Morgunblaðið - 27.04.2007, Blaðsíða 22

|föstudagur|27. 4. 2007| mbl.is
daglegtlíf
Langi konu til að vera prinsessa
í einn dag þá er kannski málið
að brúðkaup hennar fari fram í
Disney World? » 24
brúðkaup
Á ári hverju þykja það töluverð
tíðindi þegar hulunni er svipt af
nýjum árgangi í Bordeaux. Það
er komið að því núna. » 26
vín
Matreiðslumeistarinn Bjarni G.
Kristinsson kann ýmsar leiðir
til að gera hafragrautinn
áhugaverðan. » 26
matur
Bjarni Sigurðsson og Helgi F.
Halldórsson fluttu með fyr-
irtæki úr borginni í Gaulverjabæ
og reistu þar vélsmiðju. » 24
daglegt líf
Ef fólk er með góða sósu og
passar að snúa steikinni ekki of
oft á grillinu getur elda-
mennskan ekki klikkað. » 27
grillað
Eftir Kristínu Heiðu Kristinsdóttur
khk@mbl.is
Ég er mikil hundr-aðogeinn-manneskja,enda bý ég þar. Ég hefekki átt mikinn frítíma
undanfarin tvö ár en þá sjaldan ég
fæ pásur þá finnst mér gott að
rölta hér um miðbæinn, kíkja á
kaffihús, söfn og sýningar.
Ég er latt nautnadýr og finnst
til dæmis betra að láta aðra næra
mig heldur en að halda sjálf mat-
arboð. En vonandi fer ég að hafa
meiri tíma til að rækta vináttu við
vini mína og bjóða þeim heim. Svo
finnst mér líka gaman að skreppa
til útlanda til að slaka á. Ég fór
síðast til London og hef farið á
margar leiksýningar í Bretlandi
og þeir hafa átt sína góðu spretti.
Hinsvegar hef ég ekki farið mikið
nýlega, því mér finnst það ekki
mjög áhugavert en þeir eiga frá-
bæra leikara. En þetta er stund-
um eins og skreytt útvarpsleikhús
hjá þeim. Íslenskt leikhús finnst
mér oft og tíðum áhugaverðara,
þar er meiri frumkraftur eins og
Vesturport hefur sýnt og sann-
að með því að leggjast í víking,“
segir Filippía Elísdóttir fatahönn-
uður sem sá um að hanna bún-
ingana í leiksýningunni Gretti sem
nú er á fjölum Borgarleikhússins.
„Það var mjög gaman að vinna
að þessari sýningu og þetta er frá-
bær hópur fólks,“ segir Filippía
sem kann vel við að vinna fyrir
leikhús. „Ég vinn búningana alltaf
í samvinnu við leikstjórann og
aðra sem koma nálægt sýning-
unni. Stundum þurfa búningar að
vera ósýnilegir og mega ekki
trufla sýninguna en svo geta þeir
líka verið mjög áberandi í öðrum
uppsetningum. En þetta snýst
aldrei bara um búning, þetta snýr
að svo mörgu í heildarmyndinni
hverju sinni. Ég vann búningana í
leiksýningunni um Gretti út frá
nútíma goðafræði og þetta er eins-
konar skopstæling á grísku harm-
leikina. Ég færi þetta til nútímans
með því til dæmis að láta búning-
inn hans Grettis vera svolítið eins
og Hulk, hann er sem sagt ekki
hið fagra ofurmenni. Ég byrja yf-
irleitt á því að hlusta á tónlistina í
verkinu og vinn út frá hljómnum.
Ég hugsa líka um það hvernig
ákveðinn leikari getur hreyft sig í
búningnum sem hann á að klæð-
ast.“
Hún segir fólk í sinni stétt vera
hálfgerða fíkla. „Þetta er alltaf
svolítið upp á líf og dauða. Ég
elska vinnuna mína á ákveðinn
hátt með hverjum hóp fyrir sig og
vinnan er aldrei eins. Maður verð-
ur að elska það sem maður er að
gera, það kemst upp um mann ef
maður er afhuga eða áhugalaus.“
Filippía ætlar að leggja land
undir fót í sumar og heimsækja
kirkjur landsins. „Helga Stefáns,
vinkona mín, gerði þetta og mælti
með því að fara í svona pílagríms-
ferð. Það safnast sérstök orka í
kirkjur og þeim fylgir líka einhver
ákveðinn tragískur tónn.“
Morguinblaðið/RAX
Heilluð af leikhúsi Filippía segir hollt að vinna í leikhúsi þar sem stans-
laust er verið að spyrja spurninga, efast og rannsaka. Complete costume
history þykir henni t.d hljóma full alræðislega.
Pílagrímsferð í allar
kirkjur landsins
Morgunblaðið/G.Rúnar
Grettir Kostulegir karakterar
Að heimsækja borgina Vilníus af því hún er falleg og skemmtileg.
Að horfa á kvikmyndina Solaris eftir Tarkofsky aftur og aftur af því að
það er ákveðin hvíld í því, eins og að hlusta á ljóðalestur.
Hótel 101 til að fá sér góðan kaffibolla af því þar er friðsamt á daginn.
Verslununum Liborius og Kron Kron af því það er gott framtak og gott
mótvægi við allt hitt. Þessar búðir eru eins og lítil söfn.
Filippía mælir með
ÞAÐ er fátt í útliti og klæðaburði Betty Sua-
rez, aðalpersónu þáttanna um Ugly Betty,
sem þykir þess virði að apa það eftir. Litríka
sláin, ellilegar jakkapeysurnar og vestin, eða
spangirnar eru að minnsta kosta ekki líkleg
til að klifra upp neina vinsældalista. Annað
virðist hins vegar gilda um rauðu gleraugun
sem Betty notar.
Að sögn tímaritsins Grazia hafa sjón-
daprar jafnt sem skarpsýnar konur slegist
um að finna gleraugu í anda Bettyar allt frá
því að þessi nærsýna og ólíklega hetja sló
fyrst í gegn á skjánum.
Gleraugun sem America Ferrera notar í
þessum þáttum, sem sýndir eru í ríkissjón-
varpinu á miðvikudögum, koma heldur ekki
frá ómerkari hönnuði en Alain Mikli. Honum
hefur verið lýst sem „arkitekt augnanna“ og
telur stjörnur á borð við Brad Pitt, Jack Nic-
holson, Elton John og Bono meðal viðskipta-
vina sinna.
Mikli er líka maður með köllun – að út-
rýma þeirri skoðun að gleraugu séu „nörda-
leg“ og hafi bara hagnýtan tilgang. „Maður
á að velja gleraugu með sama hugarfari og
tösku eða skó,“ hefur Daily Telegraph eftir
Mikli. „Maður á eftir að nota þau mikið og
þá er mikilvægt að velja eitthvað sem maður
kann virkilega vel við.“
Gleraugnaráð frá Alain Mikli
Og þó gleraugu Bettyar njóti mikilla vin-
sælda um þessar mundir klæða sömu gler-
augun ekki alla, því andlitsfall þess sem
gleraugun ber hefur mikið að segja.
Sporöskjulaga Þetta andlitslag getur borið
næstum því allar gleraugnaumgjarðir.
Hjartalaga Veldu einlitar gleraugna-
umgjarðir úr léttu efni.
Kringlótt Ílangar umgjarðir sem sitja of-
arlega lengja þetta andlit.
Ferkantað Veldu kassalaga umgjarðir þar
sem þær ramma augun inn og gættu þess að
umgjarðirnar séu breiðar til að skapa jafn-
vægi innan andlitsins.
Perulaga Þetta andlitsfall klæða best gler-
augnaumgjarðir með sterka efribrún, sem
breikkar ennið. Umgjarðir sem eru með
skreytingu við gagnauga draga sömuleiðis
athyglina frá kjálkalínunni.
Demantlaga Gleraugu með skarpar,
hyrndar línur fara þessu andlitsfalli best.
Sterk efri brún á umgjörðinni breikkar síð-
an ennið.
Ílangt Umgjarðir sem sitja nálægt aug-
unum virka best hér þar sem þær stytta and-
litið.
Gleraugun
slá í gegn
Svipsterk Gleraugun hennar Bettyar Suarez eiga óneitanlega sinn þátt í heildarmyndinni.