Morgunblaðið - 26.09.2006, Síða 2

2 ÞRIÐJUDAGUR 26. SEPTEMBER 2006 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t

 




 


 
 



  

 

  

 


 


 !

"
# 
$
% 



  


 & 

 
 

'() *

 +,,,














 

Í dag
Sigmund 8 Forystugrein 26
Fréttaskýring 8 Umræðan 28/31
Úr verinu 12 Viðhorf 28
Viðskipti 14/15 Bréf 30
Erlent 16/17 Minningar 32/37
Menning 18/19 Dagbók 44/49
Akureyri 20 Víkverji 46
Austurland 20 Velvakandi 46
Suðurnes 21 Staður og stund 48
Landið 21 Stjörnuspá 48
Daglegt líf 22/25 Ljósvakamiðlar 50
* * *
Innlent

Töluverð hreyfing er að komast á
sölu Icelandair út úr FL Group.
Samkvæmt heimildum Morgun-
blaðsins hafa a.m.k. tveir bankar
lýst áhuga á að kaupa félagið. Mark-
mið þeirra er væntanlega að setja fé-
lagið á markað, þó þannig að kjöl-
festufjárfestar eignist stóran hlut í
því. Telja má víst, að bankarnir telji
sig geta náð umtalsverðum hagnaði
út úr þessum viðskiptum. » 1

Greiningardeild Landsbankans
kynnti í gær nýja hagspá sína. Sam-
kvæmt henni er gert ráð fyrir því að
eftir örstutt aðlögunarskeið á næsta
ári stefni í nýtt hagvaxtarskeið hér á
landi á árunum 2008–2010 vegna
áframhaldandi stóriðjufram-
kvæmda. Reiknar deildin með um
270 milljarða króna viðbótarfjárfest-
ingu í orku- og iðjuverum á árunum
2008–2014, að afkastageta í áliðnaði
muni aukast um ríflega 500 þúsund
tonn og að orkuframleiðsla muni
aukast um 900 MW. » 27

Jarðboranir hf. hafa gengið frá
samningum við ítalska fyrirtækið
Drillmec um kaup á nýjum há-
tæknibor. Nýi borinn kostar um 1,4
milljarða króna og er sá fimmti sem
Drillmec framleiðir fyrir Jarðbor-
anir. Borinn verður útfærður sam-
kvæmt óskum sérfræðinga Jarðbor-
ana til að tryggja að hann henti sem
best íslenskum aðstæðum, en borinn
mun geta nýst jafnt við háhitabor-
anir sem og boranir eftir olíu og
gasi. » 52
Erlent

Alríkisdómari í Bandaríkjunum
heimilaði í gær hópmálshöfðun á
hendur tóbaksfyrirtækjum fyrir að
blekkja reykingamenn og fá þá til að
halda að „léttar“ sígarettur væru
hættuminni en aðrar sígarettur. » 1

Leiðtogi kommúnistaflokksins í
Sjanghæ í Kína var sviptur embætt-
inu í gær vegna meintrar spillingar.
Talið er að brottvikningin kunni að
vera liður í tilraunum Hu Jintaos,
forseta Kína, til að treysta enn stöðu
sína. » 16

Forsætisráðherra bráðabirgða-
stjórnarinnar í Sómalíu bað í gær
þjóðir heims að hjálpa henni í bar-
áttunni við íslamista. Hann lýsti
þeim sem hryðjuverkamönnum og
sakaði þá um tengsl við al-Qaeda, en
því hafa íslamistarnir neitað. » 17
Eftir Boga Þór Arason
og Silju Björk Huldudóttur
„ÞAÐ er mikið fagnaðarefni fyrir skákheiminn ef
loks tekst að sameina heimsmeistaratitlana í skák,“
segir Helgi Áss Grétarsson, stórmeistari í skák, en í
ráði er að sameina heimsmeistaratitlana í skák með
einvígi sem hófst á laugardag í Elista, höfuðstað
sjálfsstjórnarlýðveldisins Kalmykíu við Kaspíahaf í
Rússlandi. Markmiðið með einvíginu er að binda
enda á klofning skákheimsins frá árinu 1993.
Í einvíginu teflir búlgarski stórmeistarinn Vasel-
in Topalov, stigahæsti skákmaður heims, við rúss-
neska stórmeistarann Vladimir Kramnik sem er í 4.
sæti á stigalista Alþjóðaskáksambandsins, FIDE.
Aðspurður segir Helgi Áss þá Topalov og
Kramnik hafa mjög ólíkan skákstíl. „Topalov þykir
tefla mjög hvasst og sókndjarft en Kramnik teflir
öllu agaðra og byggir á meiri stöðubaráttu.“
Að sögn Helga Áss höfðu margir fyrir fram spáð
því að Topalov væri í betra formi en Kramnik, enda
hafi gengið afar vel hjá Topalov á síðustu misserum.
Kramnik hefur hins vegar haft betur í þeim tveimur
skákum sem þegar hafa verið tefldar og segir Helgi
Áss að mögulega megi skýra það með því að
Kramnik henti einvígisformið betur en Topalov.
Þriðja skák þeirra félaga verður tefld í dag, en alls
verða telfdar tólf skákir og nemur verðlaunaféð
einni milljón dollara eða 70 milljónum króna.
Bendir Helgi Áss á að Topalov hafi haft yfirhönd-
ina í annarri skák þeirra félaga, en að lokum tapað
henni. „Hann tók miklar áhættur í þeirri skák og
byggði upp vænlega sóknarstöðu, en tókst ekki að
láta kné fylga kviði og tefla skákina til sigurs. Þann-
ig að það má segja að þetta sé í raun ósanngjörn
staða miðað við skákirnar sjálfar,“ segir Helgi Áss,
en bendir jafnharðan á að ekki megi gleyma að
Kramnik hafi fengið heimsmeistaratitil sinn árið
2000 þegar hann sigraði Kasparov sem þótti, að
sögn Helga Áss, stórkostlegt afrek á sínum tíma.
Spurður hvor sé líklegri til að standa uppi sem
sigurvegari segir Helgi Áss of snemmt að spá fyrir
um það, en bendir á að Kramnik sé nú kominn í
góða stöðu með tvo sigra og geti með leikstíl sínum
haft mikil áhrif á það hvers konar skákir eru tefldar.
Heimsmeistaratitlarnir
í skák loks sameinaðir
Í HNOTSKURN
»Árið 1993 klauf Garrí Kasparov, þáóumdeildur heimsmeistari í skák, sig út
úr FIDE vegna deilu um skipulagningu
heimsmeistaraeinvígis skáksambandsins.
»Kasparov ákvað að heyja eigið heims-meistaraeinvígi við enska stórmeist-
arann Nigel Short. Kasparov sigraði.
»Alþjóðaskáksambandið refsaði Kasp-arov með því að svipta hann titlinum og
skipulagði heimsmeistaraeinvígi milli
Anatolís Karpovs, sem var heimsmeistari
FIDE á undan Kasparov, og hollenska stór-
meistarans Jan Timman. Karpov vann.
FÁTT þykir sumum skemmtilegra
en að sparka bolta og nota hvert
tækifæri sem gefst til þess að æfa
skotfimina.
Þegar ljósmyndari Morgun-
blaðsins átti leið um gamla Þrótt-
arvöllinn hitti hann fyrir knáa
stráka, þá Vilhjálm Kaldal Sig-
urðsson, Hilmi Jökul Þorleifsson
og Alfreð Baarrikaad Valencia,
sem voru að æfa sig með knöttinn
eftirsótta.
Morgunblaðið/Eyþór
Skotfimin æfð á Þróttarvelli
MIKIL mildi þykir að þrjú börn
sluppu án teljandi meiðsla þegar
fólksbifreið var ekið á barnavagn á
Hjallabraut í Hafnarfirði í gær-
dag. Samkvæmt upplýsingum frá
lögreglunni í Hafnarfirði barst til-
kynning um óhappið kl. 16.02 og er
ökumaður bifreiðarinnar á níræð-
isaldri.
Slysið varð með þeim hætti að
móðir var á gangi yfir gangbraut
með tvíbura í barnavagni og eldra
systkini sér við hlið þegar bifreið
var ekið á vagninn. Við það kast-
aðist barnavagninn á eldra systk-
inið sem hlaut lítils háttar meiðsli
á fæti við höggið. Tvíburarnir
sluppu hins vegar ómeiddir.
Að sögn vitnis á vettvangi
keyrði ökumaður bifreiðarinnar
gegnt rauðu ljósi við gangbraut-
ina. Hann sakaði ekki í óhappinu.
Sluppu án
meiðsla
Maður á níræðisaldri
ók á barnavagn í gær
HÉRAÐSDÓMUR Reykjavíkur
hefur dæmt 27 ára karlmann, Loft
Jens Magnússon, í tveggja ára
óskilorðsbundið fangelsi fyrir stór-
fellda líkamsárás sem leiddi til
dauða Ragnars Björnssonar á veit-
ingastaðnum Ásláki í Mosfellsbæ í
desember 2004. Ákærði var einnig
dæmdur til greiðslu nærri 15 millj-
óna króna í skaðabætur og máls-
kostnað.
Dómurinn taldi sannað að ákærði
hefði gerst sekur um að greiða
Ragnari heitnum hnefahögg með
þeim afleiðingum að Ragnar lést en
í ákæru var krafist refsingar fyrir
stórfellda líkamsárás, sem hafði í
för með sér brot í hliðartind fyrsta
hálshryggjarliðs og rof í slagæð við
hálshrygg. Við þetta varð mikil
blæðing inn á höfuðkúpu sem leiddi
til dauða Ragnars.
Ákærði krafðist sýknu í málinu
ellegar til vægustu refsingar. Hann
mundi ekki eftir samskiptum sínum
við Ragnar á veitingastaðnum
vegna ölvunar. Var því stuðst við
frásagnir sjónarvotta og skýrslu
sérfræðinga.
Bar vitnum saman um að ákærði
hefði slegið Ragnar hnefahögg með
þeim afleiðingum að hann hneig í
gólfið. Að fengnum þessum fram-
burðum, og samhljóða áliti lækna
um að dánarorsökin hefði verið
högg efst á háls, var talið full-
sannað að ákærði væri sekur um
árásina.
Ásetningur ósannaður
Við ákvörðun refsingar var litið
til þess að ákærði hefði fráleitt haft
vilja til þess að vinna Ragnari meiri
háttar líkamstjón og ósannað var að
hann hefði borið ásetning til að slá í
háls Ragnars fremur en andlit. Ölv-
un ákærða gæti þó aldrei réttlætt
framferði hans en hún gæti horft til
skýringar á verknaðinum, sem
beindist að manni sem ákærði
hvorki þekkti né átti neitt sökótt
við þegar þeir hittust í fyrsta sinni.
Vitni sögðu að Ragnar hefði á
engan hátt átt upptök að árásinni
og taldi dómurinn að ekkert gæti
réttlætt hana. Að því virtu, sem og
því hve langt væri liðið frá árásinni
og hve óvægna umfjöllun ákærði
hefði sannarlega hlotið hjá ein-
stökum fjölmiðlum þrátt fyrir
ósannaða sök, þótti hæfileg refsing
tveggja ára fangelsi.
Ákærði var dæmdur til að greiða
ekkju hins látna 8,3 milljónir kr. í
bætur og þremur börnum hans 3,8
milljónir kr. auk 2,8 milljóna kr. í
sakarkostnað.
Málið dæmdi Jónas Jóhannsson
héraðsdómari. Verjandi var Björn
Ólafur Hallgrímsson hrl. og sækj-
andi Ragnheiður Harðardóttir
vararíkissaksóknari.
Tveggja ára fangelsi
fyrir banvæna líkamsárás
Ekkert sem réttlætti árásina á ókunnugan mann á Ásláki
þriðjudagur 26. 9. 2006
íþróttir mbl.isíþróttir
Stjarnan er líklegust til afreka í kvennahandboltanum >> 3
CAPPELLO SIGURVISS
REAL MADRID ÞARF AÐ ENDURHEIMTA STOLTIÐ
WENGER FAGNAR 10 ÁRA STARFSAFMÆLI » 2
Eftir Sigurð Elvar Þórólfsson
seth@mbl.is
Jón Rúnar Halldórsson, formaður
knattspyrnudeildar FH, sagði í
samtali við Morgunblaðið í gær að
það hefði aldrei neitt annað verið
uppi á teningnum en að semja við
Ólaf og Heimi.
„Árangur þriggja síðustu ára
segir allt sem segja þarf. Ólafur
verður áfram og megnið af leik-
mannahópnum einnig,“ sagði Jón
Rúnar. Aðspurður hvort Norðmað-
urinn Andrei Schei Lindbæk og
Daninn Peter Matzen yrðu áfram í
herbúðum liðsins sagði Jón að það
væru meiri líkur á því að þeir væru
á förum.
Heimir Guðjónsson sagði við
Morgunblaðið að hann hefði ekki
tekið ákvörðun um að vera áfram í
herbúðum FH fyrr en síðdegis í
gær. „Ég verð í draumastarfinu.
Það sem ég mun gera er að halda
utan um þjálfun ungra og efnilegra
leikmanna félagsins. Ég verð með
þá á séræfingum í Risanum í vetur
og verð auðvitað með Ólafi í meist-
araflokksstarfinu líkt og á síðasta
ári.
Í kuldaúlpu í Risanum
Ég verð því í kuldaúlpunni í Ris-
anum megnið af vetrinum og mér
líst ljómandi vel á þetta nýja um-
hverfi sem FH-ingar ætla að bjóða
upp á. Ég verð í fullri vinnu við að
þjálfa hjá félaginu og það er eitt-
hvað sem verður spennandi að tak-
ast á við.“ Heimir var spurður að
því hvort hann hefði verið í við-
ræðum við Fram þess efnis að taka
að sér þjálfun liðsins.
„Já, vissulega hafa menn haldið
að ég væri á förum í það starf. Það
er laust starf hjá Fram og þeir eru
að leita sér að þjálfara. En ég held
að það sé spennandi verkefni hjá
okkur í FH framundan. Við ætlum
að taka skref upp á við í starfi okk-
ar, og ná enn betri árangri. Ungir
knattspyrnumenn í FH fá nú þetta
tækifæri og ég er þakklátur fyrir
að fá að vera hluti af þessu liði. Það
er gott að vera í Krikanum.“
Heimir var spurður að því hvort
hann væri að undirbúa að taka við
starfi Ólafs á næstu misserum sem
aðalþjálfari FH. „Við skulum nú
ekki alveg missa okkur í slíkum
pælingum. Það er ótímabært að
hugsa um slíka hluti en vissulega
stefni ég að því að fá tækifæri til
þess að þjálfa mfl. karla í nánustu
framtíð,“ sagði Heimir.
Ólafur áfram
í Krikanum
Reuters
Fögnuður Kevin Nolan og El-Hadji Diouf leikmenn Bolton fagna marki þess fyrrnefnda gegn Portsmouth í gær
ÓLAFUR Jóhannesson, þjálfari Ís-
landsmeistaraliðs FH í Lands-
bankadeild karla, hefur samið við
félagið til eins ár en undir hans
stjórn hefur liðið fagnað Íslands-
meistaratitlinum undanfarin þrjú
ár. Að auki hefur Heimir Guð-
jónsson samið við FH á ný og verð-
ur hann aðstoðarþjálfari liðsins.
Heimir mun sjá um þjálfun ungra
og efnilegra leikmanna félagsins en
margir höfðu orðað hann við nýliða
Fram.
Heimir verður aðstoðarmaður Ólafs
KEVIN Nolan, leikmaður
enska úrvalsdeildarliðsins
Bolton, var sá fyrsti sem fann
leiðina í gegnum vörn
Portsmouth á leiktíðinni en
hann tryggði Bolton 1:0-sigur
í gær með marki sem hann
skoraði í fyrri hálfleik.
Sam Allardyce, knatt-
spyrnustjóri Bolton, hefur ef-
laust fagnað markinu vel sem
og sigri liðsins en hann hefur
verið mikið í sviðsljósinu eftir
að fréttaskýringaþáttur BBC
bendlaði
hann við
mútur og
ólögleg at-
hæfi í
starfi sínu
sem knatt-
spyrnu-
stjóri.
Harry
Redknapp,
knattspyrnustjóri Portsmo-
uth, kom einnig mikið við
sögu í umræddum þætti þar
sem þrír umboðsmenn stað-
hæfðu að Allardyce væri alltaf
til í að taka við greiðslum und-
ir borðið í viðskiptum með
leikmenn. Milan Mandaric,
fyrrum stjórnarformaður Po-
utsmouth, var kvaddur með
virktum í gær en hann hefur
látið af því embætti.
Markið sem Nolan skoraði
var það fyrsta sem heimaliðið
hafði fengið á sig í 472 mín-
útur í úrvalsdeildinni.
Sam Allardyce
Nolan fann leið framhjá
varnarmúr Portsmouth
Eftir Guðmund Hilmarsson
gummih@mbl.is
Leifur Sigfinnur Garðarsson
verður áfram þjálfari karla-
liðs Fylkis í knattspyrnu. For-
ráðamenn Árbæjarliðsins
réðu ráðum sínum á fundi í
gærkvöld og þar var ákveðið
að Leifur yrði áfram við
stjórnvölinn. Hann tók við
þjálfun liðsins fyrir tímabilið
og gerði þriggja ára samning
en eins og venja er með end-
urskoðunarákvæði af beggja
hálfu. Fylkismenn höfnuðu í
áttunda sæti Landsbanka-
deildarinnar en ekki mátti
tæpara standa því ef Grind-
víkingum hefði tekist að skora
annað mark gegn FH hefði
það fellt Árbæinga.
,,Það var vilji okkar allra að
halda Leifi en þó svo að ár-
angur liðsins hafi verið undir
væntingum höfum við verið
mjög ánægðir með störf hans.
Hann er agaður og góður
þjálfari sem hefur komið með
ýmislegt nýtt inn í félagið sem
við þurftum á að halda. Við
ætluðum okkur meira en
raunin varð á en liðið spilaði á
köflum mjög skemmtilegan
fótbolta en það vantaði að
skora fleiri mörk,“ sagði
Hörður Antonsson, formaður
meistaraflokksráðs Fylkis,
við Morgunblaðið. Hörður
segir að það standi til að
styrkja liðið fyrir baráttuna á
næstu leiktíð.
Leifur Sigfinnur áfram
í brúnni hjá liði Fylkis