Morgunblaðið - 17.12.2007, Page 21

Eftir Bergþóru Njálu Guðmundsdóttur
ben@mbl.is
Tíminn líður hratt á gervi-hnattaöld og þá sér-staklega á aðventunni.Það er kannski ekki að
undra að Jón og Gunna hamist í
verslunum eins og þau eigi lífið að
leysa síðustu vikurnar fyrir jól því
einhvernveginn tekst þessum jólum
alltaf að bruna upp að hliðina á
þeim á leifturhraða án þess að
nokkur fái rönd við reist. Fyrr en
varir eru þau stödd í verslun á Þor-
láksmessu og finna hvernig hjartað
hamast á meðan þau leita logandi
ljósi að síðustu jólagjöfunum eða
rétta kjötinu í jólasteikina.
Ef fátt er svo með öllu illt að
ekki boði nokkuð gott. Þeir sem
bíða með ákveðin innkaup fram á
síðustu stundu geta hugsanlega
hagnast á því.
Útsölurnar eftir jól eru löngu
þekkt staðreynd og þeir allra hag-
sýnustu hafa gjarnan notað þetta
tækifæri, til dæmis til að gera
kostakaup á jólaskrauti sem er svo
spánnýtt þegar það er tekið upp úr
kössunum ellefu mánuðum síðar.
Þegar orðið ódýrara
Síðustu ár hefur hins vegar
brugðið svo við að kaupmenn hafa
ekki beðið eftir því að jólin gangi
um garð áður en þeir setja jóla-
skrautið á útsölur. Þetta þekkir
Kristín Einarsdóttir, fulltrúi hjá
Neytendasamtökunum, sem segir
verð á jólavörum lækka nokkru fyr-
ir jól, og það töluvert.
„Ég sé til dæmis núna á bækl-
ingum að jólavörurnar eru þegar
farnar að lækka í verði. Kaupmenn-
irnir vilja auðvitað losna við þær
fyrir jólin því það er vont að sitja
uppi með þær eftir hátíðirnar.“
Þeir sem eru ekki uppteknir af því
að hafa heimili sitt í fullum skrúða
alla aðventuna geta því hugsanlega
sparað dágóðan skilding á því að
kaupa og setja skrautið upp síðustu
dagana fyrir jól, eða hvað?
„Jú, örugglega, en ef þú vilt vera
viss um að fá nákvæmlega það sem
þig langar í borgar sig að kaupa
það snemma,“ heldur Kristín
áfram. „Ef þú ert hins vegar meira
upptekinn af því að fá vöruna á
góðu verði getur hentað þér að
bíða.“
Bækur lækka
En hvað þá um aðra hluti, eins
og jólagjafirnar? Er til dæmis hægt
að kaupa rafmagnstæki á útsölum
fyrir jól? „Ég hef ekki orðið vör við
það,“ segir Kristín. „Bækur lækka
hins vegar alltaf. Þær eru dýrastar
fyrst og verða svo alltaf ódýrari
eftir því sem nær dregur jólum.“
Þeir sem hafa hugsað sér að gefa
harða bókapakka þessi jólin að ís-
lenskum sið gætu því þénað nokkr-
ar krónur á því að bíða með kaupin
á þeim.
Þá getur borgað sig að hafa þol-
inmæði varðandi kaup á jólamatn-
um ef marka má Kristínu. „Ég hef
orðið vör við það undanfarin ár að
ákveðin matvara lækkar þegar nær
dregur jólum. Þegar kaupmenn-
irnir átta sig á því að þeir eiga fullt
af hamborgarhrygg viku fyrir jól
lækka þeir gjarnan verðið.“
Hún segir því jafnvel hægt að
spara með því að gera innkaupin á
síðustu stundu, a.m.k. í einstaka
vöruflokkum. Almennu línurnar séu
hins vegar þær að vörur séu seldar
fullu verði alveg fram að jólum. Svo
vilji maður gera jólainnkaupin í
heild sinni á útsöluverði verður
sennilega að bíða með þau fram í
janúar.
Jólainnkaup á útsölu
Morgunblaðið/Sverrir
Bókajól Það getur borgað sig að bíða með kaupin á hörðu pökkunum fram að síðustu stundu því reynslan hefur
sýnt að bækurnar eiga til að lækka meira í verði eftir því sem nær dregur jólum.
Morgunblaðið/Jóra
Jólavörur Sé ætlunin ekki að skreyta jólatréð fyrr en á Þorláksmessu er
góð hugmynd að hinkra með kaup á skrautinu.
fjármál fjölskyldunnar
MORGUNBLAÐIÐ MÁNUDAGUR 17. DESEMBER 2007 21
Gleðileg jól
Glæsilegar jólagjafir
M
b
l 9
48
71
2
Undirföt • náttföt • náttkjólar • sloppar
Frábært úrval
(í sama húsi og Bílaapótek og NC Næs Connection)
Hæðasmára 4 · Kópavogur · 555 7355
Síðumúla 3 · Reykjavík · 553 7355
Ný ver
slun
Opið kl. 10-21 alla daga til jóla!
Opið kl. 11-18 mánudag-laugardags.