Morgunblaðið - 09.05.2006, Blaðsíða 31

MORGUNBLAÐIÐ ÞRIÐJUDAGUR 9. MAÍ 2006 31
UMRÆÐAN
Vegna mikils aðstreymis aðsendra greina í aðdraganda bæjar- og sveitarstjórnarkosninganna verður
formi þeirra greina, sem lúta að kosningunum, breytt. Er þetta gert svo efnið verði aðgengilegra fyrir les-
endur og auka möguleika Morgunblaðsins á að koma greinunum á framfæri fyrir kosningar.
Bæjar- og sveitarstjórnarkosningar
B-LISTINN í Reykjavík hefur vakið mikla athygli undanfarið og
greinilegt að sumir andstæðingar eru farnir að ókyrrast. Samfylking-
arfólk vill meina að við séum að biðla til sjálfstæðismanna en sjálfstæð-
ismönnum finnst við vera að biðla til Samfylkingarinnar.
Raunin er sú að við erum ekki að biðla til neins, við
gagnrýnum málefnalega þá sem eru gagnrýni verðir, eins
og þegar oddviti S-listans lagði til einfalda Sundabraut og
oddviti D-listans lagði til frestun Sundabrautar. Við bjóð-
um okkar lista fram á eigin forsendum og útilokum eng-
an þegar kemur að því að skoða mögulegt samstarf eftir
kosningar.
F-listamenn eru líka samir við sig og nota hvert tæki-
færi til að gagnrýna okkur á afskaplega þroskaðan og málefnalegan
hátt, það sama má segja um suma fyrrverandi vinstri græna.
Það að við skulum nota listabókstafinn okkar xB, útfærðan á frum-
legan hátt sem exbé, sem lógóið okkar í þessum borgarstjórnarkosning-
um hefur hreyft við ófáum pennanum. Það að stjórnmálaflokkar skuli
nota listabókstafinn sinn í sveitarstjórnarkosningum er allt í einu þaul-
skipulagður blekkingaleikur, að vísu bara í okkar tilfelli. Að mínu mati
eru þeir sem þetta hafa í frammi að gera verulega lítið úr fólki með því
að gera ráð fyrir að það muni setja x við B án þess að vita að það sé
Framsóknarflokkurinn sem það er að kjósa.
En miðað við þennan titring erum við greinilega að gera eitthvað rétt.
Við tökum stökk í skoðanakönnun Fréttablaðsins og erum nú „eig-
inlega“ með mann inni. Það segir bara það að framboð Framsóknar-
flokksins sem er með listabókstafinn B, sett fram sem exbé, á erindi til
borgarbúa.
Framsókn – XB – eXBé
Eftir Marsibil J. Sæmundardóttur
Höfundur skipar 3. sæti B-listans í Reykjavík.
ÞESSI orð frá árinu 1915 eru
höfð eftir Skúla Thoroddsen al-
þingismanni í Morgunblaðinu 1.
maí sl. í grein eftir
Stefán F. Hjart-
arson sagnfræðing.
Þar hvetur Skúli til
þess að íslensk
stjórnvöld þess
tíma leiti bestu er-
lendra fyrirmynda
hvað varðar löggjöf
um réttindi verkafólks og sam-
skipti á vinnumarkaði, „báðum
málsaðilum verkamannastjéttinni
og atvinnurekendum til nauðsyn-
legrar tryggingar“ og heilla.
Þetta, sem lagt er til við upphaf
stéttaátaka á Íslandi, skuli gert
„meðan unt er að vinna að málum
í friði“, „áður en allt fer í bál og
brand“.
Fleiri dæmi eru rakin um far-
sæla afstöðu ráðamanna og verka-
lýðsforingja um mikilvægi sam-
stöðu í árdaga íslensks kapítal-
isma. Stétt með stétt mætti segja
og rökstyðja að þessi afstaða eigi
sinn þátt í þeirri hagsæld og sam-
stöðu sem hér ríkir.
Hin nýja stétt
Íslendinga – nýbúar
Í dag eru verkefnin önnur en fyrir
90 árum. Hinn 1. maí sl. var opnað
fyrir frjálsa för verkafólks frá átta
nýjum aðildarlöndum ESB. Þessu
ber að fagna og það hefur Sam-
band ungra sjálfstæðismanna gert.
Hér er nú þegar hæsta hlutfall
útlendinga á vinnumarkaði miðað
við Norðurlöndin eða 7%. Segja
má að vissar blikur séu á lofti. Ný
skoðanakönnun sýnir að þriðj-
ungur Íslendinga hefur áhyggjur
af fjölda útlendinga á íslenskum
vinnumarkaði. Önnur könnun sem
náði til 83% grunnskólabarna
sýndi að börn af afrískum, asísk-
um, suður-amerískum og austur-
evrópskum uppruna lenda nær
þrisvar sinnum oftar í einelti en
börn af vestrænum uppruna. 7,4%
leikskólabarna eru af erlendum
uppruna. Framhaldsskólanemar af
erlendum uppruna falla mun frek-
ar brott úr námi en aðrir nem-
endur.
Hér er stórt og vaxandi sam-
félagslegt verkefni og rétt að hafa
í heiðri áður nefnd heilræði Skúla
Thoroddsen um að leita bestu fyr-
irmynda erlendis um það hvernig
„gamlir“ og „nýir“ Íslendingar
geti lifað í sátt og samlyndi í okk-
ar auðuga samfélagi. Það verði
gert, eins og hann leggur til, áður
en hér skapast erfiðleikar af því
tagi sem við höfum orðið vitni að í
ýmsum Evrópulöndum.
Ungir sjálfstæðismenn
og nýir Íslendingar, www.D.is
Heimdallur tekur nú virkan þátt
borgarstjórnarkosningunum í
Reykjavík, með áherslu á málefni
ungs fólks. Eitt þeirra er „Við ætl-
um að taka vel á móti ungu fólki
af erlendum uppruna sem flytur til
Reykjavíkur“, almennt stefnumið
sem krefst útfærslu í öllu borg-
arkerfinu. Við munum beita okkur
fyrir því, að það verði gert. M.a.
með því að leita samstarfs við
íþróttahreyfinguna, skátana og
önnur frjáls félög sem starfa með
ungu fólki um að þau í samstarfi
við grunn- og framhaldsskóla leiti
skipulega eftir þátttöku barna og
unglinga af erlendum uppruna.
Persónuleg tengsl munu skipta
sköpum. Þau vinna gegn for-
dómum og skapa það traust sem
hefur verið einkenni okkar sam-
félags.
Þau þarf að byggja upp í leik og
starfi frá unga aldri. Þau munu
miðla menningu ólíkra þjóða inn í
íslenskt samfélag, samfélag sem
telur sér það til tekna að vera al-
þjóðlega sinnað a.m.k. á hátíða-
stundum og þegar það hentar við-
skiptalegum hagsmunum þess.
Meðan unnt er að vinna að málum í friði
Eftir Bolla Thoroddsen
Höfundur er formaður
Heimdallar og í framboði til
borgarstjórnar í Reykjavík.
FRAM að þessu hafa foreldrar
þurft að greiða hundruð þúsunda á
ári fyrir þjónustu sem þeir geta
varla verið án. Má
þar nefna leikskóla,
dægradvöl, skóla-
máltíðir og íþrótta-
og tómstundastarf.
Eftir því sem þeir
eru með fleiri börn á
framfæri, því þyngri
er greiðslubyrðin.
Foreldrar ungra barna eru gjarnan í
þeirri stöðu að vera jafnframt að
fóta sig á vinnumarkaði og koma sér
upp húsnæði. Launin oft ekki há og
iðulega búið að ráðstafa þeim fyr-
irfram. Til þess að hafa fyrir út-
gjöldum eiga foreldrar þann eina
kost að lengja vinnutímann á kostn-
að samverutíma með börnunum.
Þessi staða sem fólk festist í er ekki
fjölskylduvæn og hún bitnar á börn-
unum.
Þau hljóta því að hljóma fallega í
eyrum barnafólks loforð okkar
frambjóðenda þessa dagana. Nú er
verið að lofa ókeypis leikskóla,
ókeypis skólamáltíðum, ókeypis í
strætó fyrir börn og unglinga og að
íþrótta- og tómstundastarf verði
greitt niður. Bak við þessi loforð býr
vonandi fremur góð hugsjón en bara
að menn séu að fiska eftir atkvæð-
um. Jafnaðarmenn hafa verið braut-
ryðjendur á þessu sviði og látið
verkin tala. R-listinn var t.d. fyrstur
til að koma á gjaldfrjálsum leikskóla
í áföngum og hafnfirskir jafn-
aðarmenn voru frumkvöðlar í að
lækka kostnað foreldra vegna þátt-
töku í íþrótta- og tómstundastarfi.
Ákvörðun um lækkun þessara
gjalda er um leið ákvörðun um að
taka meira af því fé sem allir íbúar
sveitarfélagsins leggja til reksturs
þess, einkum með útsvari og fast-
eignagjöldum, og nota það barna-
fólki í hag. Þannig leggjast í raun
allir íbúar sveitarfélagsins á árarnar
við að gera barnafjölskyldum lífið
léttara.
En á allt að vera ókeypis? Vissu-
lega eiga foreldrar ekki að greiða
fyrir leikskólavist barna sinna. Þetta
er fyrsta skólastigið og þar eiga ekki
að vera með skólagjöld fremur en í
grunnskóla eða framhaldsskóla. Það
er líka sjálfsagt að leyfa börnum og
unglingum að sitja í strætó án þess
að borga fyrir, hann ekur hvort eð
er hálftómur um bæinn og rekstr-
arkostnaður eykst ekki þó þau fái að
fljóta með. Hvað matinn í hádeginu
varðar orkar það meira tvímælis
sem og greiðslur fyrir íþrótta- og
tómstundastarf. Sjálfsagt er þó að
sveitarfélögin sjái til þess að gjald-
taka af foreldrum þar sé í lágmarki
og tryggi að allir geti borðað í há-
deginu og tekið þátt í tómstunda-
starfi, óháð efnahag foreldra.
Kostnaður foreldra með 3 börn í
leik- og grunnskóla getur numið
500-700 þús. kr. á ári og þá eru þau
að greiða fyrir leikskóla, dægradvöl,
hádegismat og íþrótta- og tóm-
stundastarf. Fatnaður, skóabækur
og annar kostnaður er ekki inni í
þessari tölu. Til þess að hafa fyrir
þessum kostnaði þarf að vinna fyrir
talsvert meiri tekjum eða hátt í millj-
ón. Lækkun á þessum gjöldum skipt-
ir foreldra því verulegu máli og þeir
eiga auðvitað að láta það skila sér til
barnanna. Hin samfélagslega hug-
sjón á bak við lækkunina er sú að
búa til fjölskylduvænna umhverfi,
stresslausari foreldra sem geta gefið
sér meiri tíma með börnunum sín-
um, en ekki að losa um peninga til
meiri neyslu.
Ókeypis – tími fyrir börnin
Eftir Hafstein Karlsson
Höfundur er bæjarfulltrúi
Samfylkingarinnar í Kópavogi.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050
AUGLÝSINGADEILD
netfang: augl@mbl.is eða sími 569 1111
Haunhamar fasteignasala kynnir 93,8
fermetra 4ra herbergja íbúð við
Hringbraut í Hafnarfirði. Eignin skipt-
ist í forstofu, hol, stofu, borðstofu,
eldhús, gang, tvö barnaherbergi,
hjónaherbergi, baðherbergi, þvotta-
hús og geymslu. Nánari lýsing eignar:
Góður inngangur, hol, stór skápur
þar. Gott eldhús með snyrtilegri inn-
réttingu og góðum borðkrók. Björt
rúmgóð stofa (borðstofa). Svefngangur, ágætt baðherbergi, baðkar með sturtu,
flísar í hólf og gólf, hvít innrétting, gluggi. Gott svefnherbergi með skáp, út-
gangur þaðan út í suðurgarð. Ágæt tvö barnaherbergi. Sérgeymsla og þvotta-
hús í kjallara. Sérlega björt og skemmtileg íbúð á fyrstu hæð í góðu 4-býli.
Húsið er nýlega málað að utan. Gott útsýni og góð staðsetning.
Bæjarhrauni 10 • Hafnarfirði • Sími 520 7500 • www.hraunhamar.is
Hringbraut - Hf.