Morgunblaðið - 30.03.2007, Qupperneq 2




    





 




 


 
 
 







  ! 
 "

#$%&
$&%'
'(%(
'$%(
$&%#
)*%+
$,%'
)-%*
)$%*
)%'
&*%$
&)%$
&(%'
#%)
&*%(
&(%$
&(%)
&(%,
$%+
&&%-
&+%+
&'%-
&,%$
**%,
-%-
*&%)
,(%+
&*%'
&)%&
&$%+
&#%$
&#%,
**%-
&$%(
&-%&
&*%+
ÁHERSLA á umhverfisvernd hefur
annaðhvort mjög jákvæð eða frekar
jákvæð áhrif á hagvöxt að mati 56%
aðspurðra í könnun Gallup sem gerð
var vikuna 21.–27. mars. Tæp 16%
aðspurða töldu áherslu á umhverfis-
vernd annaðhvort hafa mjög neikvæð
eða frekar neikvæð áhrif á hagvöxt,
samkvæmt niðurstöðunum. 10,5%
töldu áhrifin bæði jákvæð og nei-
kvæð og 17,6% töldu að ekki væri um
nein áhrif að ræða.
Fleiri konur en karlar telja
áhrif á hagvöxt jákvæð
Mun fleiri konur en karlar töldu að
áhersla á umhverfisvernd hefði já-
kvæð áhrif á hagvöxt eða 63,5% sam-
anborið við 49,2% hjá körlunum. Þá
voru mun fleiri karlar á þeirri skoðun
að áhrif af áherslu á umhverfisvernd
væru neikvæð eða 21,4% samanborið
við tæp 10% hjá konunum.
Þegar skoðað er viðhorf aðspurðra
eftir því hvaða stjórnmálaflokk þeir
hyggjast kjósa kemur í ljós að mun
fleiri stuðningsmenn Samfylkingar
og VG en Sjálfstæðisflokks og Fram-
sóknarflokks telja að áhersla á um-
hverfisvernd hafi jákvæð áhrif á hag-
vöxt. Þannig telja 76% fylgismanna
VG að áhersla á umhverfisvernd hafi
jákvæð áhrif á hagvöxt og 62%
stuðningsmanna Samfylkingar. 46%
stuðningsmanna Framsóknar telja
hins vegar áhrifin jákvæð og 43%
stuðningsmanna Sjálfstæðisflokks.
Úrtak í könnuninni var 1.210
manns á aldrinum 18–75 ára og var
svarhlutfallið 61,7%.
56% töldu áhrif umhverfis-
verndar á hagvöxt jákvæð
Tæp 16% telja áherslu á umhverfisvernd hafa neikvæð áhrif á hagvöxt
2 FÖSTUDAGUR 30. MARS 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
UMFANG ferða-
þjónustu hefur
aukist hlutfalls-
lega mest á Ís-
landi síðustu ár af
Norðurlanda-
þjóðunum. Þá er
virðisaukaskattur
á öllum stigum
lægri hér en í
samanburðar-
löndunum. Þetta
kom fram í máli Sturlu Böðvars-
sonar samgönguráðherra á aðal-
fundi Samtaka ferðaþjónustunnar á
Akureyri í gær en þar kynnti hann
helstu niðurstöður nýrrar skýrslu
sérfræðinga sem falið var að bera
saman rekstrarumhverfi ferðaþjón-
ustu á Íslandi, Danmörku, Svíþjóð
og Noregi.
Verkefnið var unnið á vegum
Ferðamálastofu fyrir samgöngu-
ráðuneytið.
Um umfang ferðaþjónustu segir
að það hafi aukist hlutfallslega mest
á Íslandi af samanburðarlöndunum
þegar skoðuð séu árin 1999 til 2005
eða um 32,5% í gistinóttum talið.
Vöxturinn í Svíþjóð er 12,8%, í Nor-
egi 7,5% en í Danmörku er engin
aukning á þessu tímabili.
Í skýrslunni kemur fram að þar
sem hlutfall ferðaþjónustu á Íslandi
af vergri landsframleiðslu sé hærra
en í samanburðarlöndunum sé at-
vinnugreinin mikilvægari í efna-
hagslífinu en ferðaþjónustan í hinum
löndunum.
Umfang
ferðaþjón-
ustu eykst
Sturla
Böðvarsson
FULLTRÚAR Sjálfstæðisflokks,
Framsóknarflokks og Samfylkingar
samþykktu á borgarstjórnarfundi í
gærkvöldi að heimila auglýsingu á
tillögu á vegum skipulagsráðs að
deiliskipulagi sem gerir ráð fyrir nið-
urrifi á húsunum Laugavegi 33 og 35
og Vatnsstíg 4.
Tillagan var samþykkt með
ágreiningi á fundi skipulagsráðs – og
á fundi borgarráðs – fyrr í mánuðin-
um, þar sem fulltrúar Vinstrihreyf-
ingarinnar – græns framboðs og
Frjálslynda flokksins lýstu sig and-
víga niðurrifinu. Skipulagið verður
auglýst í sex vikur og kemur síðan
aftur til umsagnar ráðsins. Tillagan
var fyrst samþykkt árið 2004.
Niðurrifið í
auglýsingu
ÍBÚAR við Laugardal mótmæltu
fyrirætlunum um að byggð yrðu tvö
fjölbýlishús á grænu svæði í aust-
anverðum Laugardalnum við
Holtaveg á kynningarfundi fyrir
íbúa í Langholtsskóla í gærkvöldi
þar sem þessar fyrirætlanir voru til
umræðu.
Hildur Björg Hafstein, formaður
foreldrafélags Langholtsskóla,
sagði að félagið væri algerlega and-
vígt byggingum á þessu græna
svæði. „Það hefur verið svo þrengt
að dalnum með byggingum og girð-
ingum að okkur finnst komið nóg.
Þetta er eitt af fáum opnum svæð-
um sem eru í rauninni eftir í Laug-
ardalnum,“ sagði hún í samtali við
Morgunblaðið að fundinum loknum.
Hún sagði að önnur svæði til-
heyrðu annaðhvort íþróttafélög-
unum eða borga þyrfti sig inn á
þau, eins og t.a.m. Fjölskyldu- og
húsdýragarðurinn. Þau skildu ekki
heldur þá áráttu að byggja í daln-
um, sem hefði verið skilgreindur
sem mikilvægasta útivistarsvæði
Reykvíkinga.
Hildur Björg sagði að Langholts-
skóli hefði notað þetta svæði til úti-
vistar fyrir skólabörn og skólinn
væri meira að segja nýbúinn að fá
500 þúsund króna styrk frá Reykja-
víkurborg til þróunar verkefnis
sem héti „útikennsla í túnfætinum“.
Að auki hefðu á þessu túni verið
smíðavellir, hverfamarkaðir og ým-
islegt annað.
„Það er hluti af lífsgæðum okkar
íbúanna í hverfinu að hafa svona
svæði. Ef maður skoðar Laugardal-
inn eins og hann var í byrjun ní-
unda áratugarins og eins og hann
er í dag þá eru þau svæði sem mað-
ur hefur aðgang að ekki nema svip-
ur hjá sjón. Það er verið að þrengja
að öðrum opnum svæðum í hverfinu
þannig að það er gengið svolítið
frekjulega fram gagnvart okkur
íbúunum,“ sagði Hildur Björg.
Morgunblaðið/ÞÖK
„Okkur finnst komið nóg“
♦♦♦
HÆSTIRÉTTUR hefur staðfest
dóm Héraðsdóms Reykjavíkur um
að Pétur Þór Gunnarsson lista-
verkasali eigi ekki rétt á bótum úr
hendi ríkisins á þeim forsendum að
honum var synjað um reynslulausn
vegna þess að annað mál á hendur
honum var í gangi í dómskerfinu.
Pétur Þór var dæmdur í sex mán-
aða fangelsi árið 2000 fyrir aðild að
listaverkafölsunarmáli. Hann sótti
um reynslulausn eftir að hafa af-
plánað helming dómsins en því var
hafnað á þeirri forsendu að annað
mál gegn honum væri í gangi í
dómskerfinu.
Afgreiðsla ekki byggst á
ólögmætum sjónarmiðum
Fram kom að í þessu ólokna máli
hefði ekki verið ákært fyrr en í jan-
úarmánuði 2003 og því lauk með
sýknu í dómi Hæstaréttar í maí
2004. Taldi Pétur Þór að synjun á
umsókn hans um reynslulausn hefði
verið grundvölluð á óloknu máli,
sem ekki hefði verið ákært í fyrr en
að liðnum tveimur árum og þremur
mánuðum betur frá lokum fanga-
vistar hans.
Pétur Þór krafðist bóta þar sem
hann taldi að sér hefði verið synjað
um reynslulausn á ólögmætum
grundvelli. Hæstiréttur féllst hins
vegar ekki á að afgreiðslan á um-
sókn Péturs hefði byggst á ólög-
mætum sjónarmiðum.
Málið dæmdu hæstaréttardómar-
arnir Gunnlaugur Claessen, Árni
Kolbeinsson og Markús Sigur-
björnsson. Ragnar Aðalsteinsson
hrl. flutti málið fyrir Pétur Þór og
Skarphéðinn Þórisson ríkislögmað-
ur fyrir stefnda.
Ríkið sýknað af
kröfum Péturs Þórs
ÁRLEG útgjöld Íslendinga í þróun-
arsjóð EFTA munu aukast um 130
milljónir króna, en á móti kemur að
tollfrjáls kvóti á innflutning á humri
og karfa til landa Evrópusambands-
ins eykst.
Þetta er meðal annars niðurstaða
af samningaviðræðum EFTA-land-
anna við Evrópusambandið vegna
stækkunar Evrópska efnahagssvæð-
isins í framhaldi af inngöngu Rúm-
eníu og Búlgaríu í ESB, en skrifað
var undir bráðabirgðasamkomulag
vegna þessa í gær.
Samningaviðræður hafa staðið yf-
ir frá því í júlí í fyrrasumar og hafa
verið erfiðar vegna kröfu Evrópu-
sambandsins um fjárframlög EFTA-
landanna til fátækari ríkja sam-
bandsins, í þessu tilviki þeirra
tveggja ríkja sem nú voru að bætast
við, þ.e.a.s. Rúmeníu og Búlgaríu.
Samkomulagið felur í sér að EFTA-
ríkin munu auka framlög sín í þróun-
arsjóð EFTA um samtals 72 millj-
ónir evra eða tæpa 6,5 milljarða
króna fram til loka apríl 2009. Hlutur
Íslands er um 130 milljónir króna á
ári, en tollfrjáls markaðsaðgangur
fyrir íslenskar sjávarafurðir eykst
jafnframt og verður um 570 tonn fyr-
ir humar annars vegar og hins vegar
fyrir karfaflök sem nemur 750 tonn-
um.
Valgerður Sverrisdóttir utanríkis-
ráðherra segir í fréttatilkynningu að
niðurstaða viðræðnanna sé vel við-
unandi og það felist tækifæri í því
fyrir íslenskt atvinnulíf að sækja
fram á þessum nýju mörkuðum í
Rúmeníu og Búlgaríu. Þá sé einstak-
lega mikilvægt að hafa náð fram
auknum markaðsaðgangi fyrir sjáv-
arafurðir, sérstaklega fyrir humar
sem hafi borið háa tolla.
Fagnaðarefni
Sigurgeir Brynjar Kristgeirsson,
framkvæmdastjóri Vinnslustöðvar-
innar í Vestmannaeyjum, sagði að
niðurstaða samningaviðræðnanna
væri góðar fréttir og fagnaðarefni,
en Vinnslustöðin vinnur mikinn
humar og er einnig talsvert í karfa.
130 milljónir til viðbótar
í þróunarsjóð EFTA
Samkomulag vegna stækkunar EES undirritað í gær
Kynning Salur Langholtsskólans var þéttsetinn á fundinum í gærkvöldi þar sem skipulagsmál voru til umræðu.