Morgunblaðið - 30.08.2006, Blaðsíða 7
MORGUNBLAÐIÐ MIÐVIKUDAGUR 30. ÁGÚST 2006 7
FRÉTTIR
H
V
ÍT
A
H
Ú
S
IÐ
/
S
ÍA
-
6
9
3
3
Laugavegi 172 • Reykjavík • sími 590 5700
KIA umboðið er eini viðurkenndi sölu- og þjónustuaðili KIA á Íslandi.
3 ára ábyrgð.
KIA Sportage er sigurvegari í sínum flokki,
samkvæmt gæðakönnun hins virta alþjóðlega
rannsóknarfyrirtækis JD Power. Könnunin náði
til 115 þúsund bíleigenda í Bandaríkjunum.
*M.v. 30% útborgun og 84 mán. bílasamning hjá SP fjármögnun með blandaðri myntkörfu.
KIA umboðið á Íslandi er í e igu Heklu hf.
Vegna sérlega hagstæðra samninga við framleiðendur getum við nú
boðið örfáa KIA Sportage á þessu frábæra verði. KIA Sportage nýtur
sívaxandi vinsælda á Íslandi, enda framúrskarandi og margverðlaunaður
sportjeppi. Byltingarkennd 2ja lítra dísilvélin er einstaklega hljóðlát og
umhverfisvæn en skilar engu að síður 140 hestöflum og eyðir aðeins
7,1 lítra á hundraðið í blönduðum akstri.
SértilboðKIA Sportage dísil 140 hestöfl
eða 27.720 kr. á mánuði*
2.690.000 kr.
STOFNUÐ verður framhaldsskólabraut í
grunnskólanum Lækjarskóla í Hafnarfirði, og
er hún hugsuð sem framhald af fjölgreinanámi
skólans. Þorgerður Katrín Gunnarsdóttir
menntamálaráðherra og Lúðvík Geirsson, bæj-
arstjóri Hafnarfjarðar, skrifuðu undir sam-
komulag um nýju námsbrautina í Hafnarborg í
gær.
Um er að ræða tveggja ára framhaldsbraut
við Lækjarskóla, í samstarfi við Flensborg-
arskólann og Iðnskólann í Hafnarfirði. Er hún
ætluð nemendum sem að öðrum kosti væru lík-
legir til að flosna upp úr námi. Samningurinn
gildir til næstu fjögurra ára, frá og með haust-
önn 2006. Menntamálaráðuneytið leggur verk-
efninu til fé vegna kennslukostnaðar, sem mið-
ast við fjölda nemenda sem stunda nám á hverri
önn, að hámarki 12 nemendum.
Fram kemur í tilkynningu frá Hafnarfjarð-
arbæ að brautin sé hugsuð sem framhald á
námsbraut sem farið var af stað með í Lækjar-
skóla haustið 2004 undir heitinu fjölgreinanám.
Með því var hugmyndin að koma til móts við
nemendur sem vildu létta á bóklegu námi en
auka það verklega. Hefur þessi leið gefist mjög
vel og mikil ásókn verið í námsbrautina.
Framhaldsskólabraut
í Lækjarskóla
Morgunblaðið/Jim Smart
Framhaldsskólabraut Þorgerður Katrín Gunnarsdóttir menntamálaráðherra og Lúðvík
Geirsson, bæjarstjóri Hafnarfjarðar, skrifuðu undir samninginn í gær.
BOLVÍKINGAR hyggjast fylkja
liði í Óshlíðinni á morgun, fimmtu-
dag, klukkan 19.30 til að krefjast
úrbóta í samgöngumálum við
kaupstaðinn með lagningu jarð-
ganga.
„Við hljótum að krefjast öruggra
samgangna við allar aðrar byggðir
landsins,“ segir m.a. í áskorun
Valrúnar Valgeirsdóttur, sem hún
birti á vef Bolungarvíkurbæjar,
vikari.is, en hún hefur haft for-
göngu um þessar aðgerðir.
Kemst ég til tannlæknis
eða verð ég að afpanta?
„Ég vona að þetta verði til þess
að vekja athygli á því að við þurf-
um að hafa þessar samgöngur í
lagi. Á bak við allar ályktanir er
fólk sem býr hér í bænum og býr
við þetta allan ársins hring. Get ég
farið Óshlíðina? Kemst ég til tann-
læknis eða verð ég að afpanta tím-
ann? Get ég farið að versla í Bón-
us? Kemst maðurinn minn heim úr
vinnunni? Kemst hann í vinnuna?
Ég held að fólk geri sér ekki grein
fyrir hvernig er að búa við þetta,“
sagði hún í gær í samtali við Morg-
unblaðið.
Valrún sagði að gætt yrði fyllsta
öryggis við aðgerðirnar og ekki
farið um Óshlíðina nema það væri
talið óhætt vegna grjóthruns. Að-
gerðirnar færu fram í samráði við
lögreglu og undir eftirliti hennar.
„Ef það fer að rigna eða slíkt þá
breytum við bara fyrirkomulaginu.
Ef okkur verður ekki óhætt að
fara þá verðum við bara hérna
megin, eins og við þurfum oft að
vera þegar hlíðin er ófær,“ sagði
hún ennfremur.
Sækja menntaskóla
alla daga á veturna
Hún benti á að samgöngur á
landi væru einu samgöngurnar við
Bolungarvík og yrðu því að vera í
lagi og öruggar. „Hér eru börn
sem sækja menntaskóla á Ísafjörð
til dæmis alla daga á veturna. Þau
eru náttúrlega alltaf í hættu, en
þau hafa engan annan kost,“ sagði
Valrún.
Hún bætti við að svona lagað
vendist að einhverju leyti. Fólk
lærði að taka tillit til þessara að-
stæðna, en auðvitað væri þetta
ástand ekki viðunandi. „Hér er
gott að búa og hér verður enn
betra að búa þegar við fáum
öruggar samgöngur,“ sagði hún að
lokum.
Bolvíkingar
krefjast
úrbóta í
samgöngum
Hyggjast fylkja
liði í Óshlíðinni
annað kvöld
Eftir Hjálmar Jónsson
hjalmar@mbl.is