Morgunblaðið - 17.06.2007, Blaðsíða 33

Morgunblaðið/G.Rúnar
MORGUNBLAÐIÐ SUNNUDAGUR 17. JÚNÍ 2007 33
Björn Ingi „Arnmundur var mjög
skemmtilegt barn og gaman að umgangast
hann. Hann var skapandi og fannst yf-
irleitt gaman að öllu.
Hann var tæpra fjögurra ára þegar við
mamma hans skildum. Ég leigði um sum-
arið í Hjónagörðunum og honum fannst
mjög gaman að taka þátt í því að flytja.
Hann var alltaf að leika sér og fannst gam-
an að vera úti.
Þegar hann fór í grímubúning í fyrsta
skipti gerði hann ráð fyrir því að enginn
þekkti hann. Hann var í Ninja Turtles-
búningi og fór í næsta hús í heimsókn til
Ingu, móðursystur sinnar. Hann byrjaði á
því að tilkynna henni: „Þetta er bara ég,
Arnmundur,“ svo hún ruglaðist örugglega
ekki í ríminu.
Addi fór alltaf mikið í leikhús. Ég
gleymi því aldrei þegar hann fylgdist með
mér í barnasýningu þegar hann var
tveggja ára. Ég var á sviðinu að kalla á úlf
á meðan Arnmundur fylgdist með frá efri
svölunum á Litla sviðinu. Allt í einu heyri
ég lítinn mann kalla líka, þá var hann að
hjálpa pabba sínum.
Ég kalla hann alltaf Adda eins og flestir.
Nafnið Arnmundur Ernst kemur úr móð-
urættinni en hann heitir eftir bræðrum
Eddu og öfum. Nafnið var svolítið stórt
fyrir lítinn strák svo gælunafnið kom
snemma.
Addi hefur alltaf haft gaman af því að
tala við fullorðið fólk. Hann var alltaf svo-
lítið að flýta sér að verða fullorðinn.
Hann byrjaði snemma að leika. Fyrsta
skiptið sem við unnum saman var í Borg-
arleikhúsinu í Galdrakarlinum í Oz. Við
mamma hans ákváðum að hann fengi til
gamans að fara í prufu og honum fannst
þetta alveg meiri háttar. Það var alveg
ótrúlega fyndið að sjá hann í fyrsta skipti
á sviðinu. Ég hafði aldrei séð hann leika
áður. Hann var aðeins átta, níu ára en tók
þetta svo alvarlega. Hann var svo mikill
„performer“. Síðan er hann búinn að leika
mikið. Hann var í Pétri Pan og Kalla á
þakinu og svo lékum við aftur saman í
Beðið eftir Godot.
Ég er frá Dalvík en Adda fannst mjög
gaman að fara norður með mér og voru
ferðirnar fastur punktur hjá okkur. Þar
hafði hann mikið frelsi og gat verið úti að
leika sér allan daginn. Á veturna fórum
við saman á skíði en við fórum alltaf norð-
ur um páskana.
Það hefur verið mjög gaman að fylgjast
með Adda þroskast og vaxa. Við höfum átt
gott feðgasamband en við höfum líka alltaf
verið góðir vinir. Það er gott að tala við
hann og hann hefur átt auðvelt með að
segja hvað honum finnst og hvernig hon-
um líður. Það er eitthvað mjög fallegt í
honum og það sá maður snemma. Hann
hefur metnað fyrir sína hönd og annarra.
Hann er mjög ljúfur strákur og býr yfir
miklu jafnaðargeði og ekki oft sem ég hef
séð hann reiðast. Hann er bæði nærgæt-
inn og tillitssamur. Hann er ábyrgð-
arfullur, stundum einum of, sem er nú
bara kostur, sérstaklega á unglingsárun-
um. Hann er líka einbeittur, jákvæður og
opinn.
Mér hefur alltaf fundist hann góður leik-
ari. Hann hefur mikinn metnað í að gera
hlutina vel eins og til dæmis SPRON-
auglýsingin sýnir. Í Strákunum okkar
fannst mér hann vinna mjög vel en þar bjó
hann til karakter sem var ekkert líkur
honum sjálfum. Gaman væri að fá tækifæri
til að vinna með honum aftur nú sem full-
orðnum manni. Mér finnst Addi hafa
þroskast mjög skemmtilega, bæði sem
manneskja og leikari.
Leiklistin var ekkert sem við foreldr-
arnir ýttum honum í, boltinn fór bara ein-
hvern veginn að rúlla. Núna er jafnvel
hringt í mig til að fá númerið hjá Adda og
hann hefur nóg að gera. Mér finnst
skemmtilegt að hann skuli vera í þessu
fagi því þetta er gefandi starf.
Hann hefur sýnt mér að hann getur orð-
ið mjög góður leikari. En ég held hann
geti orðið það sem hann langar til. Ég held
að hann gæti þess vegna látið til sín taka í
viðskiptum. Hann veit að leikarastarfið er
ekki sérstaklega vel launað. Hann langar
að fara út í leiklist og vera með viðskipta-
legan bakgrunn líka og ég hlakka til að sjá
hvað verður úr því.
Addi hefur alltaf farið vel með peninga
en hann hefur líka meira eða minna unnið
fyrir sér frá því að hann var barn. Sjálfur
hef ég ekkert viðskiptavit svo þetta er ekki
eiginleiki sem hann hefur frá mér. Hann
hefur alltaf verið mjög duglegur að sjá fyr-
ir sér.
Ég hef heyrt fólk segja að við séum al-
veg eins en það er misjafnt hvað fólk horf-
ir á. Aðrir segja að hann sé bara líkur
mömmu sinni. Mér hefur alltaf fundist
hann bara líkur sjálfum sér.
Mér finnst mikils virði að eiga svona
gott samband við hann. Sjálfur var maður
alveg upp á kant við foreldra sína. Ég get
talað við hann um hluti sem ég talaði ekki
um við foreldra mína. Það þykir mér vænt
um. Honum fannst fyrst eitthvað skrýtið
þegar ég spurði hann út í kærustumál en
núna held ég að hann sé bara orðinn nokk-
uð sáttur við það.
Ég tilheyri V-dagssamtökunum og ég
hef oft sest niður með honum og rætt þau
málefni. Addi er strákur á þeim aldri sem
samtökin vilja gjarnan höfða til. Hann hef-
ur alltaf verið mjög hjálplegur.
Addi hefur gefið okkur hjónum barna-
jólagjafir undanfarin þrjú ár. Í fyrra voru
það litlar hosur og á undan því ýmislegt
annað barnadót en ég held hann hafi verið
að gefa okkur vísbendingu! Ég held hann
hlakki til að verða stóri bróðir. Hann von-
ast eftir strák.“
Líkur sjálfum sér
Arnmundur Ernst er sonur Eddu Heiðrúnar Backman og Björns Inga Hilmarssonar. Hann
kom í heiminn haustið 1989 og er því á átjánda ári. Hann á eina hálfsystur, Unni Birnu átta
ára, og aðra fóstursystur, Brynju, sem er sautján ára. Hann er þekktur úr ferming-
arauglýsingum SPRON en til viðbótar hefur hann leikið á sviði og í kvikmyndum en ein-
hverjir muna áreiðanlega eftir honum úr Strákunum okkar. Arnmundur er væntanlegur á
hvíta tjaldið í kvikmyndinni Veðramót í ágúst. Hann stundar nám í Menntaskólanum við
Hamrahlíð og er nýtekinn við embætti framkvæmdastjóra nemendafélagsins NFMH. Sum-
arið fer í að afla fjár fyrir veturinn og skipuleggja næstu önn. Einnig vinnur hann fyrir sér
með því að baka pitsur hjá Pizzahöllinni þar sem hann er vaktstjóri.
Svipur Fermingarmynd Arnmundar
sýnir vel svipinn á feðgunum.
Q7 – náttúrulegir yfirburðir
H
V
ÍT
A
H
Ú
S
IÐ
/
S
ÍA
-
8
5
1
2
HEKLA, Laugavegi 172-174, sími 590 5000, www.hekla.is, hekla@hekla.is
Vorsprung durch Technik www.audi.com