Morgunblaðið - 16.02.2007, Side 6

Eftir Silju Björk Huldudóttur
silja@mbl.is
ORKUVEITA Reykjavíkur sendi
skipulagsfulltrúa Reykjavíkur í gær
umsögn vegna framkvæmdaleyfis til
handa Kópavogsbæ vegna lagningar
vatnsleiðslu um Heiðmörk. Óhætt er
að segja að OR geri alvarlegar at-
hugasemdir við umgengni verktaka
Kópavogsbæjar innan umráðasvæðis
OR í Heiðmörk, en framkvæmdir
voru sem kunnugt er stöðvaðar sl.
föstudag þegar í ljós kom að skipu-
lagsráð Reykjavíkur var ekki búið að
veita framkvæmdaleyfi fyrir fram-
kvæmdinni.
Í samtali við Gunnar Inga Birgis-
son, bæjarstjóra Kópavogs, segist
hann furða sig á athugasemdum OR,
sérlega í ljósi þess að hann viti ekki
betur en að OR hafi verið með eft-
irlitsfulltrúa á svæðinu allan fram-
kvæmdatímann. Sagðist hann afar
ósáttur við að Reykjavíkurborg hafi
ekki staðið við gerða samninga og
tryggt útgáfu framkvæmdaleyfis inn-
an mánaðar frá undirskrift samnings
Reykjavíkur og Kópavogs, eins og
kveðið var á um í samningnum.
Samningurinn var undirritaður í
september sl.
Landi raskað meira en þörf er á
Fram kemur í bréfinu að eftir
skoðunarferð fulltrúa OR sl. þriðju-
dag þá geri stofnunin athugasemd við
að svo virðist af raski að ekki eigi að
leggja vatnslögn Kópavogsbæjar
samkvæmt teikningu verkfræðistof-
unnar Hönnunar hf., sem vann mats-
skýrslu fyrir Kópavogsbæ. Gerð er
athugasemd við það að rask vegna
skurðgraftrar sé ekki í samræmi við
lýsingar þær er fram koma í umsókn
um framkvæmdaleyfi fyrir stofnlögn
vatnsveitu um Heiðmörk sem Gunnar
Ingi ritaði sviðsstjóra skipulags- og
byggingarsviðs Reykjavíkurborgar
dagsett 27. nóvember sl. en þar segir:
„Breidd skurðar við yfirborð [verður]
um 3 metrar. Umframefni verður
haugsett til hliðar við lagnarskurðinn
á allt að 3 m breiðu svæði. […] Ráð-
gert er að nýta slóðir, vegi og reið-
stíga sem fyrir eru á svæðinu eins og
kostur er til að lágmarka rask. Vatns-
lögnin verður lögð í eða sem næst
vegbrún þar sem vegur er til staðar.
Leggja þarf vegslóð meðfram lagna-
leiðinni þar sem hún er ekki fyrir.“
Í athugasemdum OR kemur fram
að rask vegna skurðgraftrar sé nú yf-
ir 20 metrar í og við svæði OR, en
ekki innan við 10 metrar eins og lýst
hafi verið í umsókninni. Minnt er á
fyrrgreinda lýsingu í bréfi bæjar-
OR gerir alvarlegar athugasemdir
við umgengni verktaka í Heiðmörk

  
  



 

 

    









 


 


 






  





  





    
 



 
 



   !
"

#
 # $  

"


Morgunblaðið/RAX
Slæm umgengni Í athugasemdum OR kemur fram að verktakar hafi raskað landi meira en þörf var á í Heiðmörk.
stjórans um að slóðar verði gerðir
meðfram lagnaskurðum, annars verði
notaðir þeir sem fyrir eru. Bent er á
að lagður hefur verið slóði í gegnum
kjarrsvæði fjarri lagnasvæði. Einnig
er gerð athugasemd við að tekið hafi
verið allstórt gróið svæði undir efn-
ishauga. Bent er á að flutningabílum
hafi verið ekið utan aðkeyrsluvegar
að svæði OR. Orðrétt segir í athuga-
semdunum: „Umgengi um land hefur
verið slæmt og landi raskað meira en
þörf er á.“ Að endingu eru gerðar at-
hugasemdir við að laus hundur hafi
verið á brunnsvæði í vatnstöku OR og
að hliði að brunnsvæði OR hafi ekki
verið lokað í lok vinnudags, eins og
farið hafði verið fram á. Það hafi or-
sakað óæskilega umferð á brunn-
svæðinu.
Að sögn Hönnu Birnu Kristjáns-
dóttur, formanns Skipulagsráðs, má
reikna með að umsögn OR um fram-
kvæmdir Kópavogsbæjar í Heið-
mörk, sem unnar eru af verktakanum
Klæðningu ehf., muni tefja umsókn-
arferlið um framkvæmdaleyfi. „Verk-
takar virðast ekki athafna sig eftir því
sem teikning Hönnunar hf., sem
fylgdi umsókninni um framkvæmda-
leyfi, og skilmálar gerðu ráð fyrir.
Það virðist því sem umrædd fram-
kvæmd hafi ekki aðeins verið hafin í
óleyfi, heldur einnig að lega vatns-
lagnarinnar sé ekki í samræmi við
þau gögn sem Skipulagsráð fékk til
meðferðar. Það þýðir að ráðið verður
nú að skoða málin mun ítarlegar.“
Sviðsstjóri skipulags- og bygging-
arsviðs Reykjavíkurborgar sendi
Kópavogsbæ bréf í gær þar sem um-
sögn OR er kynnt og óskað er form-
legra skýringa. Í því sama bréfi er
jafnframt óskað eftir því að Kópa-
vogsbær „upplýsi frekar um eðli og
umfangs þess samráðs sem haft var
við Skógræktarfélag Reykjavíkur á
fyrri stigum málsins“.
Eins og greint var frá í Morgun-
blaðinu í gær sendi SR Skipulagsráði
nýverið bréf með athugasemdum sín-
um við vatnsveituframkvæmdirnar í
Heiðmörk. „Við erum sammála því
sem fram kemur í bréfi SR um mik-
ilvægi þess að það sé haft með í ráð-
um þegar teknar eru ákvarðanir um
svæðið. Við höfðum þær upplýsingar
bæði frá Kópavogsbæ og Skipulags-
stofnun að slíkt samráð hefði verið
haft á fyrri stigum. Ljóst virðist hins
vegar vera að SR telur að ekki hafi
verið um formlegt samráð að ræða.
Skipulagsráð Reykjavíkur og borgar-
yfirvöld hafa hins vegar átt gott sam-
ráð við SR um málið og svo verður að
sjálfsögðu áfram,“ segir Hanna Birna
og vísar þar til bókunar borgarráðs
sem sjá má hér til hliðar.
6 FÖSTUDAGUR 16. FEBRÚAR 2007 MORGUNBLAÐIÐ
FRÉTTIR
BORGARRÁÐ fjallaði um fram-
kvæmdirnar í Heiðmörk á fundi sín-
um í gær. Lét ráðið bóka að það
harmi þau vinnubrögð og þær óleyf-
isframkvæmdir sem unnar hafa ver-
ið af verktökum Kópavogsbæjar í
Heiðmörk.
„Reykjavíkurborg stöðvaði fram-
kvæmdir sl. föstudag, enda hafði
framkvæmdaleyfi ekki verið veitt.
Borgarráð áréttar nauðsyn þess að
um þetta mikilvæga útivistarsvæði
sé farið með sérstakri gætni og virð-
ingu. Það virðist því miður ekki hafa
verið gert í þessu tilviki og er borg-
arráð sammála um að leita, í samráði
við Skógrækt Reykjavíkur, allra
leiða til að lágmarka þann skaða sem
unninn hefur verið á svæðinu,“ segir
í bókun borgarráðs um málið.
Lágmarka
þarf skaðann
Eftir Egil Ólafsson
egol@mbl.is
GRETA Marín Pálmadóttir þurfti að
bíða í sjö klukkutíma á bráða- og
slysadeild Landspítalans í Fossvogi
fyrir skömmu, en hún leitaði þangað
eftir að hafa verið bitin af ketti.
Greta Marín telur augljóst að bráða-
deildin sé undirmönnuð og standi
varla undir nafni þegar fólk þurfi að
bíða svona lengi.
Greta Marín leitaði á bráðadeild
um klukkan sjö um kvöldið, en
komst ekki að fyrr en að verða tvö
um nóttina. Hún fékk þau svör í upp-
hafi að löng bið væri eftir meðferð
og þess vegna fór hún heim og beið
þar góða stund, en hún býr skammt
frá spítalanum.
Greta Marín sagðist hafa fengið
þær upplýsingar að það væru 50%
líkur á sýkingu af kattarbiti og því
nauðsynlegt að bregðast við. „Ég
bólgnaði upp og fékk síðan mjög al-
varlega sýkingu. Ég þurfti að fá
sýklalyf í æð þrisvar sinnum á dag
og var sett í gifs. Ég velti því fyrir
mér hvort ég hefði fengið svona
slæma sýkingu ef ég hefði ekki þurft
að bíða svona lengi.“
Greta Marín sagðist ekki vilja
áfellast starfsfólk bráðadeildar. Það
væri ekki ofsagt að það hefði verið á
hlaupum við að sinna sjúklingum.
Það væri hins vegar greinileg und-
irmönnun á deildinni.
Greta Marín sagðist hafa heyrt að
álagið þennan sunnudag hefði verið
óvenjulega mikið, en algengast væri
að fólk þyrfti að bíða í 4–5 tíma.
Stjórnvöld hlytu hins vegar að þurfa
að skoða hvort það væri eðlilegt að
biðtími á bráðadeild væri 4–5 tímar.
Mismikið slasað
Þórir Njálsson, sérfræðingur á
slysa- og bráðamóttöku Landspítala,
sagði að 7 tíma bið væri ekki venju-
legur biðtími á deildinni. Fólk gæti
þurft að bíða í 4 tíma, en síðan gætu
komið sjúkrabílar með fólk eftir eitt
eða tvö bílslys og þá lengdist biðtím-
inn. Þórir sagði nauðsynlegt að hafa
í huga að á slysa- og bráðadeild leit-
aði fólk sem væri mjög mismikið
slasað. Hluti af þessu fólki gæti í
raun leitað annað.
Þórir sagði að aðstreymið á
bráða- og slysadeild væri alltaf að
aukast. Hluti af vandamálinu væri
að það gengi illa að koma sjúkling-
um burtu af deildinni eftir að það
væri búið að fá meðferð. Húsnæðið
væri einfaldlega orðið of lítið og
gamalt. Vissulega gæti hann tekið
undir að æskilegt væri að stytta bið-
tímann en benti á að hann væri síst
styttri í nágrannalöndum okkar.
Beið á Landspítala í
sjö tíma eftir kattarbit
Varasamt Sýkingarhætta er af
kattarbiti og þarf að bregðast við.
KARLMAÐUR var í gær dæmdur til
að sæta 12 mánaða fangelsi fyrir kyn-
ferðisbrot gegn systurdóttur sinni,
sem var tíu ára gömul þegar brotið
var framið. Hæstiréttur staðfesti
með þessu dóm Héraðsdóms Reykja-
víkur og dæmdi Hæstiréttur mann-
inn einnig til að greiða stúlkunni 600
þúsund kr. í miskabætur með vöxtum
en héraðsdómur hafði dæmt hann til
að greiða stúlkunni 500.000 kr.
Var maðurinn ákærður fyrir að
hafa framið kynferðisbrot gegn
stúlkunni á heimili hans að nóttu til
árið 2003. Var hann ákærður og fund-
inn sekur um að hafa, er telpan svaf í
rúmi með ákærða, káfað innan klæða
á rassi og kynfærum hennar, sett
fingur inn í kynfæri telpunnar og
nuddað lim sínum við ber kynfæri
hennar og rass.
Fram kemur í forsendum héraðs-
dóms að skv. læknisvottorðum þjáð-
ist telpan eftir atburðinn af svefn-
truflunum og sjálfsmeiðingum, sem
að mati heimilislæknisins er yfirleitt
merki um mjög slæma andlega líðan.
Þá var það niðurstaða kvensjúk-
dómalæknis og barnalæknis að grón-
ir áverkar væru á meyjarhafti og að
þeir gætu samrýmst þeirri sögu sem
móðir telpunnar gaf. Einnig kemur
fram að í framburði sínum hafi telpan
alltaf verið samkvæm sjálfri sér.
Ákærði neitaði ávallt sök í málinu.
Í forsendum héraðsdóms, sem
lagður var til grundvallar í dómi
Hæstaréttar, er framburður stúlk-
unnar lagður til grundvallar niður-
stöðu dómsins, með þeim stuðningi
sem hann fékk einkum í vottorði
kvensjúkdómalæknisins og barna-
læknisins og einnig vottorðum heim-
ilislæknisins svo og í framburði móð-
ur. Með vísan til þessa var talið
sannað að maðurinn hefði gerst sekur
um þá háttsemi sem hann var ákærð-
ur fyrir.
Í dómi Hæstaréttar er gagnrýndur
dráttur sem varð á birtingu dóms
héraðsdóms: „Héraðsdómur var
kveðinn upp 30. mars 2006 en ekki
birtur ákærða fyrr en 2. september
sama ár. Þessi dráttur á birtingu
dómsins, sem ekki hefur verið rétt-
lættur, er aðfinnsluverður,“ segir í
dómi Hæstaréttar.
Málið dæmdu hæstaréttardómar-
arnir Gunnlaugur Claessen, Árni
Kolbeinsson, Garðar Gíslason, Hrafn
Bragason og Markús Sigurbjörns-
son.
12 mánaða fangelsi
fyrir kynferðisbrot