Morgunblaðið - 03.11.2006, Qupperneq 20

20 FÖSTUDAGUR 3. NÓVEMBER 2006 MORGUNBLAÐIÐ
HÖFUÐBORGARSVÆÐIÐ
MAGNAÐUR KVEÐSKAPUR!
Eyfirsk
skemmtiljóð
koma öllum í
gott skap.
Álftanes - Ákveðið hefur verið að
kanna möguleika á því að reisa
menningar- og náttúrusetur á Álfta-
nesi og hafa sveitarfélagið Álftanes
og þróunarfélagið Þyrping hf. und-
irritað samning þess efnis. Enn-
fremur hafa þau ásamt Samtökum
áhugafólks um menningarhús
(SÁUM) undirritað viljayfirlýsingu
um að skoða uppbyggingu á slíku
setri í sveitarfélaginu.
Sveitarfélagið Álftanes hefur um
árabil haft mikinn áhuga á því að
efla menningar- og náttúrutengda
starfsemi á Álftanesi og hafa fjöl-
margir möguleikar verið skoðaðir í
því sambandi. Nýlega kom upp sú
hugmynd að reisa þar menningar-
og náttúrusetur og leggja áherslu á
fjölbreytta starfsemi með alþjóð-
legu yfirbragði.
SÁUM fengu styrk frá forsæt-
isráðuneytinu og Álftanesi til að
gera frumathugun á slíku setri og
með hliðsjón af niðurstöðum athug-
unarinnar telur sveitarfélagið fulla
ástæða til þess að kanna betur
grundvöll slíks seturs á Álftanesi.
Það hefur fengið Þyrpingu til sam-
starfs og verði niðurstaða verkefn-
isins jákvæð eru áform um að reisa
sérstæða og metnaðarfulla 2.000
fermetra byggingu á stóru helgun-
arsvæði þar sem hægt væri að taka
á móti 60.000 til 100.000 ferðamönn-
um sem árlega heimsækja Bessa-
staði. Gert er ráð fyrir að í bygging-
unni yrði sýning tengd sögu
staðarins og Álftaness, vettvangur
menningar- og listviðburða, fé-
lagsstarf, ráðstefnuhald og aðstaða
til veitingasölu. Húsið gæti jafn-
framt orðið miðstöð friðaðs strand-
svæðis við Skerjafjörð.
Skoða byggingu á menn-
ingar- og náttúrusetri
Morgunblaðið/Ómar
Samningur G. Oddur Víðisson, framkvæmdastjóri Þyrpingar hf, Sigurður
Magnússon, bæjarstjóri Álftaness, og Hilmar Örn Hilmarsson, formaður
stjórnar Samtaka áhugafólks um menningarhús, að undirskrift lokinni.
    


 




(&  

 



    
  
) #

 &  

& 
*

  & 
+ &
Í HNOTSKURN
»Álftanes er þekkt fyrirnáttúrufegurð og er dýra-
og fuglalíf hvergi fjölbreytt-
ara á höfuðborgarsvæðinu. Í
fjörum Bessastaðahrepps er
fjölbreytt lífríki og þær gegna
mikilvægu hlutverki sem án-
ingarstaður farfugla.
»Bessastaðir voru um langtskeið miðstöð valds á Ís-
landi, en þar sátu umboðs-
menn Danakonungs. Við
stofnun lýðveldis urðu Bessa-
staðir aðsetur forseta Íslands.
LÍFRÍKI Rauðavatns er grósku-
mikið og miklar vatnsborðssveiflur
einkenna vatnið, að því er fram
kemur í niðurstöðum rannsóknar á
lífríki Rauðavatns, sem kynntar eru
í nýrri skýrslu. Náttúrufræðistofa
Kópavogs gerði rannsóknina fyrir
Umhverfissvið Reykjavíkurborgar
en rannsóknin var unnin á tíma-
bilinu júní til nóvember 2005. Meg-
inmarkmið hennar var að afla upp-
lýsinga um lykilþætti í efnabúskap
og lífríki vatnsins, m.a. í því skyni
að meta hugsanleg áhrif fram-
kvæmda vegna fyrirhugaðs íþrótta-
svæðis við norðvestanvert vatnið.
Í helstu niðurstöðum rannsókn-
arinnar segir að Rauðavatn sé af-
rennslislaust en miklar vatnsborðs-
sveiflur einkenni það. Bendi þær til
þess að vatnsbúskapurinn sé háður
litlu vatnasviði. Svokallaður Mos-
fellsheiðarstraumur, sem er einn af
fjórum stórum grunnvatns-
straumum á höfuðborgarsvæðinu,
virðist ekki setja mark sitt á
vatnsbúskap Rauðavatns. Rafleiðni
í Rauðavatni sé há og einnig styrk-
ur uppleystra efna.
Í skýrslunni segir að þegar á
heildina er litið sé lífríki Rauða-
vatns gróskumikið. „Mikil gróska
er í vexti síkjamara og er hann
sennilega mikilvægur í að koma í
veg fyrir að Rauðavatn verði fúlt
og gruggugt vegna botnróts og
ofauðgunar. Botnlægar vatnaflær
ásamt augndílum, rykmýslirfum og
sundánum eru algengustu smá-
dýrahóparnir í Rauðavatni.“
Lauslegar athuganir á fuglalífi
gefi tilefni til að ætla að Rauðavatn
kunni að gegna nokkuð mikilvægu
hlutverki sem uppeldisstöð fyrir
ungviði nokkurra tegunda.
„Í ljósi aðstæðna er mikilvægt að
fyrirhugaðar framkvæmdir við
íþróttasvæði hafi sem allra minnst
áhrif á þætti sem snerta efnafræði
vatnsins og vatnsmagn. Í þessu
sambandi þarf einkum að varast að
ofanvatn, t.d. af bílastæðum, renni
óhreinsað beint út í vatnið,“ segir í
skýrslunni.
Gróska í Rauðavatni
Morgunblaðið/Ásdís
Gróskumikið lífríki Vatnaflær og rykmýslirfur eru meðal þeirra dýrateg-
unda sem þrífast í Rauðavatni. Myndin er tekin á sólríkum sumardegi.
BJÓRINN Kaldi frá Bruggsmiðj-
unni á Ársskógsströnd er uppseldur
og verður ekki fáanlegur aftur í
verslunum ÁTVR fyrr en 13. nóvem-
ber. Agnes Sigurðardóttir, annar
eigendanna, segir viðtökur við fram-
leiðslunni hafa verið ótrúlegar.
Bruggsmiðjan hóf starfsemi í
byrjun október, síðan hafa verið
framleiddar á milli 17 og 18 þúsund
flöskur og segir Agnes að varan klár-
ist nánast jafnharðan. Kaldi er seld-
ur í tveimur verslunum ÁTVR í
Eyjafirði; á Dalvík og Akureyri, og í
Heiðrúnu og Kringlunni í Reykjavík.
„Verksmiðjan var ekki alveg tilbú-
in þegar við byrjuðum, tækjafram-
leiðandinn kom í þarsíðustu viku til
að ganga frá þeim smáatriðum sem
voru eftir og um miðjan nóvember
verður framleiðslan komin á fullt aft-
ur,“ segir Agnes.
Bruggsmiðjan hefur líka selt
dökkan bjór; boðið var upp á hann í
hófi við opnun brugghússins og
vegna góðra viðbragða var ákveðið
að setja hann á markað. Hann verð-
ur einungis seldur í veitingahúsum,
að sögn Agnesar, og ekki verður
framleitt meira af honum fyrr en eft-
ir áramót vegna mikillar spurnar eft-
ir ljósa pilsnernum.
Bjórinn Kaldi verður
ófáanlegur næstu daga
AKUREYRI
FORSETI heilbrigðisdeildar Há-
skólans á Akureyri gleðst vegna
ákvörðunar mennta- og fjármála-
ráðherra þess efnis að fjölgað verði
um 10 nemendur í hjúkrunarfræði
við skólann á næsta ári.
Í frumvarpi til fjárlaga fyrir 2007
er gert ráð fyrir því að nemendum á
fyrsta ári í hjúkrunarfræði verði
fjölgað um 25 og að fjölgunin verði
öll innan Háskóla Íslands.
„Af þessu tilefni vilja mennta- og
fjármálaráðuneyti greina frá því að
ráðuneytin munu leggja til við aðra
umræðu um frumvarp til fjárlaga að
fjölgunin skiptist þannig að fjölgað
verði um 10 nema á ári í hjúkrunar-
fræði í Háskólanum á Akureyri og
um 15 nema í Háskóla Íslands. Er
það í samræmi við það sem fram fór
á milli menntamálaráðuneytis og
Háskólans á Akureyri sl. sumar og
umræður í ríkisstjórn um sérstakar
ráðstafanir til að fjölga útskrifuðum
hjúkrunarfræðingum,“ segir í til-
kynningu menntamálaráðuneytis-
ins.
Hermann Óskarsson, forseti heil-
brigðisdeildar Háskólans á Akur-
eyri, segir nemendur skólans hina
raunverulega sigurvegara í þessu
máli. „Við fögnum þessu sérstak-
lega og teljum að nemendur okkar
hafi unnið gott verk því þeir tóku
þátt í þessu af heilum hug.“
Nemendur við skólann ályktuðu
um málið og um 30 nemendur á höf-
uðborgarsvæðinu, sem eru í fjar-
námi í hjúkrunarfræði við HA,
gengu á fund fjármálaráðherra,
Árna M. Mathiesen, eftir að fjár-
lagafrumvarpið var lagt fram og
ráðherra tilkynnti hópnum, að sögn
Hermanns, að málinu yrði kippt í
liðinn þegar í stað. „Fjármálaráð-
herra hefur þegar hringt í [Þorstein
Gunnarsson] rektor og staðfest
þetta og formaður fjárlaganefndar
einnig. Þessir 10 nemendur verða
teknir af þeim 25 manna hópi sem
hafði verið úthlutað til HÍ. Við fögn-
um auðvitað fjölguninni hér en ég
hefði ekkert haft á móti að HÍ hefði
fengið sína 25, enda ekki vanþörf á
því að fjölga hjúkrunarfræðingum,“
sagði Hermann.
„Næsta verk verður að leggja til
við háskólaráð Háskólans á Akur-
eyri að fjölgað verði um þessa 10
nemendur strax. Háskólaráð kemur
saman í næstu viku, 10. nóvember,
og þar verður sú tillaga væntanlega
samþykkt,“ sagði Hermann Óskars-
son við Morgunblaðið.
Fjölgað verður um 10
nemendur í hjúkrun
Morgunblaðið/Skapti Hallgrímsson
Gleðitíðindi Þorsteinn Gunnarsson rektor brosti ásamt nemendum við
brautskráningu í vor. Háskólamenn nyrðra brosa án efa líka í þessari viku.
Nemendur HA sagð-
ir raunverulegir sig-
urvegarar í málinu
Í HNOTSKURN
»Í frumvarpi til fjárlaga ergert ráð fyrir fjölgun
nema í hjúkrun í HÍ um 25.
»Nú er ljóst að fjölgað verð-ur um 15 í HÍ og 10 í HA.
»Forseti heilbrigðisdeildarHA fagnar fjölgun hjúkr-
unarfræðinema þar á bæ.