Morgunblaðið - 16.03.2007, Blaðsíða 6

6 FÖSTUDAGUR 16. MARS 2007 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
HEILSUVERNDARSTÖÐ Reykja-
víkur við Barónsstíg gengur í end-
urnýjun lífdaga á hálfrar aldar af-
mæli sínu, en húsnæðið var
upphaflega vígt 2. mars árið 1957 þó
að starfsemi hafi hafist í húsinu strax
árið 1953.
Það er fyrirtækið Heilsuvernd-
arstöðin ehf. sem hefur gert samning
við eiganda byggingarinnar, Þorstein
Steingrímsson, um að taka við rekstri
húsnæðis Heilsuverndarstöðvarinnar
við Barónsstíg. Heilsuverndarstöðin
ehf. er dótturfélag InPro ehf. sem er
þjónustufyrirtæki á sviði heilbrigð-
isþjónustu, heilsuverndar og vinnu-
verndar.
„Markmið okkar er að hér rísi aft-
ur heilbrigðisstarfsemi í anda þeirra
gilda og þeirrar sögu sem húsið
stendur fyrir,“ segir Gestur Pét-
ursson, framkvæmdastjóri þróun-
arsviðs hjá InPro, og minnir á að
Heilsuverndarstöðin hafi verið fyrsta
sérhannaða heilsugæslubygging hér
á landi.
Í síðasta mánuði var haft eftir fast-
eignasalanum sem seldi húsið í upp-
hafi árs að til stæði að opna þar hótel.
Þegar þetta er borið undir Gest segir
hann hótelrekstur vissulega hafa ver-
ið eina af þeim mögulegu nýting-
arleiðum sem eigandinn hafi verið að
skoða, en fljótlega hafi verið ljóst að
menn töldu vænlegast að endurreisa
Heilsuverndarstöðina í fyrri anda.
Að sögn Gests er markmið samn-
ingsins að skapa vettvang fyrir fag-
fólk til að koma aftur inn í húsið og
starfa á sviði heilsuverndar, þ.e. á
sviði forvarna, heilbrigðisþjónustu og
vinnuverndar. Lagði hann höf-
uðáherslu á að í húsinu yrði heildstæð
stefna um starfsemina sem þar færi
fram. Í því skyni hefði verið skipað
fagráð sem velja myndi fagfólk úr öll-
um heilbrigðisstéttum til starfa á
Heilsuverndarstöðinni.
Ástand byggingarinnar
kallar á nokkurt viðhald
„Ætlunin er að bjóða til liðs við
okkur fagfólki í heilbrigðisgeiranum
sem nú þegar vinnur að heilbrigð-
ismálum, en hefur fram til þessa verið
dreift víðsvegar um borgina. Við telj-
um að með því að taka höndum sam-
an um heilsueflingu þá munum við
geta veitt betri þjónustu, aðgengi
verði betra og boðleiðir styttri. Við
viljum bæta þjónustuna og hafa
þannig jákvæð áhrif á lífsgæði fólks,“
segir María Bragadóttir, sviðsstjóri
heilbrigðissviðs hjá InPro.
Aðspurður segir Gestur stefnt að
því að hefja fulla starfsemi í húsnæð-
inu 1. október nk. en eftir er að ganga
frá samningum við fagaðila um að-
komu þeirra að húsnæðinu auk þess
sem ljóst þykir að fara þurfi í nokkurt
viðhald á byggingunni. Þannig þarf
að gera við þak, mála og skipta um
glugga, svo fátt eitt sé nefnt. Sam-
kvæmt upplýsingum blaðamanns má
gera ráð fyrir að viðgerðarkostnaður
hlaupi allavega á einhverjum tugum
milljóna króna og mun sá kostnaður
skiptast milli eigandans og InPro.
Alls er húsnæði Heilsuvernd-
arstöðvarinnar 4.200 m² á fjórum
hæðum. Að sögn Gests má reikna
með því að í húsinu verði starfandi sjö
til níu deildir undir stjórn fram-
kvæmdastjóra Heilsuverndarstöðv-
arinnar, sem enn er ekki búið að ráða.
Aðspurður segir Gestur InPro munu
vera með um 700 m² í húsinu undir
starfsemi sína, en afgangurinn verð-
ur leigður út til áhugasamra aðila í
heilbrigðisgeiranum. Segir hann
samninga um útleigu á um þriðjungi
húsnæðisins nú þegar vera á loka-
stigi.
Heilsuverndarstöðin við Baróns-
stíg endurheimtir hlutverk sitt
Morgunblaðið/RAX
Starfsfólk InPro María Bragadóttir sviðsstjóri, Gestur Pétursson, framkvæmdastjóri þróunarsviðs, og María
Ólafsdóttir yfirlæknir kynntu endurreisn Heilsuverndarstöðvarinnar sem miðstöð heilsueflingar og forvarna.
Í HNOTSKURN
»Heilsuverndarstöð Reykja-víkur við Barónsstíg var um
árabil sameign Reykjavík-
urborgar (60%) og ríkisins (40%).
» Í árslok 2005 seldu ríki ogborg Mark-Hús ehf. bygg-
inguna fyrir 980 millj. kr.
»Salan var harðlega gagn-rýnd, ekki síst af heilbrigð-
isstarfsfólki.
» Í janúar 2007 keypti Þor-steinn Steingrímsson Heilsu-
verndarstöðina af Mark-Hús.
Kaupverð fæst ekki uppgefið.
»1. október nk. er stefnt að þvíað opna Heilsuverndarstöð-
ina aftur, en ráðgert er að húsið
gegni veigamiklu hlutverki í
heilsuvernd landsmanna.
»Opið hús verður á morgunmilli kl. 12–14 þar sem al-
menningi gefst tækifæri á að
skoða þetta sögufræga hús.
Heilbrigðisþjónusta
verður á ný rekin í
Heilsuverndarstöð
Reykjavíkur við
Barónsstíg. Ráðgert er
að starfsemin
hefjist 1. október nk. og
verður aðaláherslan
lögð á heilsuvernd og
forvarnir.
ÍBÚAR Reykjanesbæjar urðu
12.000 talsins í vikunni þegar hjón-
unum Óla Þór Magnússyni og
Önnu Sigríði Jóhannesdóttur fædd-
ust myndarlegar tvíburadætur á
Heilbrigðisstofnun Suðurnesja.
Af því tilefni færði Árni Sigfús-
son bæjarstjóri íbúum númer
11.999 og 12.000 gjafabréf til
greiðslu skólagjalda á fyrsta ári til
náms í alþjóðlegum háskóla sem
starfræktur verður við alþjóða-
flugvöllinn í Keflavík.
Í gær var undirrituð viljayfirlýs-
ing milli Reykjanesbæjar, Þróun-
arfélags Keflavíkurflugvallar og
Háskóla Íslands í samstarfi við
fjölda fyrirtækja um stofnun félags
til háskólareksturs á Keflavík-
urflugvelli.
Óli Þór og Anna Sigríður eiga
fyrir þrjá drengi og eru þau ný-
flutt til Reykjanesbæjar en þá
ákvörðun tóku þau eftir að ljóst
var að von var á tvíburum í heim-
inn.
Íbúar Reykjanesbæjar
orðnir tólf þúsund
„ÞETTA eru
góð tíðindi og ég
fagna þessu
mjög,“ segir Vil-
hjálmur Þ. Vil-
hjálmsson borg-
arstjóri. „Ég veit
ekki hvernig
rekstrarfyr-
irkomulagi verð-
ur hagað, en miðað við fyrstu
fréttir þá er þetta afar jákvætt,“
segir Vilhjálmur og tekur fram að
það sé gleðiefni fyrir borgarbúa
að Heilsuverndarstöðin fái að
gegna upprunalegu hlutverki sínu
aftur.
„Það gleður
mig afskaplega að
heyra þessi tíðindi
sem og alla þá
sem ég hef hitt í
dag,“ segir Reynir
Tómar Geirsson,
sviðsstjóri
kvennasviðs LSH,
sem sagði sölu
Heilsuverndarstöðvarinnar frá ríki
og borg á sínum tíma hafa verið
stærstu mistök sem gerð hefðu
verið í heilbrigðiskerfinu. Að-
spurður segist Reynir vonast til
þess að LSH geti fengið inni í hús-
inu með einhverjum hætti, enda
stutt að fara og talsverð þörf fyrir
gott göngudeildarhúsnæði.
„Ég fagna þess-
um fréttum. Úr
því sem komið er,
þ.e. fyrst starf-
semin var flutt
burt úr húsinu, þá
er þetta besta
verkefnið sem
Heilsuvernd-
arstöðin sem hús-
næði gat fengið,“
segir Bergljót Líndal, fyrrverandi
hjúkrunarforstjóri Heilsuvernd-
arstöðvar Reykjavíkur, sem vinnur
nú að ritun bókar um sögu Heilsu-
verndarstöðvar Reykjavíkur sem
hún vonar að komi út að ári.
Mikil ánægja
með tíðindin
FRÉTTAVEFUR Morgunblaðsins,
mbl.is, var fjölsóttasti vefur landsins
í vikunni 5.–8. mars samkvæmt sam-
ræmdri vefmælingu Modernus. Vef-
urinn hefur lengi verið mest notaði
vefmiðill landsins, samkvæmt sam-
ræmdu vefmælingunni.
Samtals heimsóttu 258.655 not-
endur mbl.is, innlit voru yfir tvær
milljónir og flettingar 16,2 milljónir.
Næstvinsælasti vefurinn, visir.is, var
með 247.151 notanda, 1,3 milljónir
innlita og 12,3 milljónir flettinga.
Í fréttatilkynningu frá 365 miðlum
fyrr í vikunni segir að visir.is sé vin-
sælasti vefur landsins það sem af er
marsmánuði, en síðdegis þann 14.
mars, hafi 365.463 sótt vefinn frá
mánaðamótum.
Vikulegir notendur
besta mælieiningin
Í tilefni af tilkynningu 365 hefur
Jens P. Jensen, framkvæmdastjóri
Modernus, sent frá sér fréttatil-
kynningu, en þar segir m.a.: „Mæli-
einingin „vikulegir notendur“ þykir
okkur sýna best hversu vinsæll vef-
urinn er hverju sinni. Einungis fjöldi
notenda á viku hefur verið birtur í
Samræmdri vefmælingu®. Á þessa
mælieiningu sættust fulltrúar vefj-
anna á sínum tíma, sem var í upphafi
ársins 2001.“
Í tilkynningu Modernus kemur
fram að upplýsingar um fjölda mán-
aðarlegra notenda komi ekki fram í
Samræmdri vefmælingu. Fyrir
þessu séu góðar og gildar ástæður.
„Mánuðirnir eru eins og allir vita
mislangir og því afar óhentugir sem
mælieining. Upphaf og endir mán-
aðarins er óháð því hvenær vikan
byrjar. Þess vegna verður reglulega
skörun á þessum tveimur niðurstöð-
um. Mars byrjaði t.d. á fimmtudegi
að þessu sinni,“ segir þar.
Í tilkynningu Modernus segir
einnig: „Visir.is getur haldið ofan-
greindu fram á þessum tímapunkti,
og vitnað í vefmælingu Modernus.
Visir.is getur hins vegar ekki vitnað í
Samræmda vefmælingu, þar er
þessa tölu hvergi að finna.“
Mbl.is mest not-
aði vefmiðillinn
Notendur voru 258.655 í síðustu viku
og innlit yfir tvær milljónir
STARFSMENN Samkeppniseftir-
litsins gerðu húsleit hjá fyrirtæk-
inu Fjölgreiðslumiðlun hf. á mið-
vikudagsmorgun vegna gruns um
ólöglegt samráð og misnotkun á
markaðsráðandi stöðu, en fyrir-
tækið er í eigu viðskiptabankanna
og sparisjóða, tveggja greiðslu-
kortafyrirtækja og Seðlabanka Ís-
lands. Fyrirtækið gegnir því hlut-
verki m.a. að sjá um rekstur
sameiginlegrar greiðslurásar fyrir
greiðslukortaviðskipti, þ.e. posa-
kerfi, og eru Visa Ísland og Mast-
ercard í viðskiptum hjá fyrirtæk-
inu.
Starfsmenn Samkeppniseftirlits-
ins mættu á skrifstofur fyrirtæk-
isins og tóku gögn til frekari skoð-
unar og segir Logi Ragnarsson,
framkvæmdastjóri fyrirtækisins,
að rótin að þessari heimsókn sé yf-
irstandandi athugun Samkeppnis-
eftirlitsins á Greiðslumiðlun hf. og
Kreditkortum hf. Páll Gunnar
Pálsson, forstjóri Samkeppniseft-
irlitsins, staðfestir þetta og segir
hér um að ræða framhald athug-
unar á greiðslukortafyrirtækjun-
um sem hófst með húsleit í júní sl.
Fengin var heimild hjá Héraðs-
dómi Reykjavíkur og er málið í
vinnslu hjá Samkeppniseftirlitinu.
Tóku gögn
í húsleit