Morgunblaðið - 17.06.2007, Qupperneq 54

54 SUNNUDAGUR 17. JÚNÍ 2007 MORGUNBLAÐIÐ
UMRÆÐAN
JARÐIR - LANDSPILDUR - SUMARHÚS
YFIR 100 BÚJARÐIR OG LANDSPILDUR
OG UM 60 SUMARHÚS Á SÖLUSKRÁ FM
Sjá nánar á www.fmeignir.is
www.fasteignamidstodin.is
Sumarhús í landi Kára-
staða, Bláskógabyggð,
innan þjóðgarðs. Fallegt
útsýni yfir Þingvallavatn
og fjöllin. Landið er
6.200 fm kjarri vaxið og
er þar eldri bústaður sem
skiptist í anddyri, opið
eldhús, stofu með kam-
ínu, 3 herbergi og snyrt-
ingu með sturtuklefa. Á
nærliggjandi lóðum hafa
verið byggð allt að 90 fm
glæsileg heilsárshús.
Verð: tilboð.
Sumarhús við Þingvallavatn -
innan þjóðgarðs
FASTEIGNA-
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali.
Vel skipulagt og fallegt 229,2 fm
einbýlishús í Vesturbæ Reykja-
víkur sem skiptist þannig: á 1.
hæð er anddyri, hol, stofa, borð-
stofa og eldhús. Á neðri palli
(kjallari/jarðhæð) er þvottahús,
geymslur, sjónvarpsherbergi og
svefnherbergi með sérbaðher-
bergi (þetta herbergi er bílskúr á
teikningu). Á efri palli eru þrjú svefnherbergi og baðherbergi. 6594
Sverrir Kristinsson, löggiltur fasteignasali
FROSTASKJÓL - EINSTÖK EIGN
Um er að ræða glæsilegt 275,4 fm
einbýli á einni hæð við Stigahlíð í
Reykjavík. Eignin skiptist í forstofu,
eldhús, fimm svefnherberbergi tvær
stofur, tvö baðherbergi, gestanyrt-
ingu, þvottaherbergi, innbyggðan bíl-
skúr og geymslur. Eignin er staðsett
innst í botlanga. Garður við húsið er
geysilega fallegur. V. 75,0 m. 6778
Sverrir Kristinsson, löggiltur fasteignasali
STIGAHLÍÐ - GLÆSILEG EIGN
Bæjarhrauni 10 • Hafnarfirði • Sími 520 7500 • www.hraunhamar.is
Sævangur - Hf. Einbýli
Nýkomið sérlega fallegt
pallabyggt einbýli m. inn-
byggðum bílskúr, samtals
265,1 fm. Á jarðhæð er 2ja
herbergja aukaíbúð með
sér inngangi. Frábær stað-
setning og útsýni. Hraun-
lóð. Verð tilboð.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
ÞJÓÐLAGAHÁTÍÐIN á Siglufirði
sumarið 2007 ber að þessu sinni yf-
irskriftina Ríma. Kvæðamenn munu
víða koma við sögu, bæði í aðal-
hlutverki og sem gestir á tónleikum
innlendra og erlendra listamanna.
Von er á tónlistarfólki frá Bandaríkj-
unum, Armeníu, Þýskalandi, Noregi
og Svíþjóð auk íslenskra listamanna.
Söngkonan Susanna Martirosyan og
píanóleikarinn Armen Babakhanian
flytja armensk sönglög og þjóðlög.
Frá Noregi kemur Stein Villa, sér-
fræðingur í fornum norrænum hljóð-
færum, og tvíeykið Joachim Kjelsaas
Kwetzinsky og þjóðlagasöngkonan
Unni Lövlid flytur norsk þjóðlög,
annars vegar í upprunanlegri gerð og
hins vegar í útsetningu Edvards
Grieg, en þess er nú minnst að 100 ár
eru liðin frá andláti tónskáldsins.
Hanne Juul er kunn vísnasöngkona á
Norðurlöndum. Hún bjó um skeið hér
á landi og var þá potturinn og pannan
í starfi Vísnavina. Hún heldur tón-
leika á hátíðinni ásamt tríói sínu og
mun auk þess koma fram víðar um
land. Þá flytur kammerkórinn Cap-
pella nova frá Svartaskógi verk eftir
Brahms ásamt sópransöngkonunni
Angelu Baltes – að ógleymdum
heimstónlistarhópnum Andromedu4
frá Boston með Ímu Þöll Jónsdóttur
fiðluleikara í broddi fylkingar.
Farðu vel með Vatnsdæling
Af íslenskum tónlistarmönnum á há-
tíðinni má nefna Kvintbræður, þá
Örn og Sigursvein Magnússyni, sem
kveða saman tvísöng. Þeim til full-
tingis verður Marta G. Halldórsdóttir
söngkona. Bára Grímsdóttir ólst upp
í Vatnsdalnum og kynntist þar hinni
fornu kvæðalagahefð. Á tónleikum
þeirra Chris Fosters verða einmitt
leikin og sungin lög sem Bára lærði
ung í heimahögum sínum. Úr Svarf-
aðardal kemur Kristjana Arngríms-
dóttir ásamt hljómsveit og heldur
tónleika til heiðurs Jónasi Hallgríms-
syni. Hún syngur lög við ljóð lista-
skáldsins góða, frumflytur meira að
segja nokkra söngva sem ekki hafa
heyrst áður. Þá leikur sænsk-íslenska
tvíeykið Dúó Ríma verk fyrir selló og
víólu, m.a. nýja tónsmíð eftir Hafdísi
Bjarnadóttur, ungt og bráðefnilegt
tónskáld. Dúóið skipa þær Erika Söd-
ersten á víólu og Gunnhildur Halla
Guðmundsdóttir á selló. Hátíðinni
slítur Sinfóníuhljómsveit unga fólks-
ins með píanókonsert eftir armenska
tónskáldið John Sarkissian og svít-
unum tveimur úr Pétri Gaut eftir
Edvard Grieg. Einleikari er Armen
Babakhanian frá Armeníu en stjórn-
andi og sögumaður Gunnsteinn
Ólafsson.
Langspilsþing
og þjóðlagaakademía
Í tengslum við Þjóðlagahátíðina verð-
ur starfrækt Þjóðlagaakademía, en
það er viðamikið námskeið um ís-
lenskan tónlistararf, haldið í sam-
vinnu við KHÍ. Akademían hefst 3.
júlí og stendur til 7. júlí. Henni lýkur
með langspilsþingi þar sem þrjár
frænkur verða kynntar til sögunnar:
íslenska langspilið í höndum Arnar
Magnússonar, langleik frá Noregi
sem Marit Steinsrud kynnir og loks
bandaríska fjallalangspilið eða
mountain dulcimer sem Jerry Rock-
well hefur hafið til vegs og virðingar í
heimalandi sínu. Auk þess að tala á
þinginu mun hann einnig halda sér-
staka tónleika á hátíðinni þar sem
eingöngu verður leikið á langspil.
Þjóðlagaakademían er opin öllum al-
menningi meðan húsrúm leyfir.
Boðið verður upp á fjölmörg önnur
námskeið á Þjóðlagahátíð fyrir börn
og fullorðna, svo sem námskeið í klez-
mer- eða gyðingatónlist, íslenskri
glímu, rímnakveðskap, blómst-
ursaumi við töskugerð, brúðuleikhúsi
og margt fleira mætti nefna. Á
uppskeruhátíð sýna nemendur af-
raksturinn og íslensk-búlgarska
gleðisveitin Narodna Musika leikur
fyrir dansi. Nánari upplýsingar um
Þjóðlaghátíðina á Siglufirði má finna
á siglo.is/festival.
GUNNSTEINN ÓLAFSSON,
listrænn stjórnandi Þjóðlagahátíð-
arinnar á Siglufirði
Þjóðlagahátíðin á Siglufirði 4.-8. júlí
Frá Gunnsteini Ólafssyni
Marit Steinsrud og Stein Villa frá Noregi
leika á forn norræn hljóðfæri.
UM daginn hitti ég nágrannakonu
mína í Grettisgötunni sem hafði séð
mynd af mér á borgarafundi vegna
heimilis sem velferðarráð borg-
arinnar vill koma á fót í Njálsgöt-
unni. Sagðist þessi nágrannakona
mín ekkert skilja í mér, svona líberal
manneskju, að mótmæla heimili fyr-
ir ógæfumenn sem væru nú komnir á
réttan kjöl og farnir að vinna. Réttan
kjöl! Farnir að vinna! sagði ég. Nei
takk fyrir sælir, þetta eru 10 manns í
neyslu. Rök velferðarráðs eru þau að
fái þeir ekki heimili miðsvæðis fari
þeir ekki heim og haldi áfram að
vera til ama víðs vegar í bænum.
Ég er ekki hissa á að unga barna-
fólkið í hverfinu taki þessu ekki
fagnandi, fullt af kærleika. Það er al-
veg nægur vandi fyrir. Ein ung kona
sem býr neðarlega í Grettisgötunni
segir eitt dópgreni vera hjá sér og að
dóttir hennar sem er í Austurbæj-
arskóla þori ekki heim í hádeginu.
Ég hef líka miklu meiri áhyggjur af
skólakrökkunum sem eru ein á ferli
en börnunum á barnaheimilinu. Þar
er gæsla og tékkað á lóðinni á
morgnana.
Ég er búin að búa hér svo lengi að
ég sé stórmun til hins verra eftir að
Keisaranum var lokað. Rauð-
arárstígurinn og hluti Norðurmýrar
er orðinn alveg skelfilegur. Þar við
bætist auðvitað að á þessum árum
hefur hörð neysla aukist gríðarlega.
Þegar ég settist inn á borg-
arafundinn varð ég ekki lítið undr-
andi þegar hver ræðumaðurinn á
fætur öðrum frá borginni hélt ræður
í gríð og erg og allir á einu máli. Einn
þeirra sagði í sinni ræðu að það væri
hús til sölu í sinni götu og hefði hún
bent á það. Var það hús kannað sem
möguleiki? Þegar fólk tók að þreyt-
ast á síbyljunni og vildi fá að tjá sín
sjónarmið, bera fram spurningar við
ræðumenn og ræða málin brást
fundarstjórinn og yfirlögregluþjónn-
inn Geir Jón vægast sagt illa við.
Hann talaði niður til fólksins, skipaði
því að þegja og vera ekki með dóna-
skap. Geir Jón, sem mér hefur alltaf
fundist ræða vandamálin í borginni
af skörungsskap. Borgarstjóri sá nú
að þetta gekk ekki og sýndi þau lýð-
ræðislegu viðbrögð að breyta til-
högun fundarins, stoppa ræðuhöldin
um stund og leyfa umræður, sem
urðu nú æði heitar. Hann bauð líka
upp á stofnun samráðshóps íbúa og
borgarstarfsmanna.
Þar kom að fundarstjórinn Geir
Jón hélt sína ræðu. Dásamaði hann
réttilega heimili Lilla Berents á
Ránargötunni enda var reglan sú á
þeim bæ að ef menn féllu, eins og
kallað var, misstu þeir umsvifalaust
húsnæðið. Einnig talaði hann um
góða reynslu af heimilum á Miklu-
braut en íbúi á Rauðarárstíg sagði
renneríið bara fara þar í gegn sem
hann væri orðinn ansi þreyttur á. Að
lokum talaði Geir Jón um fyllibyttur
í sínu nágrenni þegar hann var barn
og að hann hefði aldrei verið hrædd-
ur við þær. Sem barn í Reykjavík var
ég heldur ekki hrædd við fyllibytt-
urnar en þær einskorða sig ekki
lengur við neyslu áfengis heldur eru
harðari efni komin til sögunnar.
Mesta skelfingin í minni barnæsku
var hrekkjusvínin. Það var ólíkt
meira öryggi að vera barn og ung-
lingur þá en nú er. Okkur ber því að
vernda börn okkar og unglinga og
forða þeim frá óþarfa hættu eftir
bestu getu.
Nú eru íbúasamtökin búin að
kjósa tvo menn í samráðshópinn og
vona ég að farsæl lausn finnist á
þessu máli og ég veit að það gerist ef
vilji er fyrir hendi.
GUÐRÚN MARGRÉT GUÐ-
JÓNSDÓTTIR,
Grettisgötu 64, Reykjavík.
Bréf til borgarstjórnar
Frá Guðrúnu Margréti
Guðjónsdóttur