Morgunblaðið - 19.12.2006, Side 51

MORGUNBLAÐIÐ ÞRIÐJUDAGUR 19. DESEMBER 2006 51
menning
ÆVINTÝRAMYNDIN Eragon er
komin í efsta sæti yfir vinsælustu
myndirnar í íslenskum kvikmynda-
húsum, en þar hefur James Bond-
myndin Casino Royale setið sem
fastast í mánuð. Rúmlega 6.000
manns sáu Eragon fyrstu sýning-
arhelgina, en myndin er byggð á
samnefndri metsölubók eftir Chri-
stopher James Paolini sem var að-
eins 15 ára þegar hann byrjaði á
bókinni sem er sú fyrsta í þrennu
um unga hetju, dreka, góð öfl og ill
á miðöldum. Titilhetjan kemst að
því að hún getur bjargað Alagaësíu,
landi sínu, og þjóð með hjálp goð-
sagnakennds dreka. Hann getur
líka tortímt því en leggur ótrauður í
bardaga við harðstjórann, konung-
inn geggjaða Galbatorix. Með
helstu hlutverk í myndinni fara
Edward Speleers, Jeremy Irons og
John Malkovich.
Beint í annað sæti listans stökk
svo spennumyndin Deja Vu sem
skartar Denzel Washington í aðal-
hlutverki. Myndin fjallar um leyni-
lögreglumanninn Doug Carlin sem
er kallaður á vettvang til að rann-
saka dularfullt mál. Smátt og smátt
flækist hann inn í undarlega at-
burðarás þar sem honum finnst
hann upplifa sömu hlutina aftur og
aftur. Þá áttar hann sig á því að
hann getur hugsanlega komið í veg
fyrir hræðilega atburði, sem hafa
þegar átt sér stað. Rúmlega 2.000
manns sáu myndina um helgina.
Casino Royale er komin í fjórða
sætið, en Mýrin er í sjöunda sæti og
hefur hún verið á lista í níu vikur.
Alls hafa nú rúmlega 86.000 manns
séð myndina.
Kvikmyndir | Vinsælustu kvikmyndirnar á Íslandi
Eragon skákaði Bond





   


  
 


 
!

"# 
$ %!

&


 '
()
)
&)
*)
+)
)
,)
-)
.)
()



,=! #











Ævintýri Edward Speleers leikur aðalhlutverkið í Eragon.
KVIKMYNDIN The Pursuit of
Happiness, þar sem Will Smith leik-
ur aðalhlutverkið, var vinsælasta
myndin í bandarískum kvikmynda-
húsum um helgina. Myndin er byggð
á sannsögulegum atburðum en hún
fjallar um einstæðan heimilislausan
föður sem á endanum verður farsæll
verðbréfamiðlari.
Þar skákaði hún þeim tveimur
myndum sem áður var spáð að yrðu
vinsælustu barna- og unglingamynd-
ir ársins, það er að segja Eragon,
sem var í öðru sæti listans yfir vin-
sælustu myndirnar í bandarískum
kvikmyndahúsum, og Charlotte’s
Web, sem var í því þriðja.
Vanur toppsætinu
Smith má vel við una en þetta er
ekki í fyrsta sinn sem mynd með
honum í aðalhlutverki skýst beint á
topp aðsóknarlistans þar vestra.
Meðal fyrri afreka Smiths á listan-
um má nefna Men In Black og Indep-
endence Day.
„Áhorfendur um allan heim elska
Will Smith,“ fullyrti meira að segja
Rory Bruer hjá dreifingardeild
Sony. „Öllum sem sjá eða hitta
Smith líður eins og hann sé besti vin-
ur þeirra.“
Smith fékk fyrir helgina tilnefn-
ingu til Golden Globe-verðlaunanna
fyrir hlutverk sitt í myndinni og hef-
ur verið bendlaður við ósk-
arsverðlaunatilnefningu.
Mynd Mel Gibsons, Apocalyptica,
sem vermdi toppsætið í síðustu viku,
fór niður í sjötta sæti um helgina.
Bandaríkjamenn
elska Will Smith!
1. The Pursuit of Happiness
2. Eragon.
3. Charlotte’s Web.
4. Happy Feet.
5. The Holiday.
6. Apocalyptico.
7. Blood Diamond.
8. Casino Royale.
9. The Nativity Story.
10. Unaccompanied Minors.
Reuters
Vinsæll Will Smith hreiðrar um sig
á toppnum, og ekki í fyrsta sinn.
Kvikmyndir | Vinsælastar vestanhafs
XXX ROTTWEILERHUNDAR
umbyltu íslensku rappi árið 2001 og
ári síðar flæddu inn á markaðinn
plötur þar sem rappað var á hinu yl-
hýra. Eftir þá sprengingu varð út-
gáfan nokkru stopulli og þannig hef-
ur Bent, einn af höfuð-textamiðum
Rottweiler, ekki komið að plötu í
fjögur ár. Rottweiler áttu tvær plöt-
ur árin 2001 og 2002 og svo gerðu
Bent og 7Berg plötu, einnig árið
2002.
Fyrstu sólóplötu Bents er eig-
inlega best lýst sem skemmtilegri,
jafnvel aðgengilegri. Textarnir á víxl
sniðugir og svo áleitnir, rabbgrobbið
þar sem skotið er á hina og þessa er
til staðar („Prófið bara að bera ykk-
ur saman við Bent/Hættið svo að
rappa og grátið ykkur í svefn,“ segir
í „Le Roi De La Montagne“) en einn-
ig skýtur Bent að vangaveltum um
samfélagslega hluti eins og hina ný-
orðnu fjármagnsstétt og trúarbrögð,
svo dæmi séu tekin. Tónlistin rúllar
áfram í þægilegum millitakti, og sum
lögin bara harla grípandi og oft er
gott grúv í gangi. Bent er stundum á
mörkum þess að vera barnslega ein-
lægur, og slær vopnin úr höndum
manna með hressandi hreinskilni.
„Þetta lag er um áfengissýkina
mína,“ segir hann t.d. um lagið
„Móða“ í bæklingi, og vitnar svo
kinnroðalaust í viðtal við Bjartmar
Guðlaugsson frá 1988 á undan laginu
„Skunda skakkur“, og er þá að velta
fyrir sér aukinni stéttskiptingu í
landinu. Bent virðist skítsama um
hvað sé töff og hvað ekki, og það ein-
mitt það sem er að gera hann svalan.
Af hápunktum má nefna dúett
Bents og Blazroca (Erpur), kröftugt
lag, og áðurnefnt „Móða“ notast
glæsilega við hljóðbút úr Hjálma-
lagi. „Núðlusúpa“ ber með sér und-
irfurðulega og vel heppnaða takt-
skiptingu og glaðværan,
teiknimyndalegan hljóðbút sem
minnir mig einhverra hluta vegna á
Karíus og Baktus.
Þegar sveit Bents, XXX Rott-
weilerhundar, steig fyrst fram á
plötu voru lætin mikil, leitast var við
að ganga fram af fólki og sveitin
einskonar Sex Pistols íslenska
rappsins. Fyrir slíku er ekki að fara
hér, platan er innhverfari, Bent er í
hægðum sínum að velta fyrir sér
ýmsum þáttum í lífinu og tilverunni.
Bent býr yfir miklum kjörþokka, á
greinilega auðvelt með að hrífa fólk
með sér, og pælingarnar hérna eru
settar þannig fram að maður leggur
ósjálfrátt eyrun við. Það er vonandi
að þessi vel heppnaða skífa, saman
með stórgóðri plötu Forgotten Lo-
res, beri með sér meiri virkni í ís-
lenska rappinu á næstunni.
Skriftaganga
skríbents
TÓNLIST
Geisladiskur
Sólóplata Bents (Ágúst Bent Sigberts-
son). Bent á alla texta utan að Erpur,
Örn, Björgvin og Unnar koma að þeim
þætti í þremur lögum. Lúðvík smíðar
flesta takta, en einnig eiga Karl Ingi,
Tryggvi, Kristinn og Ingi takta. Bent gef-
ur sjálfur út.
Bent – Rottweilerhundur

Arnar Eggert Thoroddsen
ÁRIÐ 2002 hélt Eyjólfur Krist-
jánsson tónleika í Borgarleikhúsinu
þar sem öllu var til tjaldað. Eyjólf-
ur, Eyfi, renndi þar í gegnum feril
sinn en tilefnið var tuttugu ára
starfsafmæli hans sem tónlistar-
manns. Tvennt kom sterklega í ljós
á þessum tónleikum, í fyrsta lagi
heyrðist glögglega hversu trúr Eyfi
er því sem hann gerir og í annan
stað kom í ljós að hann á lúmskan
slatta af lögum sem eru orðin sígild
í íslenskri dægurlagatónlist, lög sem
þú vissir varla að þú gætir sungið
aftur á bak og áfram. Áðurnefndir
tónleikar urðu til þess að Eyfi ákvað
að halda aðra slíka, og lét hann
mynda þá vegna mynddiskagerðar.
Í viðtölum talaði hann um að hann
vildi gera þetta í bestu hugsanlegu
hljómgæðum og var greinilega ekk-
ert að grínast með það. Sjálfur Bob
Ludwig, einn frægasti hljómjafnari
heims, sá um lokafráganginn á
disknum. Líta má á Maður lifandi
sem einslags síðbúna myndræna
fylgju með áðurnefndum tónleikum
frá 2002 (sem komu út á disk sem
Engan jazz hér!). Þeir tónleikar
voru bráðvel heppnaðir og eins er
með þessa.
Eyfi er það sem ég vil kalla al-
íslenskur tónlistarmaður, algerlega
óþekktur eða svo gott sem á er-
lendri grundu en á hins vegar
sterkt og gott bakland hérna heima.
Þetta er líkt og með þá Kim Larsen
í Danmörku/Skandinavíu, Herbert
Grönemeyer í Þýskalandi og
Christy Moore á Írlandi. Eyfi er
ekki bara vel liðinn af löndum sínum
heldur og meðbræðrum og -systrum
í bransanum og nóg var af gestum á
þessum tónleikum sem taka með
honum lagið. Tónleikarnir eru opn-
aðir með hinu stórgóða og bjarta
„Dagar“ og svo er haldið í „Gott“,
þar sem Sverrir nokkur Stormsker
fer á kostum sem textasmiður.
Vísnasöngvarinn Eyjólfur, en sem
slíkur steig hann sín fyrstu skref,
sest síðan einn niður með gítarinn
og leikur nokkur lög. Í seinni helm-
ingi tónleikanna er strengjasveitinni
teflt fram og slögurunum rúllað
upp, og að sjálfsögðu endað á hinum
ódauðlegu „Álfheiður Björk“ og
„Draumur um Nínu“. Eyfi er léttur
og þægilegur á milli laga eins og
hann á skap til, þar sem saman fer
einlægni og grallaragrín. Það stafar
nefnilega óneitanlega mikil hlýja frá
Eyfa, hann er sannur, er án til-
gerðar, kaldhæðni og alls þess sem
nútímamaðurinn notar venjulega til
að breiða yfir óöryggið. Eyjólfur er
gegnheill í því sem hann er að gera
og það bæði heyrist – og sést – á
þessari útgáfu.
Alíslensk dægurtónlist
Arnar Eggert Thoroddsen
TÓNLIST
Mynddiskur
Upptaka frá stórtónleikum Eyjólfs Krist-
jánssonar í Borgarleikhúsinu 2. sept-
ember 2005. Eyfi er studdur hljómsveit,
strengjasveit og bakröddum og gesta-
söngvarar eru Bergþór Pálsson, Björgvin
Halldórsson, Björn Jörundur Friðbjörns-
son, Ellen Kristjánsdóttir, Ingi Gunnar Jó-
hannsson, Jón Jósep Snæbjörnsson og
Stefán Hilmarsson. Haffi Tempó sá um
stafræna upptöku og Addi 800 hljóð-
blandaði fyrir mynddisk. Lokahljóð-
vinnsla var í höndum Bobs Ludwigs.
Eyjólfur útsetti og stýrði upptökum
og gefur auk þess út. Sena dreifir.
Eyjólfur Kristjánsson – Maður lifandi

Fréttir á SMS