Morgunblaðið - 28.02.2008, Blaðsíða 8

8 FIMMTUDAGUR 28. FEBRÚAR 2008 MORGUNBLAÐIÐ
FRÉTTIR
20% afsláttur af
AEG eldhústækjum
þegar keyptar
eru HTH innréttingar
Allt að
BSRB stendur
fyrir málstofu
um lífeyrismál í
BSRB-húsinu
Grettisgötu 89 á
morgun, föstu-
dag, kl. 13 -
15.30. Erindi
flytja Sigurður
Einarsson stjórn-
arfomaður Kaup-
þings banka, Sig-
ríður Lillý Baldursdóttir forstjóri
Tryggingastofnunar ríkisins,
Hrafn Magnússon framkvæmda-
stjóri Landssambands líeyrissjóða,
Katrín Jakobsdóttir alþingismaður
og Ögmundur Jónasson formaður
BSRB. Fundarstjóri er Kristín Á.
Guðmundsdóttir.
Málstofa um
lífeyrismál
Sigurður
Einarsson
Á MORGUN, föstudag, verður bök-
uð lengsta súkkulaðikaka sem bök-
uð hefur verið í Vesturbænum. Það
mun gerast í safnaðarheimili Nes-
kirkju og er hluti af söfnun fyrir
ferðalag unglinga á æskulýðsmót í
Prag. Að lokinni sunnudagsmessu
kl. 11 mun gestum svo gefast tæki-
færi til að bragða á kökunni.
Súkkulaðikaka
Í DAG, fimmtudag kl. 18-20, mun
ungmennaskiptihópur frá Póllandi,
Spáni, Portúgal og Frakklandi
halda upp á evrópskt kvöld í Hinu
húsinu.
Evrópukvöldið er hluti af Cit-
zens’R’US sem er ráðstefna sem
stendur yfir dagana 22. febrúar-2.
mars 2008. Þar mun ungt fólk frá
ýmsum löndum hittast þar sem
aðalumræðuefnið verður evrópsk
borgarvitund og þátttaka ungs
fólks í samfélaginu og á öllum svið-
um lýðræðisins.
Árvakur/Ómar
Evrópukvöld í
Hinu húsinu
MIKIL fjölgun hefur orðið í ný-
skráningu ökutækja fyrstu 53 daga
ársins í samanburði við sama tíma-
bil í fyrra. Þetta kemur fram í sam-
antekt Umferðarstofu um nýskrán-
ingar ökutækja. Hér er átt við öll
ökutæki, en ekki aðeins bifreiðar. Á
tímabilinu 1. janúar til 22. febrúar á
þessu ári hafa 4.146 ökutæki verið
nýskráð á Íslandi miðað við 2.824
ökutæki yfir sama tímabil á síðasta
ári. Þetta er 46,8 % fjölgun milli
ára. Það vantar aðeins 86 ökutæki
upp á að náð sé sögulegu hámarki
nýskráninga sem var árið 2006 yfir
sama tímabil.
Frá 1. janúar til 22. febrúar 2008
urðu 14.007 eigendaskipti á öku-
tækjum miðað við 13.651 ökutæki á
sama tímabili á síðasta ári en það er
2,6 % hækkun milli ára.
Árvakur/Ómar
Mikil aukning
nýskráninga
STUTT
FORSVARSMENN nýstofnaðs Alþjóðahúss á
Norðurlandi ehf. skrifa á morgun undir þriggja
ára þjónustusamning við Akureyrarbæ. Að sögn
Einars Skúlasonar, framkvæmdastjóra Alþjóða-
húss, er Alþjóðahús á Norðurlandi eitt þriggja
dótturfyrirtækja Kosmos, eignarhaldsfélags Al-
þjóðahússins, sem stofna á um þessar mundir, en
fjórða dótturfélagið er Alþjóðahúsið á höfuðborg-
arsvæðinu. Hin tvö eru einkahlutafélag um túlka-
þjónustu Alþjóðahúss og um íslenskukennslu Al-
þjóðahúss. Að sögn Einars mun allur mögulegur
hagnaður af rekstri Alþjóðahúss á Norðurlandi
renna til áframhaldandi starfsemi þess fyrirtækis,
en allur hagnaður af fyrirtækjunum sem sinna
túlkaþjónustu og íslenskukennslu mun renna til
Alþjóðahúss á höfuðborgarsvæðinu. „Þetta verða
því góðgerðarfyrirtæki í samkeppnisumhverfi.“
Aðspurður segir Einar Al-
þjóðahús á Norðurlandi munu
verða til húsa þar sem Alþjóða-
stofa er í dag þ.e. við Skólastíg,
en núverandi starfsmaður Al-
þjóðastofu verður fyrsti starfs-
maður Alþjóðahúss á Norður-
landi. Segi hann vonir standa
til að hægt verði að bæta við
starfsfólki í framtíðinni. Að
sögn Einars er ekki útilokað að
framhald verði á útrás Alþjóðahúss enda sé hug-
mynd að koma upp Alþjóðahúsum víðar um land,
fyrst um sinn á Austurlandi og hugsanlega í öðr-
um landshlutum. Bendir hann á að mikið sé fengið
með því að samræma þjónustuna milli landshluta,
ákjósanlegt sé að auka sérhæfingu starfsfólks um
leið og þjónustan verði staðsett nær notendum.
„Auðvitað er ekki skilyrt að eignarhald á slíkum
félögum sé á einni hendi, en æskilegt er að ríkið
sleppi hendinni af starfsemi sem þessari og geri
frekar þjónustusamninga við til þess bæra aðila og
feli þeim verkefni á þessu sviði,“ segir Einar og
tekur fram að hann sé með þessum orðum að vísa
til starfsemi Fjölmenningarseturs á Ísafirði, sem
er tilraunaverkefni á vegum félagsmálaráðu-
neytisins. „Það færi betur á því að fela einstakling-
um á Vestfjörðum að reka Fjölmenningarsetur
með þjónustusamningum við ríki og sveitarfélög,
enda skilgreini samningarnir vel það grunnhlut-
verk sem eigi að sinna, heldur en að reka það sem
hluta af félagsmálaráðuneytinu,“ segir Einar.
Hann telur hugsanlegt að starfsemi ríkisins af
þessu tagi brjóti gegn ákvæðum samkeppnislaga.
Alþjóðahús á Norðurlandi
eitt fjögurra dótturfélaga
Hvetur ríkið til þess að sleppa hendinni af starfsemi Fjölmenningarseturs
Einar Skúlason
FRIÐRIK Ólafsson stórmeistari
sýndi í gær hversu öflugur skák-
maður hann er þegar hann tefldi
fjöltefli við nemendur og kennara
Iðnskólans í Reykjavík. Friðrik
tefldi á 26 borðum og vann 22 skák-
ir, gerði fjögur jafntefli en tapaði
engri skák.
Í Iðnskólanum standa þessa dag-
ana yfir „Öðruvísi dagar“, en þá
brjóta nemendur upp hefðbundið
skólastarf. Friðrik þáði boð um að
tefla fjöltefli til minningar um vin
sinn Ingvar Ásmundsson, en hann
var lengi í hópi öflugustu skák-
manna þjóðarinnar. Ingvar var
einnig í mörg ár skólameistari Iðn-
skólans.
Það er orðið langt síðan Friðrik
hefur teflt fjöltefli. Það virtist ekki
vefjast fyrir Friðriki að takast á við
þetta verkefni, en hann varð 73 ára
í vetur.
Friðrik Ólafsson tefldi fjöltefli á 26 borðum í Iðnskólanum í Reykjavík
Vann flestar
skákirnar
Árvakur/Ómar