Morgunblaðið - 22.12.2007, Síða 23

MORGUNBLAÐIÐ SATURDAY 22. DECEMBER 2007 23
SUÐURNES
Eftir Helga Bjarnason
helgi@mbl.is
Reykjanesbær | Dúxinn við brautskráningu stúdenta
af haustönn Fjölbrautaskóla Suðurnesja, Anna María
Ævarsdóttir, tók á móti verðlaunum sínum í kjól sem
hún hannaði og saumaði sjálf. Hún tók textíl sem auka-
fag í vetur og var kjóllinn lokaverkefni hennar í því.
Annars gekk Önnu Maríu vel í tungumálum og fékk
sérstök verðlaun fyrir árangurinn. „Mér hefur alltaf
þótt gaman að því að læra tungumál,“ segir hún.
Anna María hyggur á nám í geisla- og lífeindafræði
við Háskólann í Reykjavík í haust. Þangað til starfar
hún sem leiðbeinandi við fyrsta bekk Holtaskóla í
Keflavík. Þar sér hún um einn hóp af þremur og starf-
ar með tveimur reyndum kennurum. „Þær hjálpa mér
þvílíkt mikið. Ég gæti ekki gert þetta án þess,“ segir
Anna María. Hún hefur unnið með náminu í leikskóla
og segir að það sé ekki svo ólíkt. „Þetta er ótrúlega
þroskandi,“ segir hún um starfið með börnunum.
Hún æfir körfubolta með Njarðvík og leikur með lið-
inu í annarri deild Íslandsmótsins eftir að hafa skipt úr
Keflavík í haust. „Þetta var dálítil breyting en það
tóku flestir vel í þetta,“ segir Anna María um vista-
skiptin sem ekki eru alltaf vel séð hjá stuðnings-
mönnum liðanna í Reykjanesbæ. Njarðvíkingar eru að
byggja upp nýtt lið og hefur gengið ágætlega í vetur.
Svo vildi til að Njarðvík dróst á móti Keflavík í Lýsing-
arbikarnum. „Við töpuðum að vísu en það var gaman
að leika á móti gömlu liðsfélögunum,“ segir Anna
María.
Nú útskrifuðust 62 nemendur frá Fjölbrautaskóla
Suðurnesja, þar af 44 stúdentar, 9 iðnnemar, 6 úr
starfsnámi, einn meistari, einn úr listnámi og einn af
starfsbraut. Að venju voru veitt verðlaun fyrir góðan
árangur í ýmsum greinum. Nú var í fyrsta skipti veitt-
ur styrkur úr Styrktarsjóði FS sem Gunnar Sveinsson
og Kaupfélag Suðurnesja stofnuðu. Þrír nemendur,
Birgir Ólafsson, Jóhanna María Kristinsdóttir og Örn
Viljar Kjartansson, fengu stuðning fyrir góðan árang-
ur í samskiptum og tjáningu í áfanganum SAM 106.
Dúxinn hannaði og saum-
aði útskriftarkjólinn
Ljósmynd/Guðmann Kristþórsson
Fjölskyldan Helena Ösp, Elva Rún, Anna María, Guð-
rún Einarsdóttir og Ævar Már Finnsson við útskriftina.
LANDIÐ
Hella | Nemendur úr níunda bekk
Grunnskólans á Hellu fengu á dög-
unum ferð til Reykjavíkur, veislu á
Pizza Hut og miða á sýninguna Leg í
Þjóðleikhúsinu. Krakkarnir unnu
fyrstu verðlaun í verkefninu „Ung-
lingar, lýðræði og heimabyggðin“ en
úrslit voru tilkynnt í júní.
Verkefnið er miðað við ungt fólk á
aldrinum þrettán til sautján ára. Tólf
nemendur úr áttunda bekk Grunn-
skólans á Hellu voru meðal þátttak-
enda. Þau tóku þátt í hugmynda-
vinnu um það hvað mætti gera til að
bæta samfélagið á 21. öldinni og gera
það eftirsóknarverðara til búsetu,
meðal annars með gerð ritgerða og
síðan var ein hugmynd valin með at-
kvæðagreiðslu til frekari útfærslu.
Fyrir valinu varð hugmyndin að
byggja skautasvell sem myndi draga
fólk og fjármagn til sveitarfélagsins.
Landsbyggðarvinir í Reykjavík og
nágrenni standa fyrir verkefninu og
buðu samtökin nemendunum í borg-
arferð en sparisjóðirnir á Íslandi,
sem eru aðalstyrktaraðilar verkefn-
isins, kostuðu verðlaunin.
Skautasvell til
að bæta byggðina
Hugmynd Nemendur úr Grunnskólanum á Hellu fengu leikhúsferð í verð-
laun fyrir góða hugmynd til að bæta heimabyggð sína.
Barðaströnd | Tvær veturgamlar
systur frá Innri-Múla heimtust á
Barðaströnd 18. desember. Það væri
ekki í frásögur færandi ef ekki væri
fyrir það að þær eru útigengnar.
Þær komu úr Hagadal ásamt
nokkrum öðrum kindum þegar
bændur á Innri-Múla voru að leita að
heimtum kindum sem vantaði þegar
farið var að hýsa. Elstu menn muna
ekki eftir því að kind hafi komið úti-
gengin úr Hagadal áður.
Heimtur eru með besta móti hjá
bændum á Innri-Múla þetta árið, að
því er fram kemur í upplýsingum
sem Ásgeir Sveinsson hefur sent
Morgunblaðinu. Vantar einungis
tvær tvílembdar ær sem hafa komið
á Melanesi á Rauðasandi undanfarin
ár. Smalasvæðið er víðáttumikið
land sem er allt smalað gangandi og
með hundum enda mikið af hlíðum,
klettum og kjarri. Fyrstu leitir taka
10 daga fyrir 5-8 manns. Á þessu
hausti eru bændur á Innri-Múla bún-
ir að smala og leita að fé í 40-50 daga.
40-50 daga
að smala
Heimtar Barði og Ásgeir Sveins-
synir með útigöngugimbrarnar.
Eftir Jón Sigurðsson
Blönduós | Prima-krydd, sem fram-
leitt var hjá Tindafelli í Kópvogi og
er víða að finna í eldhúsum lands-
manna, er á leiðinni til Blönduóss.
Þessa dagana er verið að flytja
framleiðslueiningar norður og
stefnt er að því að hefja framleiðslu
fljótlega í janúar.
Framleiðslan verður fyrst um sinn
í bráðabirgðahúsnæði þar sem áður
var Krútt-bakarí en á vormánuðum
er fyrirhugað að byggja varanlegt
húsnæði yfir framleiðsluna við höf-
uðstöðvar Vilkó á Blönduósi. Það er
einmitt Vilkó sem er að kaupa þetta
fyrirtæki í bæinn og renna frekari
stoðum undir rekstur fyrirtækisins.
Að sögn Guðmundar Sveinssonar
hjá Vilkó mun atvinnutækifærum
fjölga á Blönduósi með tilkomu þess-
arar kryddverksmiðju. Það er því
ljóst að tilveran verður krydduð í
orðsins fyllstu merkingu á Blönduósi
á nýju ári.
Krydd í tilveruna á Blönduósi
Morgunblaðið/Jón Sigurðsson
Flutningur Kryddframleiðslunni er
komið fyrir í bráðabirgðahúsnæði.