Morgunblaðið - 27.10.2006, Blaðsíða 10

10 FÖSTUDAGUR 27. OKTÓBER 2006 MORGUNBLAÐIÐ
FRÉTTIR
Hér kveður við
nýjan tón í íslenskri
bókmenntaflóru
FL GROUP og Sinfóníuhljómsveit
Íslands hafa ákveðið að styrkja
Barna- og unglingageðdeild Land-
spítala – háskólasjúkrahúss (BUGL)
um allt að 20 milljónir króna á næstu
fjórum árum og verður fjármunun-
um varið til að móta sérstakt stuðn-
ingsverkefni á vegum bráðaþjónustu
deildarinnar, sem gengur undir heit-
inu „Lífið kallar“.
Verkefnið var kynnt á blaða-
mannafundi í húsnæði BUGL við
Dalbraut í gær. Það miðar að því að
styrkja börn og unglinga, sem orðið
hafa fyrir áfalli og í kjölfarið misst
lífslöngunina, til að móta nýja lífs-
sögu. FL Group er aðalstyrktarfyr-
irtæki Sinfóníuhljómsveitarinnar og
hluti samkomulags þar að lútandi er
að halda árlega styrktartónleika til
stuðnings ofangreindu verkefni, auk
þess sem leitað verður til tónleika-
gesta um frjáls framlög.
Verkefnið er hugsað fyrir börn og
unglinga á aldrinum 12–18 ára sem
komið hafa á bráðamóttöku deildar-
innar og þurfa á eftirmeðferð að
halda en verkefnið byggist á fjöl-
skylduviðtölum, einstaklingsmeð-
ferð, hópmeðferðartímum og
fræðslu undir leiðsögn sérfræðinga
BUGL.
Hrefna Ólafsdóttir yfirfélagsráð-
gjafi þakkaði fyrir þetta framtak FL
Group og frumkvæði að því að
styrkja innra starf stofnunarinnar.
Þau hefðu um tíma haft hug á því að
hrinda þessu verkefni úr vör en ekki
getað sem skyldi. Nýverið hefði ver-
ið sett á laggirnar bráðamóttöku-
teymi sem tæki á móti öllum börnum
og unglingum sem lentu í bráðaerf-
iðleikum. Nær helmingur þess hóps
væri þar vegna sjálfsvígshættu.
Þessi hópur færi vaxandi og honum
þyrfti að sinna betur og vonin væri
sú að hægt yrði að þróa meðferðar-
úrræði sem einnig myndi nýtast ann-
ars staðar út í samfélaginu. Það væri
mjög mikilvægt að fá fjármagn til
verkefnisins í fjögur ár og yrði fylgst
reglubundið með árangrinum af því
og hann metinn.
Hannes Smárason, forstjóri FL
Group, sagði að félagið hefði ákveðið
að helga þessa árlegu styrktartón-
leika næstu 4–5 árin þeirri starfsemi
sem færi fram á BUGL þannig að
stofnunin hefði rýmri fjárráð en ella.
Ekki væri hægt að tala um árangur
enn sem komið væri þar sem verk-
efnið væri rétt farið af stað en von-
andi yrði hægt að sjá árangurinn
strax á næsta ári. Skjólstæðingar
BUGL þurfi á öllum þeim stuðningi
að halda sem fáanlegur sé.
Morgunblaðið/Ásdís
Styrkveiting Frá blaðamannafundinum í gær. Talið frá vinstri: Hrefna Ólafsdóttir, yfirfélagsráðgjafi BUGL,
Hannes Smárason, forstjóri FL Group, Siv Friðleifsdóttir heilbrigðisráðherra, Þröstur Ólafsson, framkvæmda-
stjóri Sinfóníuhljómsveitarinnar, og Guðrún Bryndís Guðmundsdóttir, staðgengill yfirlæknis BUGL.
FL Group styrkir BUGL
um 20 millj. næstu 4 árin
Stuðningsverkefni fyrir unglinga sem orðið hafa fyrir áfalli
NÍTJÁN frambjóðendur taka þátt í
prófkjöri Sjálfstæðisflokksins vegna
alþingiskosninganna í vor, en próf-
kjörið fer fram í dag og á morgun.
Allir félagsbundnir sjálfstæðismenn
í Reykjavík sem náð hafa 16 ára
aldri mega kjósa, sem og stuðnings-
menn flokksins sem undirritað hafa
inntökubeiðni í sjálfstæðisfélag í
Reykjavík fyrir lok kjörfundar.
Frambjóðendur í prófkjörinu eru:
Ásta Möller alþingismaður, Birgir
Ármannsson alþingismaður, Björn
Bjarnason dóms- og kirkjumálaráð-
herra, Dögg Pálsdóttir hæstarétt-
arlögmaður, Geir H. Haarde for-
sætisráðherra, Grazyna M.
Okuniewska hjúkrunarfræðingur,
Guðfinna S. Bjarnadóttir, rektor
Háskólans í Reykjavík, Guðlaugur
Þór Þórðarson alþingismaður, Illugi
Gunnarsson hagfræðingur, Jóhann
Páll Símonarson sjómaður, Kolbrún
Baldursdóttir sálfræðingur, Marvin
Ívarsson byggingafræðingur, Pétur
H. Blöndal alþingismaður, Sigríður
Andersen lögfræðingur, Sigurður
Kári Kristjánsson alþingismaður,
Steinn Kárason umhverfishagfræð-
ingur, Vilborg G. Hansen landfræð-
ingur, Vernharð Guðnason, formað-
ur Landssambands slökkviliðs- og
sjúkraflutningamanna, og Þorberg-
ur Aðalsteinsson, sölu- og markaðs-
stjóri.
Kjósa á 10 frambjóðendur, hvorki
færri né fleiri. Kosið skal með því
að setja tölustafina 1 til 10 fyrir
framan nöfn frambjóðenda. Kosið
er í átta kjörhverfum, en nánari
upplýsingar um þau er að finna á
heimasíðu Sjálfstæðisflokksins,
www.xd.is.
Prófkjörið er sameiginlegt fyrir
bæði Reykjavíkurkjördæmin. Úrslit
eru væntanleg á laugardagskvöld.
Nítján frambjóð-
endur eru í kjöri
Prófkjör Sjálfstæðisflokks í Reykjavík
ELLEFU gefa kost á sér í fjögur
efstu sætin í prófkjöri Samfylking-
arinnar í Norðvesturkjördæmi sem
fram fer um helgina. Kosið er í 16
kjördeildum, en þær verða opnar
frá kl. 12–18 á laugardeginum og
10–12 á sunnudeginum. Allir sem
skrifa undir stuðningsyfirlýsingu
við Samfylkinguna geta kosið í
prófkjörinu.
Þeir sem taka þátt í prófkjörinu
eru: Anna Kristín Gunnarsdóttir al-
þingismaður, Sauðárkróki, Bene-
dikt Bjarnason, nemi við Háskólann
á Bifröst, Ísafirði, Björn Guð-
mundsson smiður, Akranesi, Bryn-
dís Friðgeirsdóttir, fyrrverandi
bæjarfulltrúi, Ísafirði, Einar Gunn-
arsson kennari, Stykkishólmi, Guð-
bjartur Hannesson skólastjóri,
Akranesi, Helga Vala Helgadóttir,
fjölmiðlakona og laganemi, Bolung-
arvík, séra Karl Matthíasson, fyrr-
verandi alþingismaður, Reykjavík,
Ragnhildur Sigurðardóttir, lektor á
Hvanneyri, Snæfellsbæ, Sigurður
Pétursson bæjarfulltrúi, Ísafirði, og
Sveinn Kristinsson bæjarfulltrúi,
Akranesi.
Kjósendur eiga að merkja við
fjögur nöfn á listanum með tölustöf-
unum 1, 2, 3 og 4.
Upplýsingar um kjörstaði er að
finna á heimasíðu Samfylkingarinn-
ar, www.xs.is.
Samfylkingin fékk tvo þingmenn
kjörna í kjördæminu í síðustu kosn-
ingum.
Ellefu frambjóð-
endur taka þátt
Prófkjör Samfylkingar í NV-kjördæmi
SENDIHERRA Íslands í Bretlandi,
Sverrir Haukur Gunnlaugsson, segir
að fundi sínum með Ben Bradshaw,
sjávarútvegsráðherra Bretlands, í
gærmorgun hafi lokið með því „að við
ákváðum að vera sammála um að vera
ósammála“ um hvalveiðar Íslendinga.
Í yfirlýsingu eftir fundinn sagði ráð-
herrann að veiðiaðferðir Íslendinga
væru „viðbjóðslegar“.
Að sögn Sverris Hauks lýsti Brad-
shaw á fundinum vonbrigðum breskra
stjórnvalda með þá ákvörðun ís-
lenskra stjórnvalda að hefja á ný hval-
veiðar í atvinnuskyni.
Það var Bradshaw sem boðaði
Sverri Hauk á sinn fund. „Við skipt-
umst á skoðunum um ýmsa þætti
[hvalveiði]málsins; lagaleg rök, sjálf-
bærnirök, útrýmingarhættu á vissum
tegundum og efnahagsleg rök,“ sagði
Sverrir Haukur.
Hann segir að fundurinn hafi staðið
í um hálftíma og farið ákaflega kurt-
eislega fram. „Ég fór yfir ýmsa þætti,
sem hafa verið margendurteknir á Ís-
landi, og leiðrétti ýmislegt sem ef til
vill var ekki nógu skýrt hjá Bretum.“
Engin rökræn ástæða
Í yfirlýsingu frá Ben Bradshaw eft-
ir fundinn var haft eftir honum að
Bretar skildu ekki hvers vegna Ís-
lendingar hefðu tekið þessa ákvörðun
og hann hefði gert íslenska sendiherr-
anum ljóst að bæði ríkisstjórn Bret-
lands og almenning hryllti við hvala-
drápi, ekki síst þegar engin rökræn
ástæða væri fyrir veiðunum. Þá hefði
hann beðið sendiherrann að hugleiða
áhrif veiðanna á ímynd og orðspor
þjóðarinnar.
Sorglegar sjónvarpsmyndir
Bradshaw sagðist ekki í neinum
vafa um hvaða álit Bretar hefðu á veið-
unum. „Breska stjórnin telur blóðuga
slátrun þessara dýra algjörlega til-
gangslausa og aðferðirnar sem notað-
ar eru til að drepa langreyðarnar eru
sérstaklega grimmdarlegar og við-
bjóðslegar,“ var haft eftir ráðherran-
um. Sjónvarpsmyndir sem sýndu
hvalskip draga þessa stórkostlegu
skepnu sem síðan hefði verið slátrað í
augsýn almennings væru sorglegar og
yllu velgju og væru varla til þess falln-
ar að laða fleiri ferðamenn til Íslands.
Sagði aðferðirnar
viðbjóðslegar
Ben
Bradshaw
Sverrir Haukur
Gunnlaugsson