Morgunblaðið - 17.12.2007, Blaðsíða 6

6 MÁNUDAGUR 17. DESEMBER 2007 MORGUNBLAÐIÐ
FRÉTTIR
Eftir Bjarna Ólafsson
bjarni@mbl.is
ÚTLIT er fyrir að jólaverslunin
gangi vel og að hún sé ívið meiri en
hún var í fyrra. Er það í samræmi
við spá Rannsóknarseturs versl-
unarinnar frá því í nóvember þar
sem gert er ráð fyrir 9,4% aukningu
jólaverslunar frá fyrra ári.
Sigurjón Örn Þórsson, fram-
kvæmdastjóri Kringlunnar, segir
aðsókn í verslanamiðstöðina það
sem af er mánuðinum hafa verið
meiri en á sama tíma í fyrra. „Við
gerum ráð fyrir því að það end-
urspeglist í aukinni sölu hjá kaup-
mönnum og vitum ekki betur en þeir
séu ánægðir með hvernig gengur,“
segir Sigurjón.
Veðrið ekki til vandræða
Segir hann að þá viku sem nú fer í
hönd þá stærstu í jólaversluninni og
sé ekki útlit fyrir annað en verslunin
haldi áfram að aukast þegar nær
dregur jólum. „Jólaverslunin er lík-
lega dreifðari nú en hún var áður
fyrr og hlutur Þorláksmessu líklega
minni þótt 23. desember sé enn einn
stærsti dagurinn fyrir jólin. Með
lengri afgreiðslutíma fleiri daga fyr-
ir jól hefur verslunin dreifst á fleiri
daga.“
Henning Freyr Henningsson,
framkvæmdastjóri Smáralindar,
tekur í sama streng og segir gestum
í verslanamiðstöðina fjölga dag frá
degi í desember. „Með breyttum
verklagsreglum í umferðar- og bíla-
stæðamálum getum við annað fleiri
gestum en áður og verðum við ekki
vör við að þeir eigi í teljandi vand-
ræðum með bílastæði eða aðgengi að
Smáralind,“ segir Henning. Segir
hann að þumalputtareglan sé sú að
velta verslana aukist í samræmi við
fjölgun gesta í verslanamiðstöðina
en hugsanlegt sé að velta aukist
jafnvel enn meira því jólagjafir séu
almennt ívið dýrari nú en áður.
Veðrið segir hann ekki hafa sett
strik í reikninginn, nema ef til vill til
aukningar.
Skúli J. Björnsson, formaður FÍS,
segist hafa heyrt það frá öðrum
kaupmönnum að verslunin gangi
mjög vel. Ef til vill sé eitthvað minni
sala á þeim dögum sem veðrið hefur
verið hvað verst, en það hafi þá verið
unnið upp á öðrum blíðari dögum.
Eins og áður segir hafði Rann-
sóknarsetur verslunarinnar spáð
9,4% aukningu í jólaverslun í ár og
að áætluð velta umfram meðaltal
verði um 14 milljarðar króna.
Reiknað er með að heildarvelta í
smásölu um jólin verði 55,5 millj-
arðar króna án virðisaukaskatts,
sem er hærri upphæð en nokkru
sinni áður.
Með virðisaukaskatti er reiknað
með að veltan verði að meðaltali um
206.000 krónur á hvert mannsbarn.
Morgunblaðið/G.Rúnar
Taktu númer Víða er margt um manninn í verslunum og sumar afgreiða viðskiptavini eftir númerum.
Annríki Margir eiga enn eftir að ganga frá ýmsum innkaupum fyrir jólin..
Í HNOTSKURN
» Útlit er fyrir að met verðislegið í jólaverslun í ár þrátt
fyrir að verslunin í fyrra hafi
verið afar góð.
» Talsmenn kaupmanna segjaverslun hafa gengið mjög vel
það sem af er mánuðinum og að
ekki sé ástæða til að ætla annað
en hún haldi áfram að aukast.
» Slæmt veður undanfarnadaga er ekki sagt hafa haft
teljandi áhrif á jólaverslunina,
nema hugsanlega að gestum
verslanamiðstöðva hafi fjölgað
fyrir vikið.
Stefnir í metár í jólaverslun í ár en gestum verslanamiðstöðva fjölgar dag frá degi
Jólaverslunin meiri en í fyrra
Kaupmenn segja
veðrið ekki hafa
haft teljandi áhrif
TÖLUVERT var af sel og hval í og
við ós Blöndu á laugardag og einnig
töluvert af sel norðanmegin við
bryggjuna.
Gönguna má væntanlega rekja til
fiskgöngu inn Húnafjörð en ekki er
vitað hvaða fisktegundir hafa
þarna verið á ferðinni, gæti hafa
verið loðna eða smásíld, segir á
hunahornid.is.
Selirnir hafa sennilega verið vel
á annan tug en hvalirnir rétt innan
við tíu.
Selir og hvalir
í heimsókn
Í höfninni Ekki er óalgengt að selir
sjáist í nágrenni Blönduóss. Þessi
gerði sig heimakominn fyrr í ár.
Morgunblaðið/Jón Sigurðsson
Í UM helmingi allra fyrirtækja
landsins eru starfsmenn sem vinna
a.m.k. hálfan dag í viku eða oftar ut-
an fyrirtækisins með þeim hætti, að
þeir hafa aðgang að tölvukerfi fyr-
irtækis síns. Þetta kemur fram í yf-
irliti yfir tæknibúnað íslenskra fyr-
irtækja í ritinu Landshagir 2007,
tölfræðiárbók Hagstofu Íslands, sem
er nýkomin út. Í ljós kemur að 49%
íslenskra fyrirtækja voru með svo-
kallaða „fjarvinnandi starfsmenn“ á
síðasta ári, þ.e. þá sem hafa aðgang
að tölvukerfi fyrirtækisins og vinna
a.m.k. hálfan dag í viku utan þess.
Hæst er þetta hlutfall hjá fyrirtækj-
um í samgönum og flutningum eða
79% og næsthæst hjá fyrirtækjum
sem veita ýmsa sérhæfða þjónustu.
Lægst er hlutfallið hjá smásöluversl-
unum og fyrirtækjum sem annast
sölu, viðhald og viðgerðir á bílum en
um 30% þeirra eru með fjarvinnandi
starfsmenn í sinni þjónustu.
77% fyrirtækja með innranet
Einnig kemur fram að 99% ís-
lenskra fyrirtækja voru með net-
tengingu á seinasta ári, 35% þeirra
með innra tölvunet og 77% með eigin
vefsíðu.
Tölvunotkun starfsmanna er mis-
munandi eftir atvinnugrein og stærð
þeirra. Hún er mest í menningar-
starfsemi af ýmsu tagi eða 95%.
Einnig kemur fram að 52% starfs-
manna notuðu tölvur með netteng-
ingu í vinnu sinni á seinasta ári.
Lægst var hlutfallið í byggingar-
starfsemi og mannvirkjagerð þar
sem 18% starfsmanna í þeirri grein
notuðu tölvur með nettengingu í
störfum sínum.
Aðgangur að tölvu-
kerfi vinnustaðar
í 49% fyrirtækja
Morgunblaðið/Ásdís
Tækni Margir hafa aðgang að
tölvukerfi vinnustaðarins heima.
ALDURSGREINING með geisla-
kolsaðferð á tófubeinum sem fund-
ust norður á Ströndum hefur nú sýnt
með óyggjandi hætti að beinin voru á
bilinu 3.300 til 3.500 ára gömul. Er
hér í fyrsta skipti komin sönnun fyrir
því að tófa hafði numið hér land
löngu fyrir landnám manna að sögn
Páls Hersteinssonar, prófessors í
spendýrafræði við Háskóla Íslands,
sem ritar grein um rannsóknina í
nýjasta hefti Náttúrufræðingsins
ásamt fjórum meðhöfundum.
Beinin komu í ljós þegar vega-
gerðarmenn sprengdu fram berg
vegna vegagerðar og opnaðist þá
hellir sem hafði að geyma refahaus-
kúpur ásamt fugla- og fiskabeinum.
„Þó að erfðafræðirannsóknir hafi
bent til þess að tófan hafi verið ein-
angruð hér mjög lengi hefur aldrei
beinlínis verið sýnt fram á þetta,“
segir hann.
„Okkur finnst líklegra að tófan
hafi komið hingað frá Evrópu en frá
Grænlandi. Við vitum að á ísbreið-
unum milli Íslands og Evrópu voru
hvítabirnir og líklegt að tófur, sem
voru í V-Evrópu, hafi þvælst á ísnum
í kjölfar bjarnanna. Hinsvegar var
mjög þykkur jökull yfir Grænlandi
og sömuleiðis yfir kanadísku heim-
skautaeyjunum. Vegalengdin frá
Alaska, þar sem íslaust var, var
miklu lengri en að austan, og leið-
irnar lágu yfir jökla og ófærur.“
Tófan lifði á sjófuglum, ýmsum
hryggleysingjum og fiskum að sögn
Páls „og eftir því sem land klæðist
gróðri, eykst fjöbreytni í fæðuvali
tófunnar.“
Páll segist oft hafa orðið var við að
þjóðsögur um að tófan hafi komið
hingað með manninum, hafi verið
teknar trúanlegar og því sé mikil-
vægt að nú hafi verið tekinn af vafi
hvað það snertir.
Meðhöfundar hans að greininni í
Náttúrufræðingnum eru Veronica
Nyström, Jón Hallur Jóhannsson,
Björk Guðjónsdóttir og Margrét
Hallsdóttir.
Íslenska tófan kom þús-
undum ára fyrir landnám
Líkleg leið á ís-
breiðunni milli
Íslands og Evrópu
Morgunblaðið/Kristinn Ingvarsson
Rannsóknir Forfeður þessara yrðlinga hafa hugsanlega borið beinin norður
á Ströndum fyrir 3.300 árum og því verið á ferð löngu á undan manninum.
FJÖLDI
þinglýstra
kaupsamn-
inga á höfuð-
borgar-
svæðinu á
tímabilinu 7.-
13. desember
var 142 og
heildarvelta
nam rúmum
5,1 milljarði
króna. Er um nokkurn samdrátt frá
vikunni á undan, þar sem fjöldi
samninga var 171 og velta nam rúm-
um 7 milljörðum króna.
Samdrátturinn er þó í samræmi
við fyrri ár, en venjulega dregur
mjög úr húsnæðisviðskiptum á þess-
um árstíma, þ.e. frá miðjum desem-
ber og fram í janúar, samkvæmt töl-
um frá Fasteignamati ríkisins.
Kaupsamn-
ingum fækkar