Morgunblaðið - 17.12.2007, Blaðsíða 20

|mánudagur|17. 12. 2007| mbl.is
daglegtlíf
Hvað fá seppi, kisi, fuglinn, fisk-
urinn, hamsturinn og kanínan í
jólagjöf? Hugmyndir að jólagjöf-
um handa gæludýrunum. » 23
gæludýr
Þeir sem eru á síðustu stundu
með innkaupin fyrir jólin geta
sparað skildinginn með seina-
ganginum. » 21
fjármál
Eftir Önnu Sigríði Einarsdóttur
annaei@mbl.is
Kertaljós, konfekt og rauð-dúkuð borð gefa matsalstarfsfólks Landspítalajólalegt yfirbragð þegar
blaðamaður og ljósmyndari Morg-
unblaðins kíkja þar inn. Ljósum prýtt
jólatré sem pakkafjall hvílir undir
eykur enn frekar á jólastemninguna.
Þennan dag njóta þeir sem starfa í
eldhúsi og matsölum spítalans þess
að eiga góða aðventustund saman.
Borðin eru þéttsetin, sumir hafa jafn-
vel puntað sig aðeins, orkídeuspenna
í hári gefur þannig einum kolli spari-
legan svip, það glittir í nælu í barmi
annars staðar og hárnetin sem svo
nauðsynleg eru í matvælaiðnaðinum
hafa verið tekin niður á meðan á
veisluhaldi stendur.
Nú skal setið og skrafað, dreypt á
heitu súkkulaði með rjóma og bragð-
að á veisluréttum sem kunna að
þykja framandlegir þeim sem tengja
helst hangikjöt og laufabrauð jól-
unum. Í huga annars kann hangikjöt-
ið hins vegar að vera stórundarlegur
matur.
Um 140 manns starfa í eldhúsi og
matsölum Landspítalans og veitir
ekki af eigi að elda ofan í allan þann
fjölda sem þar dvelur og starfar. Líkt
og á mörgum öðrum vinnustöðum
hér á landi er stór hluti starfsmanna
af erlendum uppruna, um 70% starfs-
fólks í þessu tilfelli og eru frá 18 þjóð-
löndum.
Kristna aðventustundin sem áður
þótti sjálfsögð á því e.t.v. ekki jafn vel
við á svo stórum vinnustað í dag,
enda hefur hlutfall erlendra starfs-
manna verið að aukast jafnt og þétt.
Aðventutstundinni hefur því verið
slegið saman við einskonar al-
þjóðlega matarveislu, enda kunna
margir af starfsmönnunum vel við sig
í eldhúsi og eiga auðvelt með að kalla
fram listagóðan hátíðarmat.
Gaman að kynna eigin
matarmenningu
„Það eru líklega ein fjögur ár frá
því að við breyttum aðventuhátíðinni
og gáfum henni fjölþjóðlegra yfir-
bragð,“ segir Heiða Björg Hilm-
isdóttir forstöðumaður. Á veisluborð-
inu að þessu sinni má finna rétti frá
Víetnam, Taílandi, Ghana, Póllandi
og Filippseyjum, auk Íslands sem á
þar sína fastafulltrúa – flatkökur með
hangikjöti og smákökur.
Ghanabúinn Innocentia F. Frið-
geirsson, á þar heiðurinn af kraft-
miklum engiferdrykk sem jafnan er
hafður á borðum þar í landi á hátíð-
arstundum og ætti að geta rekið burt
hörðustu kvefpestir Frónbúa. Inn-
ocentia hefur búið á Íslandi í fimm ár
og starfað í fjögur þeirra á Landspít-
alanum. Hún talar góða íslensku og
hefur notið góðs af þeirri áherslu sem
þar er lögð á íslenskunám sem fer
fram á vinnutíma. En margir þeirra
erlendu starfsmanna sem náð hafa
góðum tökum á málinu hafa unnið sig
upp í störf verkstjóra, kokka eða
fengið önnur krefjandi verkefni þar
sem málakunnáttan skiptir máli.
Innocentia segir íslensku jólin um
margt lík jólunum í Ghana, þó að
maturinn sé ólíkur. Þar tilheyri hrís-
grjón og kjúklingur jólamatnum,
ekki hangikjöt. Hún hlakkar til að
vera á Íslandi þessi jólin og er að-
fangadagur sérstakur dagur fyrir
Innocentiu þar sem hún á sjálf af-
mæli þann dag.
Anna Tim Gíslason ber ábyrgð á
taílenska veislumatnum, djúp-
steiktum grænum bönunum með
sesamfræjum. „Þeir eru ekki fal-
legir, en bragðast mjög vel,“ segir
Anna um bananana. Hún hefur búið
hér á landi í ein tuttugu ár, er löngu
orðin vön íslensku jólahaldi og nýtur
þess að fá sér stóra steik við þau
tækifæri. Hún segir áramótin hins
vegar mun stærri hátíð á Taílandi,
það séu jú helst kristnir Taílendingar
sem haldi jólin.
Jólakakan frá heimabænum
Frá Póllandi er að finna á borðum
kanileplaköku sem Marzena Wilk á
heiðurinn að. „Þetta er jólakakan frá
mínum heimabæ,“ segir Marzena, og
bætir við að ekki sé sama kaka á
borðum í öllum bæjum. Hún segir
kökur og kjöt í miklu magni setja
svip sinn á pólsku jólin, sem og sá
siður að neyta einungis fisks og
grænmetis á aðfangadag. Sjálf er
hún búin að starfa á spítalanum síðan
í mars, en hefur búið á Íslandi í þrjú
og hálft ár og er hægt og rólega að ná
tökum á íslenskunni.
„Fólk er duglegt að smakka og
hefur gaman af að kynna mat-
armenningu síns lands,“ segir Heiða
Björg er núverandi og fyrrverandi
starfsmenn eldhússins hópast í
kringum hlaðin veisluborðin.
Og það getur ekki verið annað en
gaman að bragða á þessum fram-
andlegu réttum sem hljóta að veita
skemmtilega innsýn í ólíka menning-
arheima.
Morgunblaðið/Golli
Veisluborð Fólk var duglegt við að smakka á því fjölbreytta úrvali rétta sem var í boði.
Ghana Hressandi engiferdrykkur sem ekki hent-
ar síður vel í íslenska vetrinum.
Listakokkar Þær Anna Tim Gíslason, Innocentia F. Friðgeirsson og Mar-
zena Wilk kynntu starfsfólki matarmenningu síns lands.
Víetnam Hann vakti óneitanlega mikla for-
vitni þessi litríki réttur frá Víetnam.
Veislugestir Fyrrverandi og núverandi starfsmenn nutu þess að gæða sér
á kræsingunum.
Filipseyjar Fylltir gufusoðnir bögglar sem minna á kínverskar dim sum.
Pólland Kanil- og eplakaka á vel
við um jólin.
Taíland Djúpsteiktir grænir bananar þykja
herramannsmatur.
Fjölþjóðleg
jólahátíð