Morgunblaðið - 26.01.2007, Blaðsíða 1

STOFNAÐ 1913 25. TBL. 95. ÁRG. FÖSTUDAGUR 26. JANÚAR 2007 PRENTSMIÐJA MORGUNBLAÐSINS mbl.is
MATARÁSTRÍÐA
LÆKNIRINN SEM BLOGGAR UM MAT OG
LES UPPSKRIFTIR FYRIR SVEFNINN >> 26
GUÐSPJALLAMENN
Í HOLLYWOOD
TOM KRISTUR
FALSKRISTUR? >> 45
HÆSTIRÉTTUR sýknaði með
dómi í gær Jón Ásgeir Jóhann-
esson, Kristínu Jóhannesdóttur,
Stefán Hilmar Hilmarsson og
Önnu Þórðardóttur af þeim sex
ákæruliðum sem eftir stóðu af
hinu upprunalega Baugsmáli.
Staðfesti dómurinn niðurstöður
Héraðsdóms Reykjavíkur.
Hæstiréttur sýknaði sakborn-
inga af ákærum um brot á tolla-
lögum, almennum hegningarlög-
um og lögum um ársreikninga.
Var Jón Ásgeir m.a. sakaður um
að hafa látið hjá líða að geta um
fjárhæð lána til stjórnarmanna,
stjórnenda, hluthafa eða aðila
þeim tengdra í skýringum með
ársreikningum Baugs fyrir árin
1998–2001. Stefáni var gefið að
sök að hafa áritað fyrirvaralaust
ársreikninga Baugs árin 1998–
2001, án viðeigandi skýringa, og
Önnu gefið það sama að sök árin
2000 og 2001.
Í sýknudómi Hæstaréttar segir
m.a. um þetta atriði að við skýr-
ingu á merkingu hugtaksins láns
sé óhjákvæmilegt að taka mið af
því að í málinu reyni á hana ein-
göngu við úrlausn um hvort
ákærði hafi gerst sekur um refsi-
verða háttsemi. „Þessu orði verð-
ur því ekki gefið hér víðtækara
inntak en leiðir af hljóðan þess og
getur þar engu breytt hvort
ákvæðinu kunni að hafa verið
ætlað annað markmið en þjónað
yrði með slíkri skýringu …“ segir
meðal annars í dómnum. Féllst
Hæstiréttur heldur ekki á það
með ákværuvaldinu að hugtakið
lán tæki til heildarfjárhæðar
krafna Baugs hf. í lok hvers
reikningsárs á hendur þeim að-
ilum sem ákærðir voru, án þess
að frekar yrði að huga að því
hvernig kröfurnar hefðu mynd-
ast.
Ennfremur segir m.a. í dómn-
um að mestu máli skipti að
hvorki Jóni Ásgeiri né endur-
skoðendunum hafi réttilega gefist
kostur á að koma fram skýring-
um og afstöðu sinni til þess hvort
einstakar færslur varði lán í
skilningi 43. greinar laga um árs-
reikninga og eftir atvikum hvort
einhverjar gætu hafa verið und-
anþegnar tilgreiningarskyldu.
„Þetta er stór dagur sem mað-
ur hefur beðið eftir í fjögur ár …
Málið var aldrei rannsakað af
hlutlægni,“ sagði Stefán Hilmar í
gær. Gestur Jónsson, lögmaður
Jóns Ásgeirs, sagðist lengi hafa
verið sannfærður um að þetta
væri eðlileg og rétt niðurstaða í
málinu. „Það er alltaf gott að
málum skuli ljúka og nú er þess-
um hluta málsins lokið,“ sagði
Sigurður Tómas Magnússon,
settur ríkissaksóknari.
Jón Ásgeir Jóhannesson Kristín Jóhannesdóttir Anna Þórðardóttir Stefán Hilmar Hilmarsson
ÖLL SÝKNUÐ

Hæstiréttur Íslands sýknaði fjóra sakborninga af sex ákæruliðum í gær

Baugsmálinu er lokið gagnvart Kristínu, Stefáni og Önnu

„Eðlileg og rétt niðurstaða,“ segir lögmaður Jóns Ásgeirs Jóhannessonar
Í HNOTSKURN
» Hið upphaflega Baugsmálhófst með ákæru ríkislög-
reglustjóra 1. júlí 2005, en um
var að ræða ákæru á hendur
sex manns.
» Ákæruatriðin sem Hæsti-réttur sýknaði sakborn-
inga af í gær voru þau sem
eftir stóðu af upprunalegri
ákæru ákæruvaldsins, en
Hæstiréttur vísaði í október
2005 32 af 40 ákæruliðum frá
dómi.
» Enn hefur ekki fallið dóm-ur í nýrri ákæru sem höfð-
uð var í apríl á síðasta ári, en
þá voru endurútgefnir 19 af
þeim 32 liðum sem Hæstirétt-
ur hafði áður vísað frá.
» Vísun skattrannsókn-arstjóra á máli nokkurra
stjórnenda Baugs til ríkislög-
reglustjóra vegna ætlaðra
skattalagabrota er enn til
rannsóknar hjá embættinu.
FRÉTTASKÝRING
Eftir Sigmund Ó. Steinarsson
sos@mbl.is
EFTIR glæsilega frammistöðu íslenska
landsliðsins í handknattleik karla – í leikjum
gegn Evrópumeisturum Frakka og Afríku-
meisturum Túnis – í heimsmeistarakeppninni í
Þýskalandi kom spennufall og vonbrigði í leik
gegn Pólverjum í gærkvöldi í Westfalen-höll-
inni, þar sem „strákarnir okkar“ máttu þola
tap, 33:35. Fyrir leikinn sagði landsliðsþjálf-
arinn að pólska liðið myndi brotna saman ef
jafnt yrði á komið með liðunum um miðjan síð-
ari hálfleik og taldi hann sigurinn þá vísan. Það
voru ekki Pólverjar sem brotnuðu, heldur leik-
menn Íslands er þeir voru með fjögurra marka
forskot í seinni hálfleik, sem þeir misstu eins
og hendi væri veifað.
Vonbrigðin voru geysileg í herbúðum ís-
lenska liðsins eftir leikinn. „Þetta var gott
tækifæri til að tryggja okkur sæti í átta liða úr-
slitunum og því miður nýttum við það ekki. Þar
voru í bland óheppni og smáheimskupör sem
við gerðum okkur seka um, óþarfa sendingar
sem klikkuðu, fengum á okkur dýrar brottvís-
anir og vorum endalaust einum færri. Nú verð-
um við að horfa fram á veginn og gera betur
gegn Slóvenum,“ sagði Ólafur Stefánsson,
landsliðsfyrirliði Íslands, við Morgunblaðið.
Jafntefli gegn Slóveníu ætti að nægja
Með sigri var sæti í átta liða úrslitum næsta
öruggt, en nú er staðan þannig í milliriðli 1,
sem Ísland leikur í, að fimm þjóðir berjast um
fjögur sæti í átta liða úrslitum og á Ísland
(fjögur stig) eftir að leika gegn tveimur þeirra
– Slóveníu (tvö stig) og Þýskalandi (fjögur
stig). Hinar þjóðirnar eru Frakkland (fjögur
stig) og Pólland (fjögur stig).
Íslenska liðinu nægir jafntefli gegn Slóveníu
til að komast áfram, svo framarlega sem leik-
urinn gegn Þýskalandi tapast ekki ævintýra-
lega stórt. Ísland er með 12 mörk í plús, Slóv-
enía 13 mörk í mínus. Fjórar þjóðir úr hvorum
milliriðli komast í átta liða úrslit, þar sem þjóð-
in sem er í efsta sæti í milliriðli 1 leikur gegn
þjóðinni sem er í fjórða sæti í milliriðli 2 og öf-
ugt. Þjóðirnar sem hafna í öðru sæti leika gegn
þjóðunum sem lenda í öðru sæti. Ef íslenska
landsliðið hafnar í fyrsta eða þriðja sæti í sín-
um riðli mun það leika í Köln í átta liða úrslit-
unum þriðjudaginn 30. janúar en hafni liðið í
öðru eða fjórða sæti leikur það í Hamborg
sama dag.
Sigurliðin í leikjunum í Köln mætast þar í
borg í undanúrslitum fimmtudaginn 1. febrúar
og sigurliðin í Hamborg leika undanúrslitaleik
sinn þar í borg. Úrslitaleikir fara síðan fram í
Köln.
Ef íslenska landsliðið kemst ekki í átta liða
úrslitin mun það leika um 9.–12. sæti á HM. Ef
liðið kemst í átta liða úrslit og tapar leikur það
tvo leiki í keppni um 5.–8. sæti.
Spennufall á HM – hvað er framundan?
Morgunblaðið/Günther Schröder
Vonbrigði Sverre Jakobsson og Ólafur
Stefánsson eftir leikinn gegn Póllandi.
Eftir Kristján Jónsson
kjon@mbl.is
FÓLK sem vill njóta virð-
ingar í samtímanum
verður að tjá sig skýrt,
alls staðar verður að
sjást að það hafi þróaðan
smekk, að sögn Marius
Jensen sem er ráðgjafi
hjá vefsíðunni Opinion í
Noregi. Þar eru m.a.
kynntar niðurstöður
markaðsrannsókna.
Það dugar ekki lengur
að maður eigi sjöuna frægu eftir Arne Jac-
obsen – stóllinn verður líka að vera í réttu
samhengi við annað á heimilinu og helst á
maður að vita hvað Jacobsen var að hugsa
þegar hann hannaði stólinn og hvenær hug-
myndin fæddist, er haft eftir Jensen í Aft-
enposten. „Heimili okkar er orðið að sviði
þar sem við sýnum afrekin okkar. Áður var
það staðurinn þar sem við slökuðum á en
síðustu árin er það orðið kraftbirting þess
sem við erum og hvað við viljum,“ segir
hann. „Fagurfræðin er hin nýja siðfræði –
við erum fordæmd fyrir vondan smekk.“
Engin afsökun fyrir kauðalegu heimili
Föt og húsgögn séu orðin svo ódýr að
engin afsökun sé til fyrir því að heimilið sé
kauðalegt og ekkert nema drasl í fata-
skápnum. Nú ráði smáatriðin úrslitum en
komi jafnframt upp um skussana.
Mikið goð lífsstílista, Lisbeth Larsen,
segir söguna mikilvæga. „Allt verður að
gefa af sér virðisauka, hönnuður getur ver-
ið frægur eða við kaupum góða samvisku
með því að kaupa vöru sem framleidd er í
takt við reglur um sanngjörn heims-
viðskipti – en svo getur virðisaukinn falist í
sögunni að baki,“ segir Larsen. Erfitt sé að
halda í við heimilatískuna, hún skipti næst-
um því eins oft um ham og fólk um rúmföt.
Svið til að
sýna hvað
við erum
„Rétt“ heimili orðin
frumskilyrði virðingar
Vipp Fatan sem
fólk dreymir um.
Sex ákærur

Sakborningarnir fjórir
voru sýknaðir af sex ákærum
sem eftir stóðu af hinu
upprunalega Baugsmáli. » 6
Dómur staðfestur

Hæstiréttur staðfesti upp-
runalegan dóm Héraðsdóms
Reykjavíkur frá því í mars
2006. » Miðopna