Morgunblaðið - 17.12.2007, Blaðsíða 15

MORGUNBLAÐIÐ MÁNUDAGUR 17. DESEMBER 2007 15
ERLENT
PORTÚGALAR í jólasveinabúningum reyna að komast
í heimsmetabók Guinness með því að efna til fjölmenn-
ustu jólasveinagöngu heims. Skipuleggjendur göng-
unnar áætla að um 16.000 manns hafi tekið þátt í henni.
AP
Fjölmennasta jólasveinagangan?
UM 90 sendi-
nefndir koma
saman í París í
dag á ráðstefnu
ríkja og stofnana
sem vilja veita
Palestínumönn-
um efnahags-
aðstoð til að gera
þeim kleift að
stofna lífvænlegt
ríki. Er þetta stærsta ráðstefna um
efnahagsaðstoð við Palestínumenn
frá 1996.
Mahmoud Abbas, forseti Palest-
ínumanna, hyggst óska eftir aðstoð
að andvirði tæpra 350 milljarða
króna á árunum 2008 til 2010.
Bandaríkjastjórn hyggst veita um
þriðjung þeirrar aðstoðar sem ráð-
gert er að Palestínumenn fái á
næsta ári.
Þingað um
aðstoð
Mahmoud Abbas
SPÁNVERJAR hafa ekki áttað sig
á gengi evrunnar og þeim hættir
því til að greiða of mikið þjórfé, að
sögn efnahagsmálaráðherra Spán-
ar. Hann segir þetta skýra það að
hluta hvers vegna mörgum Spán-
verjum finnist að verðlagið hafi
hækkað við upptöku evrunnar.
Örlátir á þjórfé
FRANSKA fréttamanninum
Gwenlaouen Le Gouil hefur verið
rænt í Sómalíu og hafa ræningjar
hans krafist 70.000 Bandaríkjadoll-
ara í lausnargjald fyrir hann.
Hermt er að þrír vopnaðir menn
hafi rænt honum.
Fréttamanni rænt
MIKLAR vetrarhörkur eru í mið-
og norðausturríkjum Bandaríkj-
anna. Rúmlega 100.000 manns eru
án rafmagns í Pennsylvaníu og yfir
200 flugferðum um O’Hare-alþjóða-
flugvöllinn í Chicago hefur verið af-
lýst vegna óveðurs.
Tvö banaslys eru rakin til hálku á
vegum en fyrir viku létu 38 lífið í
frosthörkum í miðvesturhluta
Bandaríkjanna.
AP
Harður vetur Íbúi bæjar í Maine-
ríki burstar snjó af bíl sínum.
Hörkur vestra
Raipur. AFP. | Nær 300 föngum úr
röðum stuðningsmanna uppreisnar-
liðs maóista tókst að strjúka úr
fangelsi á austanverðu Indlandi í
gær.
Hermt er að fangarnir hafi yfir-
bugað sex verði sem gættu þeirra í
matsal fangelsisins og náð af þeim
byssum. Fangarnir hófu skothríð á
flóttanum og særðu tvo verði og
einn fanga.
Yfirvöld sögðu að alls hefðu 377
fangar verið í fangelsinu, allir úr
röðum stuðningsmanna maóista.
Talsmaður lögreglunnar sagði að
verðir fangelsisins væru alltof fálið-
aðir, þyrftu að vera a.m.k. 120 en
væru aðeins um 40.
Uppreisn maóistanna hófst í
tengslum við bændauppreisn á aust-
anverðu Indlandi árið 1967 og hefur
breiðst út um stór svæði í mið-, aust-
ur- og suðurhluta landsins. Hún hef-
ur náð til um helmings 29 sam-
bandsríkja Indlands.
Manmohan Singh, forsætisráð-
herra Indlands, hefur lýst uppreisn
maóistanna sem mestu innlendu
ógninni við öryggi landsins.
Maóistarnir segjast berjast fyrir
réttindum landlausra smábænda.
Nær 300
fangar struku
Polokwane. AP. | Thabo Mbeki, forseti
Suður-Afríku, hvatti til einingar í
stjórnarflokki landsins, Afríska
þjóðarráðinu (ANC), á fimm daga
flokksþingi sem hófst í gær. Líklegt
þótti að Mbeki biði ósigur fyrir
keppinaut sínum, Jacob Zuma, fyrr-
verandi varaforseta, í leiðtogakjöri
flokksins sem hefst í dag.
Fari Zuma með sigur af hólmi á
flokksþinginu er líklegt að hann
verði næsti forseti Suður-Afríku.
Zuma er mjög umdeildur og á yfir
höfði sér ákæru fyrir spillingu.
Mbeki vék Zuma úr embætti árið
2005 eftir að fjármálaráðgjafi vara-
forsetans fyrrverandi var dæmdur í
fimmtán ára fangelsi fyrir spillingu.
Zuma var sakaður um samsekt,
sagður hafa þegið mútur frá suður-
afrískum dótturfyrirtækjum franska
vopnafyrirtækisins Thales, reynt að
koma í veg fyrir rannsókn á meintum
lögbrotum þeirra og leggja stein í
götu réttvísinnar. Zuma neitaði sak-
argiftunum og sakaði andstæðinga
sína í ANC um að hafa staðið fyrir
ákærunni.
Áður hafði Zuma verið sýknaður
af ákæru um að hafa nauðgað konu
sem greinst hafði með HIV-veiruna.
Fyrir réttinum kvaðst hann hafa
haft mök við konuna með samþykki
hennar og síðan farið í sturtu í þeirri
trú að það hindraði alnæmissmit.
Zuma reynir að fella Mbeki
AP
Keppinautar Thabo Mbeki, forseti Suður-Afríku (t.v.), og Jacob Zuma,
fyrrverandi varaforseti landsins, á flokksþingi Afríska þjóðarráðsins.
Sulaimaniyah. AFP. | Tyrkneskar her-
flugvélar gerðu sprengjuárásir á
norðurhluta Íraks í fyrrinótt og
fregnir hermdu að þær hefðu orðið
að minnsta kosti einni konu að bana,
auk þess sem byggingar og brýr
hefðu eyðilagst og fólk hefði þurft að
flýja heimili sín.
Æðsti hershöfðingi Tyrkja, Yasar
Buyukanit, sagði í gærkvöldi að
stjórnvöld í Bandaríkjunum hefðu
heimilað loftárásirnar, leyft Tyrkj-
um að rjúfa lofthelgi Íraks og veitt
þeim upplýsingar um skotmörk.
Tyrkneski herinn sagði að ráðist
hefði verið á svæði, þar sem vitað
væri að kúrdískir skæruliðar væru
með bækistöðvar, og árásirnar hefðu
staðið í tæpar þrjár klukkustundir.
Stórskotaliðssveitir skutu sprengj-
um á svæðið eftir að árásum flugvél-
anna lauk.
Stjórn sjálfstjórnarsvæðis Kúrda í
Norður-Írak mótmælti árásunum.
Tyrknesk stjórnvöld hafa sakað
uppreisnarhreyfinguna Verka-
mannaflokk Kúrdistans um að hafa
gert mannskæðar árásir á Tyrkland
frá bækistöðvunum í Norður-Írak.
Tyrkir hafa hótað að senda fjöl-
mennt herlið yfir landamærin til að
ráðast á uppreisnarmennina og sent
um 100.000 hermenn að landamær-
unum. Bandaríkjastjórn hefur lagst
gegn því að Tyrkir sendi herlið yfir
landamærin.
Fréttastofa Kúrda í Norður-Írak
sagði að kona hefði beðið bana í árás-
unum og fimm aðrir óbreyttir borg-
arar særst alvarlega. Miklar
skemmdir hefðu orðið á byggingum í
einu þorpanna, tveir skólar eyðilagst
og nokkrar brýr í grenndinni
skemmst.
Utanríkisráðherra Tyrklands, Ali
Babacan, neitaði því að sprengjum
hefði verið varpað á þorp.
Írakar taka við
Íraskar öryggissveitir tóku í gær
formlega við öryggisgæslu í borginni
Basra og nágrenni í suðurhluta
Íraks. Þetti greiðir fyrir því að Bret-
ar geti fækkað verulega í 5.000
manna herliði sínu á þessum slóðum.
Her Tyrkja gerir loft-
árásir á Norður-Írak
Stjórnvöld í Bandaríkjunum sögð hafa heimilað árásirnar
AP
Bretar víkja Íraskir hermenn
marséra eftir að hafa tekið við ör-
yggisgæslu af Bretum í Basra.