Morgunblaðið - 17.06.2007, Blaðsíða 37

MORGUNBLAÐIÐ SUNNUDAGUR 17. JÚNÍ 2007 37
Um er að ræða 7 hektara lands í Kjarnholtum 3, Biskupstungum, ásamt 302,6 fm einbýlishúsi auk hesthúss
með 18 básum og salar sem sambyggður er hesthúsinu og rúmar 130 manns. Þarna hefur verið rekin ferða-
þjónusta um árabil og er m.a. svefnpláss fyrir 35 manns í húsinu. Búið er að skipuleggja lóðir fyrir
14 frístundahús ásamt íbúðarhúsi á landinu svo eignin býður upp á mikla möguleika í ferðaþjónustu.
Verð 74 millj.
Upplýsingar: Lögmenn Suðurlandi, sími 480 2900.
Til sölu herragarður á jörðinni Kjarnholtum 3,
Biskupstungum
Staðsetningin er eintök enda eitt
fallegasta bæjarstæði landsins og
útsýni gerist vart glæsilegra.
Vel sést yfir Geysissvæðið sem og
Tungufljót auk fjallahringsins í kring.
Grænu skrefin sem kynnthafa verið í Reykjavík erugott dæmi um það frum-kvæði sem borgir hafa tek-
ið í umhverfismálum, en með þeim er
stefnt að því að virkja fólk og fyr-
irtæki með því að bjóða upp á raun-
hæfa og umhverfisvæna valkosti.
„Reykjavík er stórt og öflugt op-
inbert fyrirtæki og þegar það stígur í
ákveðna átt, þá hefur það áhrif,“ seg-
ir Gísli Marteinn Baldursson, for-
maður umhverfisráðs Reykjavíkur.
„Ef ríki og borg eru umhverfisvæn,
þá hefur það áhrif á aðra. Bílainn-
flytjendur hafa til dæmis tekið við sér
og bjóða upp á umhverfisvænni kosti
en áður.“
Val um aðra kosti
Hann segir þróunina í Reykjavík
undanfarinn áratug ekki hafa verið í
takt við þá vakningu sem átt hafi sér
stað í heiminum í umhverfismálum.
Þrátt fyrir skuldbindingar í Kyoto-
samningnum varðandi losun gróð-
urhúsalofttegunda hafi bílum fjölgað
gríðarlega í Reykjavík og með sama
áframhaldi verði 770 bílar á hverja
þúsund Reykvíkinga árið 2015, sem
yrði með því allra mesta í heiminum.
„Svo mikil bílaeign hefði auðvitað
mikil áhrif borgarlífið og ég er ekki
viss um að við Reykvíkingar viljum
leggja það á okkar fallegu borg. Þetta
myndi þýða miklar umferðartafir,
viðvarandi mengun og ákaflega lé-
lega nýtingu fjármuna, bæði fyrir
fólk sem situr löngum stundum fast í
bílum sínum og einnig í byggingu
umferðarmannvirkja.“
Hann segir að Reykjavík megi
aldrei verða slík bílaborg. „Við viljum
fjölskylduvæna og græna höfuðborg.
Auðvitað munu langflestar fjöl-
skyldur áfram kjósa að eiga bíl og
þeim á borgin að þjóna, enda vitum
við flest af eigin raun að fjöl-
skyldubíllinn er nauðsynlegur til þess
að geta haldið öllum boltum á lofti í
daglegu lífi. En við þurfum að skipu-
leggja borgina þannig að val sé um
aðra kosti.“
Það má t.d. gera með íbúðar-
húsnæði nær vinnustöðum fólks, s.s. í
Vatnsmýri og Örfirisey, betri göngu-
og hjólreiðastígum og með því að
fjölga farþegum með strætó, að sögn
Gísla. „Ég er viss um að margir
myndu nýta þessa kosti ef þeir fengju
meira vægi og þá fækkar bílum sjálf-
krafa. En þetta þarf að gerast með
frjálsu vali borgarbúa og ég hef fulla
trú á því að ef við bjóðum upp á raun-
hæfa kosti muni fólk nýta sér þá.“
Áhersla á endurvinnslu er ein af
þeim leiðum farin er í grænu skref-
unum og segir Gísli Marteinn að eftir
því sem skrefunum fjölgi verði fleiri
tegundir af sorpi sóttar til Reykvík-
inga. „Það liggur fyrir að við erum að
taka verðmætt land í Álfsnesi undir
heimilissorp og að ekki má byggja í
áratugi þar sem sorp hefur verið urð-
að. Fyrsta skrefið til að bregðast við
því er að bjóða borgarbúum bláa
tunnu fyrir dagblaðapappír, sem er
30% af heimilissorpinu og hefur auk-
ist gríðarlega með fríblöðum í öll hús.
Fyrir vikið má nýta betur landið í
Álfsnesi og að auki selja pappírinn
sem verðmæti til Svíþjóðar, en gæði
dagblaðapappírs hér á á landi eru
mikil.“
Grænni á góðviðrisdögum
Og nánasta umhverfið má ekki
gleymast. „Við upplifum borgina
grænni á góðviðrisdögum þegar það
er mannlíf,“ segir Gísli Marteinn.
„Það er verkefni okkar að skapa að-
stæður fyrir fallegt mannlíf. Við eig-
um góð, græn útivistarsvæði sem
væri gaman að nýta betur. Það vant-
ar t.d. þjónustu víðar til að fólk hafi
eitthvað þangað að sækja. Við erum
að leggja drög að kaffihúsi með sal-
ernisaðstöðu í Hljómskálagarðinum
til þess að draga að fólk. Það sama
gildir um Miklatún. Þar eru ekki einu
sinni almennilegar hlaupaleiðir fyrir
þá sem fara út að skokka. Þessu er-
um við að reyna að breyta, en það
tekur tíma. Göngustígurinn frá
Ægisíðu í Heiðmörk er einstakt fyr-
irbæri sem þarf að nýta betur. Það
þarf að vera þjónusta við stíginn,
vatnshanar og bekkir, og hann á að
vera í góðu ástandi árið um kring.“
Að sögn Gísla Marteins getur
borgin verið grænni og ýtt undir
hreysti og heilbrigðari lífsstíl. „Ýmis
stórvirki hafa verið unnin í borginni í
gegnum tíðina í umhverfismálum. Ég
nefni stofnun og uppgræðslu Heið-
merkur og Græna trefilinn, sem var
risaverkefni, hugsað til að breyta
veðurfari í Reykjavík og fá meira
logn. Hér voru skipulögð glæsileg
fjölskylduhverfi eins og Breiðholt,
Grafarvogur og Fossvogur, sem öll
eru í mikilli snertingu við náttúruna
og hvetja þannig til útiveru. Svo má
heldur ekki gleyma því að borgar-
búar hafa sjálfir ræktað upp þann
skóg sem Reykjavík er orðin. Í borg-
unum í kringum okkur er fátítt að
hitta fólk með molduga fingur. En í
Reykjavík þekkja flestir ekki annað
en að rækta garðinn sinn.“
Reykjavík má
aldrei verða
bílaborg
Klassík Gísli Marteinn Baldursson borgarfulltrúi með nýja Raleigh-reiðhjólið sem hann keypti sér í vikunni.
Morgunblaðið/Kristinn