aust-
urlands á að fram fari fagleg og
víðtæk greining á aðstæðum. Á
grundvelli niðurstöðunnar verði
mótuð sameiginleg framtíðarsýn
fyrir Austurland. Markmiðið er
skýrt; að auka samkeppnishæfi
Austurlands, efla hagvöxt, þróa og
styrkja vaxtargreinar svæðisins,
efla svæðisbundna sérþekkingu,
laða að innlenda og erlenda fjár-
festa og fjölga störfum, ekki síst
störfum í hvers kyns þekking-
arstarfsemi. Þannig stuðlum við
að sjálfbærri hagþróun á Austur-
landi.“
Austfirðingar greina stöðuna fyrir vaxtarsamning
Sérstaða og samvinna heima
byggir brú til umheimsins
Morgunblaðið/Steinunn Ásmundsdóttir
Margt smátt gerir eitt stórt Ifor Williams, forstjóri Clusters Navigators á
Nýja-Sjálandi, fjallaði um alþjóðavæðingu og klasasamstarf.
Egilsstaðir | Minjasafn Austurlands hefur opnað nýja grunnsýningu og
hafa farið fram miklar endurbætur í sýningarsal safnsins. Hafa m.a. verið
keyptir nýir og fullkomnir sýningarskápar þar sem sýndar verða forn-
minjar frá Þjóðminjasafni Íslands sem tengjast Austurlandi, skv. sérstöku
samkomulagi þar um.
Hin nýja sýning skiptist í tvo hluta. Sá fyrri lýsir mannlífi í sveitum á
fyrri tíð, þegar hver sveitabær var sjálfstæð eining, þar sem nær allt sem
heimilið þarfnaðist var unnið og útbúið. Síðari hlutinn greinir frá þeirri
breytingu sem varð þegar þéttbýli tók að myndast við brúna yfir Lag-
arfljót og Egilsstaðir urðu til.
Elfa Hlín Pétursdóttir sýningarstjóri sagði við opnunina á sunnudag að
afar mikilvægt væri að geta nú varðveitt verðmætar menningarminjar frá
Þjóðminjasafni skv. ýtrustu kröfum og yrði skipt um sýningu árlega.
Björn G. Björnsson, hjá List og sögu, hannaði sýninguna.
Morgnblaðið/Steinunn Ásmundsdóttir
Ný sýning Meðal margra upplifana í Minjasafni Austurlands er þessi
gamla krambúð við Fljótið; ein með öllu líkt og gerðist áður fyrr.
Sveitin og þorpið
Minjasafni Austurlands umbylt og ný
grunnsýning lítur dagsins ljós