Morgunblaðið - 22.07.2007, Blaðsíða 6

6 SUNNUDAGUR 22. JÚLÍ 2007 MORGUNBLAÐIÐ
FRÉTTIR
BORANIR eru nú hafnar við
Þeistareyki í fjórða sinn til að
kanna stærð og eiginleika jarð-
hitageymisins þar undir og mögu-
leika á nýtingu jarðhitans til raf-
orkuframleiðslu.
Árni Gunnarsson vélaverkfræð-
ingur, sem stýrir verkefninu, segir
erfitt að spá um árangur af þessari
borun, en segir að gera megi ráð
fyrir því að afköst holnanna verði
meiri því byggt sé á þekkingu sem
aflað var í fyrri borunum. „Nú beit-
um við í fyrsta skipti skáborunum,
en áður höfum við alltaf borað beint
niður. Þær gefa okkur tækifæri til
að skera fleiri sprungukerfi neð-
anjarðar þannig að innstreymi í
holurnar verði meira og afköst
þeirra aukist,“ segir Árni.
Ef af byggingu álvers á Húsavík
verður er gert ráð fyrir að aflþörf
þess verði um 400 megavött og
stefnt er að því að framleiða það á
jarðhitasvæðum á Norðausturlandi,
meðal annars á Þeistareykjum.
Holurnar misjafnar
Reynslan af borunum hefur verið
misjöfn hingað til að sögn Árna.
„Fyrsta holan var mjög heit og
myndi gefa um sex megavött ef hún
væri virkjuð. Önnur holan er í út-
jaðri svæðisins og er mjög opin, en
hitinn er ekki nógu hár til þess að
hún henti til raforkuframleiðslu.
Þriðja holan var svo boruð í fyrra
og þar mældist næsthæsti hiti í
borholu á Íslandi, en hæsti hitinn
hefur mælst á Nesjavöllum. Sú bor-
hola gæti skilað sex til sjö mega-
vöttum af rafmagni ef hún verður
virkjuð.“
Árni segir að staðsetning holn-
anna sé ákveðin út frá fyrri reynslu
og hugmyndum um innviði jarð-
hitageymisins. Yfirborðsrannsóknir
gefi vísbendingar um innviði jarð-
hitakerfisins sem notaðar eru til að
smíða líkan af geyminum og að lok-
um séu gerðar kannanir með bor-
unum.
Þeistareykir ehf. stendur að til-
raunaborununum en það fyrirtæki
er að langstærstu leyti í eigu
Landsvirkjunar, Orkuveitu Húsa-
víkur og Norðurorku, sem eiga
hver um sig 32 prósent. Að auki
eiga Aðaldalshreppur og Þingeyj-
arsveit saman um fjögur prósent
hlutafjár.
Ljósmynd/Birkir Fanndal
Ró og friður Þingeyskt sauðfé lætur ekki bröltið í mannskepnunni og um-
fangsmiklar tilraunaboranir á Þeistareykjum raska ró sinni.
Fjórða tilraunabor-
unin á Þeistareykjum
Í HNOTSKURN
»Þeistareykir eru eyðibýli áReykjaheiði í Suður-
Þingeyjarsýslu. Þar var fyrr á
tímum tekinn brennisteinn, sem
var unninn á Húsavík og fluttur
út til Kaupmannahafnar.
» Í ár er fyrirhugað að boratvær holur, þær fjórðu og
fimmtu í röðinni.
Eftir Gunnhildi Finnsdóttur
gunnhildur@mbl.is
Rannsóknir
standa yfir á
möguleikum jarð-
varmavirkjunar
og pattaralega sjóbirtinga; einn
átta punda og annar níu komu á
land í gær. Mikið af fiski liggur í
Álabökkum á frísvæðinu og verður
þar til rignir. „Þá lenda menn í
veislu,“ sagði Gylfi Gautur.
Horaðir og hausstórir tittir
Ágætis gangur er í Haffjarðará
þessa dagana. „Ég var búinn að spá
því að veiðin í sumar yrði hálfum
mánuði seinni til að ná góðum gangi
en síðustu ár og sú hefur orðið
raunin,“ sagði Einar Sigfússon eig-
andi árinnar. „Í gærmorgun voru
veiðimenn að veiða á fjórar stangir
og lönduðu átján löxum á vaktinni.
Nú er þetta komið í fullan gang.“
Eitt margra vatnsfalla sem hafa
liðið fyrir þurrk og vatnsskort er
Stóra-Laxá í Hreppum. Afar lítið af
laxi hefur sést í ánni það sem af er
sumri, en um leið og dimma tók á
kvöldin nú seinnihluta vikunnar,
virðist laxinn hafa tekið að ganga. Í
það minnsta virðast einhverjir smá-
vaxnir laxar hafa lagt í að ganga
upp grynningarnar frá Iðu, neðst í
ánni, því silfurbjartur smálax tók
EINUNGIS um 80 laxar hafa veiðst
í Laxá í Kjós í sumar, síðan veiði
hófst fyrir rúmum mánuði. „Við
höfum aldrei upplifað ástand á borð
við þetta. Við höfum séð ána enn
vatnsminni í júlímánuði en þá hefur
fiskur verið búinn að dreifa sér um
hana alla. Nú er laxinn bara á
nokkrum veiðistöðum og kemst
ekki upp fyrir Álabakka,“ sagði
Gylfi Gautur Pétursson sem blaða-
maður hitti að máli á bökkum Laxár
í Kjós í gær. Áin er gríðarlega
vatnslítil og segja má að einungis
fimm veiðistaðir séu inni, auk neðri
hluta frísvæðisins. Þrátt fyrir lítið
vatn er mikið af laxi að ganga í ána
þessa dagana. Kvíslarfoss er fullur
af laxi og stökkva þeir látlaust í
fossinn; 20 stukku eina mínútuna
þegar mælt var.
Veiðimenn hafa verið að ná ein-
um og einum fiski en veiðistaðirnir
eru auðstyggðir, og tökurnar
grannar. Einn veiðimannanna sem
voru í Kjósinni í gærkvöldi hafði
þannig sett í sjö laxa á vaktinni en
einungis landað einum. Auk lax-
anna hafa menn verið að setja í feita
skyndilega að birtast á sumum
helstu veiðistöðum árinnar. Síðustu
tvo daga hafa laxar verið að kropp-
ast upp á neðstu svæðunum, sem og
á fjórða svæði. Þar náði einn veiði-
maður í fyrsta kasti veiðiferð-
arinnar þeim minnsta laxi sem hann
hafði augum litið. Hann var 48 cm
langur og vó slétt kíló. Tvö pund.
Var horaður og hausstór. Félagar í
hollinu náðu síðan tveimur fjögurra
punda, í Austurkvísl neðan Hruna-
króks og á Pallinum. Þá var af-
rakstur sumarsins kominn í níu
laxa, sem þykir nú varla neitt sér-
stakt.
Morgunblaðið/Sölvi Ólafsson
Fengsæll Sigfús Bjarnason veiddi stærsta sjóbirting sem veiðst hefur í
Vatnsdalsá í sumar, en hann vó 9,5 pund. Í bakgrunninum má sjá Jörmund-
arfell, hæsta tind Vatnsdalsfjalls.
Laxinn gengur þrátt
fyrir vatnsleysið
STANGVEIÐI
REYKVÍKINGAR og nærsveita-
menn hegðuðu sér skikkanlega á
skrallinu aðfaranótt laugardags. Að
sögn lögreglu gekk nóttin stórslysa-
laust fyrir sig, en þó var talsverður er-
ill hjá lögreglumönnum vegna ölvun-
ar og óspekta. Átta ökumenn voru
handteknir grunaðir um ölvun við
akstur og mega þeir eiga von á því að
verða sviptir ökuréttindum á næst-
unni ef að líkum lætur. Þá komu þrjú
minniháttar fíkniefnamál inn á borð
lögreglu. Í öllum tilfellum var þó að-
eins um vörslu og neyslu að ræða.
Fengu að sofa úr sér
Undir morgun leituðu allnokkrir
næturhrafnar, sem lotið höfðu í lægra
haldi fyrir óminnishegranum, á náðir
lögreglunnar og fengu að sofa úr sér
þreytuna í fangageymslunum við
Hverfisgötu.
Þá var nóttin með rólegra móti hjá
Slökkviliði höfuðborgarsvæðins. 17
sjúkraflutningar voru farnir og dælu-
bíll var aðeins kallaður einu sinni út.
Tilkynning barst um reyk á veitinga-
húsinu Carúsó, en þegar á hólminn
var komið var aðeins um meinlausan
reyk frá pizzaofni að ræða.
Næturhrafn-
ar að mestu
til friðs
LANDSSAMBAND slökkviliðs- og
sjúkraflutningamanna er ánægt með
viðbrögð Guðlaugs Þórs Þórðarson-
ar heilbrigðisráðherra við því
vandræðaástandi sem ríkt hefur í
sjúkraflutningum sumstaðar á
landsbyggðinni. Sambandið hefur að
undanförnu gagnrýnt það harðlega
að í einhverjum tilfellum sé aðeins
einn maður sendur í útkall og telur
það fyrirkomulag algerlega óviðun-
andi.
Í yfirlýsingu sem LSS sendi frá
sér á föstudag kemur fram að úrbæt-
ur séu þegar hafnar til þess að koma
þessum málum í skikkanlegt horf.
Fjárframlag til sjúkraflutninga í
Borgarnesi hefur verið aukið til þess
að tryggja að þar sé nægur mann-
skapur á vakt hverju sinni.
Forsvarsmenn LSS funduðu í vik-
unni með Guðlaugi Þór og lýstu yfir
ánægju sinni með þann fund og þá
sérstaklega hugmyndir ráðherrans
um að taka menntunarmál sjúkra-
flutningamanna til endurskoðunar.
Í yfirlýsingunni segir jafnframt að
í framhaldinu verði skipaður vinnu-
hópur til þess að fara yfir málin í
heild. „Verður hópnum falið að koma
með tillögur á landsvísu byggðar á
þeim upplýsingum sem þegar liggja
fyrir. Horft verður til framtíðar-
skipulags sjúkraflutninga og ekki
síst hvernig auka og bæta má þá
þjónustu sem þegar er fyrir hendi.“
Fagna viðbrögðum
heilbrigðisráðherra
HURÐIR og rúður sprungu úr
mannlausum húsbíl í gassprengingu
við Oddastaðavatn í Hnappadal í
fyrrinótt. Mikil mildi var að engin
var í bílnum þegar sprengingin átti
sér stað, en eigendurnir höfðu
brugðið sér út í nokkrar klukku-
stundir og komu þeir að húsbílnum
stórskemmdum. Hann var þó öku-
fær og héldu eigendur stúrnir heim á
leið á löskuðu ökutækinu.
Að sögn lögreglu í Borgarnesi var
gasískápur í bílnum og telur hún lík-
legt að gaslagnir að honum hafi lek-
ið, rýmið í bílnum fyllst af gasi og
blossi í kveikibúnaði ísskápsins kom-
ið sprengingunni af stað.
Lögreglan segir að óhöpp af þessu
tagi séu orðin alltof algeng og fólk
verði að fara að gera sér grein fyrir
því að betur þurfi að fylgjast með
lögnum og ástandi tækja sem knúin
eru með gasi en rafmagnstækja á
heimilinu. Best sé að láta fagaðila yf-
irfara ástand tækja og lagna með
reglulegu millibili og minnka þar
með líkurnar á gasslysum í húsbíl-
um.
Sprenging varð í
mannlausum húsbíl
SÉRSVEIT Ríkislögreglustjóra
annast nú þrisvar sinnum fleiri sér-
verkefni en á árunum fram til 2002.
Fram að því voru verkefnin um 50 á
ári, en síðan þá hafa þau verið um eða
yfir 100 á ári. Í fyrra var svo slegið
met; sérverkefnin voru 156 talsins.
Þetta kemur fram í Blaðinu í gær.
Sérsveit lögreglunnar var sett á
laggirnar árið 1982 og hafa liðsmenn
hennar aldrei þurft að hleypa af
skoti. Árið 2004 boðaði Björn
Bjarnason dómsmálaráðherra um-
talsverða fjölgun í sérsveit lögregl-
unnar á næstu árum, úr 21 liðsmanni
í 50. Eftir fjölgunina starfa 36 sér-
sveitarmenn í Reykjavík, tólf á
Keflavíkurflugvelli og fjórir á Akur-
eyri.
Yfirlögregluþjónarnir Geir Jón
Þórisson og Ólafur Ásgeirsson eru
samdóma um að sérsveitin verði mik-
ilvægari með hverju árinu sem líður,
þar sem harka í undirheimum hefur
aukist og vopnaburður er orðinn al-
mennari.
Verkefni sérsveit-
ar aldrei fleiri