Morgunblaðið - 22.07.2007, Blaðsíða 26
lífshlaup
26 SUNNUDAGUR 22. JÚLÍ 2007 MORGUNBLAÐIÐ
Þ
að er glampandi sól og
blíða þegar Víkingurinn
lætur úr höfn í Vest-
mannaeyjum þennan
júlímorgun. Um borð
er á fimmta tug breskra ungmenna
í skólaferðalagi og eftirvæntingin
leynir sér ekki þegar þau horfa
upp Heimaklett. Ævintýraeyjan
skal skoðuð í krók og kima.
Simmi skipstjóri er við stjórnvöl-
inn og spurningarnar dynja á hon-
um. „Langar ykkur að sjá hvali?
Þá eruð þið ekki á réttum stað. Ég
legg til að þið farið til New York,
þar eru hvalir á hverju strái – á
röltinu upp og niður Broadway,“
segir kafteinninn sposkur á svip.
Ungmennin hlæja. Simmi upplýsir
að Bretar séu góðir ferðafélagar
enda hafi þeir svipaðan húmor og
Íslendingar. „Það þýðir ekkert að
segja Norðmönnum svona brand-
ara.“
Áfram heldur skipstjórinn, sem
jafnframt er leiðsögumaður í sigl-
ingunni, með hvalina. „Þið vitið að
við Íslendingar borðum hval. Ekki
nóg með það, við borðum líka há-
karl. Skerum hann niður í bita og
gröfum hann í jörð þar sem við lát-
um hann úldna í þrjá mánuði áður
en við leggjum okkur hann til
munns. Lyktin er eins og úr sokka-
tösku fótboltaliðs. Svo skolum við
hnossgætinu niður með rótsterkum
miði sem við köllum brennivín.“
Bresku ungmennin stara op-
inmynnt á Simma. „Er manninum
alvara?“ má lesa úr svipnum. Ekki
er þó ofsögum sagt af kurteisi
þegna Elísabetar annarrar. Ein
stúlkan lætur sér orðið „lovely“ um
munn fara með hábreskum hreim í
kjölfarið – og grettir sig.
Fæddur skipstjóri
Simmi er í essinu sínu á meðan á
siglingunni stendur en hún tekur
hálfan annan tíma. Hann lætur
móðan mása um sögu, jarðfræði og
fuglalíf. Hann er fæddur skipstjóri,
rám röddin rímar við skeggið og
sítt hárið sem flaksar í vindinum.
Hann er líka prýðilegt ígildi kenn-
ara en það er ekki heiglum hent að
halda athygli yfir fjörutíu fimmtán
ára unglinga, þar sem hormónin
bulla og sulla undir kumpánlegu
yfirborðinu.
Bretarnir eru heillaðir af lund-
anum og færast í aukana þegar
þeir sjá hann fleyta kerlingar á yf-
irborði sjávar. „Lundinn er með
ákaflega litla vængi og þess vegna
er hann svona klunnalegur þegar
hann reynir að fljúga. Hann verður
að hreyfa vængina tíu sinnum á
sekúndu til þess eins að lyfta sér,“
segir Simmi. Það eru um sex millj-
ónir lunda í Eyjum, um þriðjungur
stofnsins.
Síðasti áningarstaðurinn á sigl-
ingunni er Klettshellir sem Simmi
hælir fyrir hljómburð. „Það er við
hæfi að strákarnir í hópnum taki
lagið fyrir okkur hérna inni,“ segir
hann og í því byrja þeir að blístra
af miklu kappi. Ekki svo að skilja
að Roger Whittaker roðni af öfund.
„Þetta er prófsteinn á það hvort
liðið er að hlusta á mig,“ segir
Simmi og glottir. Í því dregur
hann fram saxófón og skundar aft-
ur á dekkið. Blæs með tilþrifum.
Blístrendur bíta í vörina á meðan,
enda leikurinn tapaður, og skip-
stjórinn uppsker mikið lófaklapp
að launum. Honum er greinilega
margt til lista lagt.
Tóku áskorun
Simmi skipstjóri heitir fullu
nafni Sigurmundur Gísli Einarsson
og rekur ferðaþjónustuna Viking
Tours í Vestmannaeyjum ásamt
eiginkonu sinni, Unni Ólafsdóttur.
Hún tekur glaðbeitt á móti okkur á
bakkanum.
Viking Tours var sett á lagg-
irnar árið 2000. Víkingurinn var
upphaflega smíðaður fyrir Vest-
mannaeyjar, að frumkvæði Páls
Helgasonar, en var ekki í notkun á
þessum tíma. „Mönnum þótti það
synd og skoruðu á Simma að taka
bátinn að sér, þar sem hæfileikar
hans liggja á ýmsum sviðum,“ upp-
lýsir Unnur. „Við hugsuðum málið
vel og vandlega og ákváðum svo að
slá til. Við keyptum bátinn og
gerðum hann fyrst út sumarið
2001.“
Árið eftir gekk starfsemin á land
en þá festu hjónin kaup á tveimur
rútufyrirtækjum og sameinuðu
undir merkjum Viking Tours. Allar
götur síðan hefur verið boðið upp á
skoðunarferðir á láði og legi. Ekki
nóg með það. „Okkur vantaði til-
finnanlega höfuðstöðvar og árið
2003 keyptum við tangahúsið hérna
við höfnina og opnuðum þar skrif-
stofur og kaffihús. Þetta var áður
fisksöltunarhús, eða kró, og þaðan
er nafnið komið, Café Kró,“ segir
Simmi. Í vor stigu hjónin svo
skrefið til fulls og opnuðu veitinga-
hús á Café Kró.
Viðtalið fer fram á grasbalanum
fyrir framan Café Kró og þar iðar
allt af lífi þetta eftirmiðdegi.
Simmi starfaði um árabil hjá Út-
vegsbankanum og síðar Íslands-
banka en síðustu árin áður en hann
stofnaði Viking Tours var hann
framkvæmdastjóri Útgerðarfélags
Vestmannaeyja. „Ég held að menn
hafi verið að leita að einhverjum
mátulega kærulausum til að taka
þetta að sér og mér fannst ég
þurfa að svara kallinu,“ segir hann.
„Vestmannaeyjar eru eitt best
varðveitta leyndarmál Íslands og
það stendur upp á okkur heima-
menn að gera ferðamönnum kleift
að sækja þær heim. Ef við gerum
það ekki sjálfir gerir það enginn.“
Samgöngur mættu vera betri
Simmi segir verk að vinna enda
gætu samgöngumálin verið í betra
horfi. „Á níunda áratugnum flugu
tíu Fokker-vélar hingað á dag. Síð-
an smádró úr þessu og loks hætti
Flugfélag Íslands endanlega áætl-
unarflugi hingað árið 2000. Við tók
margra ára hörmung í flug-
samgöngum milli lands og Eyja.
Nú er Flugfélagið byrjað að fljúga
hingað aftur og þessi mál smám
saman að komast í samt lag á ný.
Ætli það komi ekki upp undir
40.000 farþegar hingað með flugi
frá Reykjavík á ári og um 30.000
frá Bakka. Það er dágóður hópur.“
Dagsferðamenn, fólk sem kemur
að morgni og fer að kvöldi, eru
stór hluti þeirra ferðamanna sem
sækja Vestmannaeyjar heim og
þeir stóla vitaskuld á flugið. „Það
fer enginn í dagsferð og ver þar af
sex tímum um borð í skipi. Eins og
staðan er í dag hætta margir við
að koma hingað í dagsferð vegna
þess að þeim þykir það of mikið
mál. Það þurfum við að laga,“ segir
Simmi.
Hann segir að skipasamgöngur
mættu líka vera betri. „Herjólfur
tekur alltof fáa bíla, þannig að við
þurfum stærra skip. Um þetta hef-
ur margoft verið spurt en svör hins
opinbera hafa hingað til verið óvið-
unandi.“
Afmæli og brúðkaup um borð
Það er handagangur í öskjunni
hjá Viking Tours þennan dag. Fyr-
ir utan breska skólahópinn, sem í
heild telur um áttatíu manns, er
fjöldi ferðamanna í bænum, inn-
lendra og erlendra. „Á þessum
tíma eru þetta mest útlendingar
sem koma til okkar en samt fullt af
Íslendingum líka og þeim fer fjölg-
andi,“ segir Simmi.
Víkingurinn er kominn í gagnið
upp úr miðjum apríl og Simmi tek-
ur hann ekki upp fyrr en í október.
Siglt er tvisvar á dag, kl. 10.30 og
15.30, en einnig er farið með hópa
á öðrum tímum eftir samkomulagi.
Boðið er upp á rútuferðirnar allt
árið um kring. Siglingar umhverfis
Eyjar og rútuferðir eru uppistaðan
í starfi Viking Tours en fyrirtækið
býður líka upp á ýmislegt annað,
t.a.m. er siglt út í Surtsey á föstu-
Þar sem draumaeyjan rís
Ljósmynd/Sigurgeir Jónasson
Fjölskyldan Hjónin Sigurmundur Gísli Einarsson og Unnur Ólafsdóttir, eigendur Viking Tours, ásamt yngri börnum sínum þremur, Guðnýju, Guðmundi Óskari og Ólafi Rúnari, sem starfa öll
hjá þeim í sumar. Eldri synirnir tveir, Einar og Unnar Gísli, eru fluttir upp á land. „Vestmannaeyjar eru yndislegur staður og það eru forréttindi að búa hérna,“ segir Unnur.
„Vestmannaeyjar eru eitt best varðveitta leyndarmál
Íslands og það stendur upp á okkur heimamenn að
gera ferðamönnum kleift að sækja þær heim. Ef við
gerum það ekki sjálfir gerir það enginn,“ segja hjónin
Sigurmundur Einarsson og Unnur Ólafsdóttir sem
reka ferðaþjónustuna Viking Tours í Vestmanna-
eyjum. Orri Páll Ormarsson brá sér í siglingu með
Simma skipstjóra á Víkingnum og ræddi við þessi eld-
hressu hjón um ferðaþjónustu, lífið og tilveruna.
Sigling Víkingurinn fer tvisvar á dag í útsýnisferð kringum Eyjarnar, þar
sem Simmi skipstjóri fer á kostum enda fjölfróður um sögu og fuglalíf.