Morgunblaðið - 26.01.2007, Blaðsíða 26

matur
26 FÖSTUDAGUR 26. JANÚAR 2007 MORGUNBLAÐIÐ
Þ
etta er frá foreldrum mínum kom-
ið, mamma og pabbi eru miklir
matgæðingar og hafa alltaf verið,“
segir Ragnar Freyr Ingvarsson
um ástæðu þess að hann er hald-
inn mikilli matarástríðu og hefur verið frá
unga aldri. Hann er læknir, lauk námi 2004
og er nú í sérnámi í almennum lyflækningum
á Landspítalanum. „Ég man eftir því að hafa
verið mjög ungur farinn að gera tilraunir í
eldhúsinu, ætli ég hafi ekki verið svona ellefu
ára þegar ég var farinn að gera skúffuköku
og spagettí bolognese,“ segir hann léttur.
„Svo má eiginlega segja að ég hafi fengið að
fylgjast með og hjálpa til í eldhúsinu þangað
til ég fór að búa sjálfur, en þá fór ég fyrst af
einhverju viti að elda sjálfur. Mér hefur alla
tíð þótt þetta rosalega gaman.“
Ragnar Freyr er að mestu sjálflærður en
segist þó hafa afskaplega gaman af því að
lesa matreiðslubækur. „Ég á gott safn slíkra
bóka og les þær eins og aðrir lesa reyfara.
Ég hef þær með mér í rúmið og þær eru eig-
inlega úti um allt heima hjá mér,“ segir hann
og hlær.
Allir þurfa að borða!
Þó að Ragnar Freyr hafi fetað braut lækn-
isfræðinnar segir hann að eftir að hann lauk
námi hafi honum dottið í hug að gaman hefði
getað verið að mennta sig eitthvað á sviði
matreiðslunnar. „Ég sé samt ekki eftir því
eina mínútu að hafa valið læknisfræðina, mat-
reiðslan er einfaldlega frábært, afslappandi
áhugamál til að eiga heima. Maður getur al-
gjörlega gleymt sér og leikið sér í eldhúsinu,
svona eins og þegar maður var lítill.“
Ragnar Freyr segist bæði elda dags dag-
lega fyrir fjölskylduna auk þess sem honum
finnist mjög skemmtilegt að bjóða fólki heim
til að njóta góðra veitinga. „Við hjónin erum
mjög oft með gesti í mat, einu sinni til tvisvar
í viku,“ segir hann.
Sérnámið sem hann er nú í segir Ragnar
Freyr auðvitað taka mikinn tíma, en bendir
réttilega á að allir þurfi að borða. „Maður er
satt að segja alveg jafnlengi að búa til góðan
mat og vondan mat. Þetta snýst bara um hrá-
efnið, smávinnu og natni,“ segir hann með
áherslu.
Ekki er nóg með að hann dundi sér við
matreiðslu í eldhúsinu því að hann heldur úti
bloggsíðu þar sem hann bloggar um mat-
argerð sína. „Ég blogga seint á kvöldin,“ seg-
ir hann, „áður en ég fer að sofa. Ég hef þetta
í dagbókarformi og ég fékk þá hugmynd úr
matreiðslubók; að halda skrá yfir það sem
maður er að gera í eldhúsinu til að sjá hvort
einhver framför verður. Þess vegna fór ég að
blogga þetta.“ Blogg er augljóslega annað en
dagbók því það er þess eðlis að vera opinbert.
Það segir Ragnar Freyr að sér finnist bara
gera þetta skemmtilegra. „Ég verð bæði
undrandi og finnst það skemmtilegt,“ segir
hann um það þegar hann veit að einhver hef-
ur lesið bloggið hans. „Það er frábært ef ein-
hver hefur áhuga á því sem maður er að
gera.“
Afleitur ljósmyndari
Seinna meir stefnir hann á að gefa bloggið
út á bók. „Einhvern tímann langar mig að
gefa út matreiðslubók og ég hugsaði mér það
í upphafi að bloggfærslurnar væru fyrsta
skrefið í átt að heilum texta. Það er líka oft
þannig að ef maður er að gera eitthvað sem
manni dettur óvænt í hug í eldhúsinu að best
er að setja það strax niður í ritform svo ekki
gleymist hvernig að var farið,“ segir Ragnar
Freyr, en hann segist þó vera afleitur ljós-
myndari þannig að minna fari fyrir mynda-
töku af réttunum. „Ég ætla þó að reyna að
bæta úr því og safna í sarpinn,“ segir hann
glettnislega.
Uppskriftir segist hann oft laga eftir eigin
höfði þó að hugmyndirnar séu kannski fengn-
ar úr bókum. Við bakstur segir hann þó
nauðsynlegt að fara eftir uppskrift. „Þetta á
reyndar við um kökubakstur – þar þarf að
fara eftir uppskriftum – en í brauðbakstri má
alveg spinna.“
Ragnar Freyr brást ljúflega við bón um að
gefa lesendum Morgunblaðsins uppskriftir og
þær fylgja hér með.
Vetrargúllassúpa
með heilhveitikexi og salati
1 kg nautagúllas
2 litlir laukar
4 gulrætur
3 sellerístangir
5 hvítlauksrif
1,5 l vatn
nautakjötskraftur í samræmi við vatnsmagn
½ flaska af góðu rauðvíni
1 lítil dós tómatpuré
6 meðalstórar kartöflur
250 g sveppir
3 lárviðarlauf
1 grein ferskt rósmarín
Maldon-salt og nýmalaður pipar
fersk steinselja til skrauts
Morgunblaðið/Sverrir
Liðtæk í eldhúsinu Ragnar Freyr nýtur lífsins í eldhúsinu með börnunum sínum, Valdísi, sitjandi, og Vilhjálmi Bjarka, í fangi föður síns.
Matreiðslan er frábært,
afslappandi áhugamál
Klettasalat Gerir hverja máltíð að veislu.
Hann hefur gaman af því að
elda, en hefur menntað sig í
læknisfræði. Ragnar Freyr
Ingvarsson sagði Sigrúnu
Ásmundar frá áhugamálinu
sem hann bloggar um af
miklum móð.
Vetrargúllassúpa Gott að gæða sér á á köldum vetrarkvöldum.
Heilhveitikex Tilheyrir gúllassúpunni.