Morgunblaðið - 30.08.2006, Blaðsíða 11
MORGUNBLAÐIÐ MIÐVIKUDAGUR 30. ÁGÚST 2006 11
FRÉTTIR
VILHJÁLMUR Þ. Vilhjálmsson,
borgarstjóri, vígði í gær með form-
legum hætti svonefnda Skugga-
garða, nýja stúdentagarða Fé-
lagsstofnunar stúdenta við
Lindargötu. Þetta eru fyrstu garð-
arnir sem FS opnar utan háskóla-
svæðisins en langstærstur hluti stúd-
entaíbúða er við Eggertsgötu,
skammt frá skólanum.
Fyrstu stúdentarnir eru þegar
fluttir inn á Skuggagarðana en öllum
96 íbúðunum hefur verið úthlutað.
Það þarf ef til vill ekki að koma á
óvart að eftirspurn meðal stúdenta
eftir íbúðum á görðunum sé mikil
enda er almennt leiguverð hvað hæst
í miðbænum og nálægt háskólum. Í
Morgunblaðinu var á dögunum haft
eftir starfsmanni hjá leigumiðlun í
borginni að algengt verð á tveggja
herbergja íbúð á þessu svæði sé 70–
90 þúsund krónur á mánuði og 90–
120 þúsund krónur fyrir þriggja her-
bergja íbúð. Leiga fyrir íbúðir í
Skuggagörðunum er hins vegar 48
þúsund krónur á mánuði.
Vilji til að útvega lóðir
Vilhjálmur segir það ánægjuefni
að garðarnir hafi verið opnaðir og um
sé að ræða hagkvæma leigu sem
standi undir afborgunum. „Það er
verið að leigja samskonar íbúðir á al-
mennum markaði fyrir 80–90 þús-
und. Það eru upphæðir sem stúdent-
ar og margir aðrir ráða ekki við,“
segir Vilhjálmur og bætir við að hann
hyggist beita sér fyrir því að búið
verði vel að stúdentum í borginni.
„Í því felst að við reynum að út-
vega þeim lóðir á hagstæðum kjör-
um. Þegar eru hafnar viðræður milli
skipulagsyfirvalda við forsvarsmenn
stúdenta um svæði fyrir námsmenn
til að byggja upp til framtíðar. Við
ætlum að leggja okkur fram við að
mæta óskum þeirra eins og við get-
um best,“ segir Vilhjálmur. Aðspurð-
ur hvaða svæða sé helst horft til í
þessum efnum segir hann að annars
vegar sé horft til lóða við Hverfisgötu
og hins vegar lóða í Vatnsmýri.
Ákveðið hafi verið á sínum tíma að
byggja um 100 stúdentaíbúðir á svo-
nefndum Barónsreit í miðbænum en
Vilhjálmur segir að sú ákvörðun sé í
kæruferli um þessar mundir og óvíst
hver niðurstaðan verði.
Almenn samstaða virðist vera í
borgarstjórn um aukna uppbyggingu
stúdentagarða. Í fréttatilkynningu
frá Samfylkingunni kemur fram að á
fundi borgarráðs á fimmtudaginn
hyggist flokkurinn leggja til að geng-
ið verði til viðræðna við byggingar-
félög námsmanna um uppbyggingu
allt að 800 stúdentaíbúða í miðborg-
inni og í Vatnsmýrinni á næstu árum.
Hagstæð lánakjör
Kostnaður við byggingu Skugga-
garðanna var um 840 milljónir króna
og lánaði Íbúðalánasjóður um 90% af
þeirri upphæð en FS lagði fram það
sem upp á vantaði. Framkvæmdir
hófust í ágúst 2005 og því tók aðeins
eitt ár að byggja garðana. Stefna FS
er að byggja upp stúdentagarða þar
til allir stúdentar sem þess óska geta
búið á görðum. Núna búa alls um
1.200 íbúar í 731 leigueiningu á veg-
um FS og dugir það húsnæði fyrir
um 8% stúdenta við Háskóla Íslands.
Í fréttatilkynningu frá FS kemur
fram að talið sé að húsnæði fyrir um
15% stúdenta þurfi að vera fyrir
hendi til að uppfylla þarfir næstu ára.
Stofnunin bíði nú eftir úthlutun frek-
ara byggingarsvæðis en fjármögnun
framkvæmda sé tryggð.
Félagsstofnun stúdenta er ekki ein
um að byggja upp húsnæði fyrir
stúdenta, því Byggingarfélag náms-
manna hefur í hyggju að reisa um 800
íbúðir fyrir námsmenn á höfuðborg-
arsvæðinu á næstu fimm árum.
Ástæður þess að FS og BN geta
boðið upp á mun lægra leiguverð en
gengur og gerist á markaðnum eru
annars vegar hagstæð lánakjör frá
Íbúðalánasjóði og hins vegar að
starfsemin er ekki rekin með hagn-
aðarsjónarmið í huga. Þannig má
halda leigunni í lágmarki.
Erfiður leigumarkaður
Sigurður Örn Hilmarsson, formað-
ur Stúdentaráðs Háskóla Íslands,
sagði í ræðu við athöfnina í gær að
hann fagnaði tilkomu garðanna og að
hann vonaði að samstarf stúdenta við
nýjan meirihluta í borginni yrði
ánægjulegt.
Í samtali við Morgunblaðið sagði
Sigurður mikilvægt að fulltrúar
stjórnmálaflokkanna í borgarstjórn
Reykjavíkurborgar efni loforð sín
um úthlutun lóða fyrir stúdentagarða
en einnig að húsaleigubætur verði
hækkaðar í samræmi við íbúðaverð.
Hann bendir á að fæstir stúdentar
hafi í raun efni á að kaupa sér eigið
húsnæði. Þá komi tvennt til greina.
„Annars vegar er það almennur
leigumarkaður en hins vegar að
sækja um íbúð á stúdentagörðum hjá
Félagsstofnun stúdenta.“ Hann segir
að aðstæður á leigumarkaði séu hins
vegar afar erfiðar, leiguverð geti ver-
ið allt að 90 þúsund krónur fyrir
tveggja herbergja íbúð og öll fram-
færslulánin renni þá einfaldlega í
húsaleigu. Leiguverð hafi hækkað og
þá sér í lagi í nágrenni Háskóla Ís-
lands. „Nú er svo komið að grunn-
fjárhæð húsaleigubóta hefur ekki
hækkað í samræmi við húsaleigu sem
hefur hækkað um rúmlega 50% frá
árinu 2000.“ Sigurður hefur óskað
eftir fundi með félagsmálaráðherra
þar sem hann hyggst þrýsta á að
húsaleigubætur verði hækkaðar til
samræmis við leiguverð.
„Annað sem við viljum gera er að
byggja fleiri stúdentagarða. Fé-
lagsstofnun stúdenta er vel rekið fyr-
irtæki sem á greiðan aðgang að fjár-
magni en það eina sem okkur vantar
fyrir áframhaldandi uppbyggingu
eru lóðir.“ Að sögn Sigurðar hefur
biðlisti yfir stúdenta sem sótt hafa
um íbúð aldrei verið lengri. „Núna
eru 700 manns á biðlista og er það
20% aukning frá því í fyrra.“
Fréttaskýring | Borgarstjóri vígði í gær nýja stúdentagarða við Lindargötu með um 100 íbúðum
en mikil eftirspurn er meðal ungs fólks eftir leiguhúsnæði. Leiga á almennum markaði hefur hækkað
mikið að undanförnu og FS og Stúdentaráð vilja byggja fleiri garða þar sem leiguverð er hagstæðara.
Vantar fleiri lóðir
Eftir Árna Helgason
og Gunnar Pál Baldvinsson
Morgunblaðið/Sverrir
Skuggagarðar Alls eru 96 íbúðir á nýjum stúdentagörðum við Lindargötuna.
»Félagsstofnun stúdenta létbyggja Skuggagarða við
Lindargötuna og eru 96 íbúðir
á görðunum
»Enn eru þó rúmlega 700stúdentar á biðlista eftir
íbúðum á görðunum og hefur
FS óskað eftir frekari lóðaút-
hlutun frá borginni
»Leiguverð á almennummarkaði er hvað hæst í mið-
bænum og nálægt háskólum og
algengt verð fyrir 2 herbergja
íbúð þar er 70–90 þúsund kr. á
mánuði en á Skuggagörðum er
leigan 48 þúsund kr. á mánuði
»FS fjármagnar fram-kvæmdir á hagstæðum
lánakjörum frá Íbúðalánasjóði
auk þess sem stofnunin er ekki
rekin með hagnaðarsjónarmið
að leiðarljósi og því er hægt að
halda leigu í lágmarki
»Borgarstjóri hyggst beitasér fyrir frekari lóðaút-
hlutun vegna stúdentaíbúða og
fulltrúar Samfylkingarinnar
hyggjast leggja fram tillögu í
borgarráði í vikunni um út-
hlutun íbúða
»Byggingarfélag náms-manna hefur einnig reist
stúdentaíbúðir en félagið ætlar
að reisa 800 íbúðir á höfuð-
borgarsvæðinu á næstu 5 árum
Í HNOTSKURN
Morgunblaðið/Sverrir
Alnafnar Vilhjálmur Þ. Vil-
hjálmsson borgarstjóri fær að
sjá íbúðina hjá Vilhjálmi Þ. Vil-
hjálmssyni sem býr á Skugga-
görðunum.
STEINGRÍMUR J. Sigfússon, for-
maður Vinstri grænna, sagði í kvöld-
fréttum NFS sl. mánudag að vítavert,
ef ekki svívirðilegt, væri að reyna að
halda því fram að eðlilegt hafi verið að
halda greinargerð Gríms Björnsson-
ar jarðeðlisfræðings um Kárahnjúka-
virkjun frá Alþingi á þeim tíma sem
fjallað var um frumvarp um virkj-
unina.
„Eða þá að alþingismenn séu svo
vitlausir og skilningslausir að þeir
hafi ekkert með svona tæknilegar
upplýsingar að gera. Ég held að það
fólk sem reynir að réttlæta eða verja
slíkan málstað þurfi alvarlega að fara
að gá að sér og ætti að íhuga sinn
gang og sína stöðu,“ sagði Steingrím-
ur.
Í umræðum á Alþingi 14. mars árið
2003 sagði Steingrímur í ræðu sinni
það með ólíkindum að þingmenn hafi
þá fyrst verið að fá í hendur, eftir
krókaleiðum, og eftir að formlegri af-
greiðslu um málið hafi verið lokið,
m.a. upplýsingar um skýrslu Gríms.
„Og er þó ekkert lítið undir þegar
þessir þættir koma upp á borðið því
þar erum við kannski einfaldlega að
fjalla um áreiðanleika eða áhættu
framkvæmdarinnar sem slíkrar í
heild sinni, að hún geti bara orðið
ónýt eða hrunið og auðvitað þá með
skelfilegum afleiðingum.“
Síðar segir Steingrímur: „Yfir
þetta allt saman hefur verið ákaflega
frjálslega skautað. Inn á þetta kemur
Grímur Björnsson í greinargerð sinni
og samantekt og það hefur orðið fátt
um svör.“
Þáverandi iðnaðarráðherra, Val-
gerður Sverrisdóttir, svaraði Stein-
grími á þá leið að Grímur hefði í febr-
úar árið 2002 ritað að eigin
frumkvæði nokkrar athugasemdir og
spurningar viðvíkjandi Kárahnjúka-
virkjun og lagði hann fram minnis-
blað fyrir fjóra yfirmenn sína, þar á
meðal orkumálastjóra. „Orkumála-
stjóri tók þetta alvarlega og vildi fara
yfir málið. Í kjölfarið var boðað til
fundar af hálfu Landsvirkjunar þar
sem mættir voru sérfræðingar fyrir-
tækisins í þessu máli og þar að auki
Freysteinn Sigmundsson, forstöðu-
maður Norrænu eldfjallastöðvarinn-
ar, sem er sérfræðingur á þessu
sviði,“ sagði Valgerður.
Sagði hún að öllum spurningum
Gríms hafi verið svarað á fullnægj-
andi hátt að mati allra þeirra sem þar
voru nema hvað varðaði hugsanlegt
landsig vegna ferginga frá Hálslóni.
Því hafi verið leitað til Freysteins.
Ekki fyllega ljóst um
meðhöndlun ráðherra
Morgunblaðið spurði Steingrím í
ljósi þungra orða hans í samtali við
NFS sl. mánudag hvers vegna hann
hefði ekki tekið sterkar til orða í um-
ræðum á Alþingi í mars árið 2003 og
sagði Steingrímur að þá hafi honum
ekki verið fyllilega ljóst hvernig
greinargerðin hafi verið meðhöndluð
af hálfu ráðherrans, „og þegar maður
fer yfir málið núna í heild sinni þá átt-
ar maður sig á því hversu alvarlegt
það var að athugasemdir Gríms
skyldu ekki hafa komið strax fram í
dagsljósið,“ segir Steingrímur.
Ræddu greinargerð Gríms
Steingrímur J. og Valgerður á Alþingi 2003