Morgunblaðið - 18.09.2007, Qupperneq 4

4 ÞRIÐJUDAGUR 18. SEPTEMBER 2007 MORGUNBLAÐIÐ
FRÉTTIR
Eftir Friðrik Ársælsson
fridrik@mbl.is
„ORÐ eru til alls fyrst og svona samræða er
nauðsynlegur undanfari þeirrar viðhorfsbreyt-
ingar sem ég vildi gjarnan sjá eiga sér stað hér í
miðborginni að næturlagi og sumpart að degi
til,“ sagði Vilhjálmur Þ. Vilhjálmsson borgar-
stjóri í setningarræðu miðborgarþings í gær-
kvöld.
Borgaryfirvöld, lögregla og fjöldi íbúa mið-
borgarinnar leiddu þar saman hesta sína og var
megináherslan lögð á sjónarhorn íbúa í mið-
borginni í tengslum við umræðu sem gengið hef-
ur fjöllunum hærra undanfarið um umgengni og
hegðun gesta miðborgarinnar um helgar.
Borgarstjóri var ómyrkur í máli í upphafi
fundar. „Ég tel ástandið í miðborginni óásætt-
anlegt eins og það hefur verið,“ sagði hann og
uppskar mikið lófatak. Algjört grundvallaratriði
væri að draga úr ofbeldi, drykkjulátum, sóða-
skap og skemmdarverkum sem viðgangast í
miðborginni um helgar. „Nú er lag að reyna með
samstilltu átaki að bæta ástandið og öll sú um-
ræða og viðhorfsbreyting sem orðið hefur að
undanförnu gefur okkur tilefni til að ætla að við
getum náð árangri. Við getum gert miðbæinn
okkar að skemmtilegum og eftirsóknarverðum
stað, hvort sem það er að nóttu eða degi til.“
Lausnin fólgin í styttri afgreiðslutíma?
Borgarstjóri sagði að blikur væru á lofti í mál-
efnum miðborgarinnar. Þannig gæfi samstarf
lögreglu og borgaryfirvalda góð fyrirheit auk
þess sem til skoðunar væri hvernig hægt er að
nota ný lög og reglugerðir um veitingastaði og
skemmtanahald í því augnamiði að ná tökum á
þeim vandamálum sem skapast kringum veit-
ingarekstur og skýra ábyrgð rekstraraðila veit-
ingahúsa.
„Nýtt embætti lögreglustjórans á höfuðborg-
arsvæðinu hefur frá fyrsta degi unnið að því
markmiði að efla og styrkja öryggi og öryggis-
tilfinningu á höfuðborgarsvæðinu,“ sagði Stefán
Eiríksson, lögreglustjóri. Í framsögu sinni fór
hann yfir breyttar áherslur lögreglunnar sem
meðal annars gætti með sýnilegri löggæslu,
virkara fíkniefnaeftirliti og öflugra aðhaldi með
rekstraraðilum skemmtistaða.
Stefán sagði að frumkvæði lögreglu væri þó
ekki nóg í þessum efnum heldur þyrftu fleiri að
taka þátt í lausn vandans. „Ég segi það hér, hef
sagt það áður og mun segja að það að þessum
fundi loknum að við þurfum að velta fyrir okkur
opnunartíma skemmtistaða, staðsetningu
þeirra og gerð. Ég held að það verði að taka til
skoðunar að færa þá skemmtistaði í burtu sem
opnir eru lengur en til eitt eða tvö á nóttunni,“
sagði Stefán og fögnuðu flestir viðstaddra þeim
hugmyndum með lófaklappi, þótt greina hafi
mátt pú á stöku stað í salnum.
Næst tók Fríða Björk Ingvarsdóttir, blaða-
maður Morgunblaðsins, til máls, en hún sagðist
aldrei hafa fengið jafnmikil viðbrögð við skrifum
sínum og þegar hún festi á blað það sem fyrir
augu bar í göngutúr sínum um miðborgina á
menningarnótt. „Þó að það sé ekki langt síðan
ég sagði frá þessum göngutúr um hverfið mitt,
er staðreyndin sú að ýmislegt hefur breyst síðan
þá til batnaðar. Hávaðinn hefur í það minnsta
minnkað hjá mér, það heyrast mun minni brot-
hljóð og öskur í hverfinu,“ sagði Fríða. „Mér
finnst þetta sýna að það er ýmislegt hægt að
gera, aðgerðir bera árangur þá loksins að þeim
er beitt. Vandinn sem áður fyrr var gert lítið úr
að mínu mati er nú tekinn alvarlega og þess sér
strax stað.“
Þá fjallaði Fríða nokkuð um sjálfsmynd þjóð-
arinnar, stærilæti hennar og minnimáttarkennd
sem birtust meðal annars í því viðhorfi sem alið
hefði verið á undanfarin ár að Ísland væri
hömlulaust partíland, land sem útlendingar
sækja heim til þess að gera það sem þeir mega
ekki í sínu heimalandi.
Þá greindi Árni Einarsson, íbúi miðborgar-
innar til fjölda ára, frá sinni upplifun af ástand-
inu og fjallaði um nýjar leiðir til að endurheimta
virðingu miðborgarinnar.
Síðastur í pontu var Sigmundur Davíð Gunn-
laugsson, doktorsnemi í borgarskipulagi og
hagfræði, og greindi hann frá niðurstöðum
rannsókna sinna um tengsl fegurðar miðborga
og efnahagslegrar velgengni þeirra.
„Ég tel ástandið í mið-
borginni óásættanlegt“
Morgunblaðið/Kristinn
Fjölmenni Margt fólk fylgdist með miðborgarþinginu í Ráðhúsinu í gær.
AUKIN áhersla lögregl-
unnar á höfuðborgarsvæð-
inu á brot gegn lögreglu-
samþykkt, svokölluð
hegðunarbrot, hefur varla
farið fram hjá neinum. Stef-
án Eiríksson sagði að það
sem af er ári hafi tæplega
300 mál af þessu tagi verið
skráð í dagbók lögreglu,
samanborið við um 60 mál undanfarin tvö ár.
Meðal þess sem fellur í flokk hegðunarbrota
er að henda rusli á göturnar, brjóta gler og
kasta þvagi á almannafæri.
Gríðarleg aukning
PORTÚGALINN sem í síðustu viku var
dæmdur í 3½ árs fangelsi fyrir nauðgun
fór úr landi áður en Hæstiréttur kvað upp
dóminn. Hann sagði lögmanni sem varði
hann í héraði að hann væri að fara í frí en
hygðist afplána dóminn hér á landi.
Maðurinn, Americo Luis Da Silva Con-
çalves, framdi nauðgunina í september í
fyrra og var hann í kjölfarið úrskurðaður
í farbann sem rann út í mars. Hæstiréttur
kvað upp dóm á fimmtudaginn í liðinni
viku, 13. september. Að sögn Guðmundar
Ómars Hafsteinssonar hdl., sem var skip-
aður verjandi hans þegar málið var rekið
fyrir Héraðsdómi Reykjavíkur, óskaði
ríkissaksóknari ekki eftir að það yrði
framlengt. Þá hafði hann ekki verið boð-
aður til að mæta í fangelsi til að hefja af-
plánun, samkvæmt upplýsingum frá
Fangelsismálastofnun. Næsta skref væri
að afhenda lögreglu upplýsingar um
manninn og hún beðin um að birta honum
dóminn. Frá boðun hafa fangar fjórar
vikur til að gefa sig fram við fangelsisyf-
irvöld.
Fór úr landi áður
en dómurinn féll
LOKA varð bifreiðaskoðunarstöð Frum-
herja í Skeifunni á föstudag eftir að
kona, sem reiddist mjög þegar hún var
rukkuð vegna endurskoðunar á bifreið
sinni, braut gler í afgreiðsluklefa og
réðst að starfsmanni fyrirtækisins. Gler-
brotum rigndi yfir afgreiðslumanninn
sem sat inni í klefanum og varð að sauma
fjögur spor í vör hans.
Samkvæmt upplýsingum frá Frum-
herja sætti konan sig illa við að þurfa að
borga reikning vegna endurskoðunar-
innar en hann hljóðaði upp á 1.200 krón-
ur. Að sögn Orra Vignis Hlöðverssonar,
framkvæmdastjóra Frumherja, mun
starfsmaðurinn hafa boðið konunni af-
sláttarkjör en það dugði ekki til. Eftir
það hafi hún lamið með hendinni í
rúðuna á afgreiðsluklefanum þannig að
rúðan mölbrotnaði með fyrrgreindum af-
leiðingum. Auk þessa hafi hún kastað
lausum munum að öðrum starfsmanni
sem vildi tryggja að hún færi hvergi,
a.m.k. ekki fyrr en lögregla væri komin á
staðinn.
Reiddist rukkun
fyrir endurskoðun
KARLMAÐUR var fluttur með þyrlu
Landhelgisgæslunnar á Landspítalann í
Reykjavík í gær eftir að bifreið hans fór út
af vegi og valt suðaustan við Klukkuberg í
Reykhólasveit. Slysið varð á sjötta tím-
anum í gærdag.
Maðurinn er talinn mikið slasaður, en
ökumaðurinn var einn í bílnum þegar slys-
ið varð. Ekki er vitað um tildrög slyssins,
en málið er í rannsókn.
Mikið slasaður
eftir bílveltu
ÚTFÖR Ásgeirs Elíassonar var gerð frá Hallgríms-
kirkju í gær. Séra Sigurður Jónsson jarðsöng, en kistuna
báru úr kirkju Geir Þorsteinsson, Birkir Kristinsson,
Theodór Guðmundsson, Sævar Sveinsson, Magnús Dan
Bárðarson, Gunnar Sæmundsson, Vilhjálmur Sigur-
geirsson og Ágúst Guðmundsson.
Útför Ásgeirs Elíassonar
Morgunblaðið/Árni Sæberg
Í HNOTSKURN
»Umræður um drykkjulæti og sóðaskap ímiðbænum hefur verið áberandi að und-
anförnu.
» Íbúar við Laugarveg og í næsta ná-grenni hafa ekki farið varhluta af
ástandinu og telja þeir að málefni miðbæj-
arins hafi verið afskipt um langt skeið.
»Þeir íbúanna sem tóku til máls kváðu þómargt hafa breyst til batnaðar að und-
anförnu og væri það til marks um að
ástandið um helgar væri ekki óumflýj-
anlegt.
Borgarstjóri uppskar mikið lófatak fyrir orð sín á fjölmennu miðborgarþingi