Morgunblaðið - 28.02.2008, Blaðsíða 11

MORGUNBLAÐIÐ FIMMTUDAGUR 28. FEBRÚAR 2008 11
STUTT
ÁRIÐ 2007 voru gerðar 2.876
breytingar á trúfélagaskráningu í
þjóðskrá. Það svarar til þess að
0,9% landsmanna hafi skipt um trú-
félag á árinu. Trúfélagaskiptum
hefur heldur farið fjölgandi und-
anfarin þrjú ár og hafa þær ekki
verið hlutfallslega fleiri síðan 1996
en þá skiptu nærri 1% landsmanna
um trúfélag.
Flestar breytingar á trú-
félagaskráningu má rekja til úr-
sagna úr þjóðkirkjunni, eða 1.685.
Alls gengu 1.484 fleiri úr þjóðkirkj-
unni en þeir sem skráðu sig í hana á
árinu. Árið áður voru brottskráðir
úr þjóðkirkjunni 1.212 fleiri en ný-
skráðir og 851 árið 2005. Árið 2007
fjölgaði þeim sem skráðu sig utan
trúfélaga um 685 manns.
Mest fjölgun í trúfélagi varð í
Kaþólsku kirkjunni, en í hana
skráðu sig 525 fleiri en sögðu sig úr
henni. Næstmest var fjölgunin í Frí-
kirkjunni í Reykjavík, eða um 445
manns. Í Fríkirkjunni í Hafnarfirði
fjölgaði meðlimum um 185 manns
og fjölgun varð um 106 manns í
Ásatrúarfélaginu.
Meðlimum í Búddistafélagi Ís-
lands fjölgaði um 96 á árinu.
Nánar á hagstofa.is

     
 

   


   
       Fleiri skipta
um trúfélag
Á FUNDI bæjarstjórnar Akraness á
þriðjudag var samþykkt samhljóða
að frítt verði í strætó sem keyrir
innanbæjar á Akranesi frá og með
1. mars.
Samkvæmt samþykktinni er gert
ráð fyrir viðbótarkostnaði á árinu
sem nemur um 2,3 milljónum
króna.
Í greinargerð sem fylgdi tillögu
meirihluta bæjarstjórnar segir að
umferð hafi vaxið gífurlega síðustu
tvö árin með aukinni bifreiðaeign
og fjölgun í bæjarfélaginu. Reiknað
er með að samþykktin muni draga
úr þessari miklu bílaumferð og
minnka umferðarálag og slysa-
hættu.
Frítt í strætó á
Skaganum
ÞAR sem verið er að gera end-
urbætur á hringveginum þar sem
hann liggur í gegnum Borgarnes
hefur veginum verið lokað en vel
merktar hjáleiðir hafa verið opn-
aðar. Framkvæmdirnar munu
standa í um það bil þrjá mánuði en
hluti vegarins verður þó opnaður
fyrr.
Endurbætur á
hringveginum
FRÉTTIR
Bjóðum 10%
kynningarafslátt
og kaupauka
Draumurinn um fullkomnun ...
silkimjúk og hrukkulaus húð á augabragði
Kringlan • Sími 533 4533www.laprairie.com
the illusion of
perfection
Velkomin á kynningu í Hygeu Kringlunni
í dag fimmtudag kl. 12-17
Í DAG, fimmtudag, standa íbúa-
samtök Bústaðahverfis – Betra líf í
Bústaðahverfi – fyrir opnum fundi
um umferðarmál. Fundurinn verð-
ur haldinn í Réttarholtsskóla og
hefst hann kl. 20.
Á fundinn koma fulltrúar fram-
kvæmdasviðs Reykjavíkurborgar
og kynna fyrirhugaðar gatnafram-
kvæmdir, m.a. lokun beygju af Bú-
staðavegi til norðurs inn á Reykja-
nesbraut, undirgöng á Réttar-
holtsvegi og strætóreinar á Miklu-
braut. Að lokinni kynningu verður
umræða um umferðarmál og önnur
mál sem brenna á íbúum.
Umferðarmál í
Bústaðahverfi
„ÞETTA er áhugavert innlegg sem þarf að skoða
betur og í samhengi við gögn sem liggja fyrir og eru
mikil að vöxtum og hafa sýnt greinilega meiri ár-
angur af meðferð þunglyndislyfja en þarna er verið
að gefa til kynna,“ segir Engilbert Sigurðsson, geð-
læknir, yfirlæknir við geðsvið Landspítala, um nýja
breska rannsókn sem fjallað hefur verið um í fjöl-
miðlum að undanförnu þar sem rannsakendur telja
sig hafa komist að þeirri niðurstöðu að áhrif þung-
lyndislyfja séu e.t.v. minni en hingað til hefur verið
talið, en þó mest hjá þeim sem hafa alvarlegustu
einkennin.
Í samtali við Morgunblaðið segir Engilbert best
að draga ekki of víðtækar ályktanir út frá birtingu
þessara rannsóknaniðurstaðna. Bendir hann á að
almennt í læknavísindum sé vægi rannsóknarnið-
urstaðna metið eftir því hvort þær birtast í virtum
og vönduðum tímaritum eða
ekki. „Það er vegna þess að virt
og vönduð tímarit hafa allt aðra
gæðastaðla gagnvart ritrýni og
skoðun gagnanna og ályktan-
anna, þ.e. hvort það sé gott sam-
ræmi þar á milli,“ segir Eng-
ilbert og bendir á að breska
rannsóknin hafi aðeins verið
birt í veftímariti og því viti hann
ekki hvaða kröfur séu gerðar
þar til ritrýni.
Kostirnir meiri en ókostir
„Samkvæmt íslenskri rannsókn sem gerð var ár-
ið 2004 á viðhorfum Íslendinga til þunglyndislyfja,
og kynnt hefur verið á læknaþingum bæði hérlend-
is og erlendis, telja fjórir af hverjum fimm, sem not-
að hafa lyf við þunglyndi, kostina við notkun þeirra
hafa vegið þyngra en ókostina,“ segir Engilbert.
Að sögn Engilberts hafa íslenskir læknar
reynslu af notkun nýrrar kynslóðar þunglyndis-
lyfja, þ.e. svokallaðra SSRI-lyfja, síðan 1991. „Það
er ekki hægt að neita því að mjög mörgum hafa
þessi lyf reynst vel, en það er oft persónubundið
hvaða lyf henta hverjum og einum, bæði m.t.t. til
verkunar og aukaverkana. Sumum henta þó óneit-
anlega gömlu þunglyndislyfin betur. Þetta er
sjaldnast þannig að lyfið sé það eina sem þurfi að
gera, heldur er það liður í einstaklingsbundinni
meðferðaráætlun,“ segir Engilbert og tekur fram
að íslenskum geðlæknum sé raunar mikið í mun að
auka aðgengi sjúklinga að samtalsmeðferð, t.a.m. í
heilsugæslunni.
Áhugavert innlegg sem
þarf að skoða mun betur
Yfirlæknir á geðsviði varar við því að of víðtækar ályktanir séu dregnar
Engilbert
Sigurðsson
Eftir Rúnar Pálmason
runarp@mbl.is
SAMGÖNGURÁÐHERRA brást
skjótt við brýningu bæjarstjórans í
Kópavogi um að tímabært væri fyrir
ráðherrann að koma í margboðaða
heimsókn á bæj-
arskrifstofurnar í
Kópavogi. Klukk-
an níu var ráð-
herrann mættur
á skrifstofurnar.
Þá var bæj-
arstjórinn reynd-
ar á fundi en var
snöggur að losa
sig af honum.
Brýningin kom
fram í stuttri grein eftir bæjarstjór-
ann, Gunnar I. Birgisson, sem birtist
í Morgunblaðinu í gær undir fyr-
irsögninni „Hvar ertu, Kristján?“
Þar sagði Gunnar m.a. að sam-
göngumál væru ofarlega á dagskrá í
ört vaxandi bæjarfélagi. „Ég hlakka
því mikið til boðaðrar heimsóknar
Kristjáns L. Möllers samgöngu-
ráðherra hingað á bæjarskrifstof-
urnar í Kópavogi. Af henni hefur þó
ekki orðið þessa níu mánuði sem
hann hefur farið með æðstu stjórn
vegamála. Þeir eru ófáir morgnarnir
sem ég hef setið einn að rúnstykkj-
unum og sætabrauðinu eins og
hryggbrotin mær með þeim afleið-
ingum sem sjá má á holdafari ljós-
myndafyrirsætu ársins.“
Beið eftir boði
Kristján lét ekki segja sér þetta
tvisvar. „Ég var búinn að bíða alveg
frá því við töluðum saman fyrst um
að hann byði mér í heimsókn,“ segir
Kristján. Heimsókn hefði a.m.k.
tvisvar komið til tals, í annað skiptið
í sextugsafmæli bæjarstjórans.
Kristján sagðist ekki hafa viljað ger-
ast boðflenna, heldur beðið eftir
heimboði. „Þeir sem ætla að bjóða
manni í heimsókn verða auðvitað að
nefna stað og stund. Ég vissi ekkert
hvar Gunnar vildi hitta mig. En svo
las ég þetta eins og annað í Mogg-
anum og dreif mig af stað og í heim-
sókn. Það voru að vísu engin rún-
stykki en vínarbrauðið var. Þannig
að Gunnar þarf ekki að sitja lengur
sem hryggbrotin mær,“ sagði hann.
Vel hefði farið á með þeim og þeir
verið sammála um að meiri peninga
þyrfti að setja í samgöngumál á höf-
uðborgarsvæðinu.
Eins og siður er í kurteisis-
heimsóknum var ákveðið að hittast
aftur og þá til að samgönguráð-
herrann og bæjarstjórinn gætu ekið
saman um Kópavog og skoðað vegi í
bænum sem bæjarstjórinn telur að
sinni ekki einungis innanbæjar-
umferð og Vegagerðin eigi því að
greiða hluta af rekstrarkostnaði.
Samgönguráðherra beið eftir boðinu og fór svo á fund bæjarstjórans í Kópavogi
Engin rúnstykki,
bara vínarbrauð
Árvakur/RAX
Unnið Víða er framkvæmt í Kópavogi, m.a. á Nýbýlavegi sem er annar af
tveimur þjóðvegum í bænum. Hinn er Arnarnesvegur sem þarf að klára.
Kristján L. Möller Á LANGÞRÁÐUM fundi Gunnars I.
Birgissonar bæjarstjóra í Kópavogi
með Kristjáni L. Möller samgöngu-
ráðherra sagði Gunnar m.a. frá
þeirri skoðun sinni að Vegagerðin
ætti að taka meiri þátt í stofnkostn-
aði og rekstri á vegum sem fara í
gegnum bæinn og eru, að sögn
Gunnars, nýttir af mun fleirum en
þeim sem eiga erindi í bæinn.
Nefndi hann sérstaklega Vatns-
endaveg og Vatnsendahvarf.
Aðspurður sagði Gunnar að um-
ferðartafir væru ekki óeðlilega
miklar í Kópavogi. Undanfarið
hefðu orðið tafir vegna brúargerð-
ar á Fífuhvammsvegi en það verk
væri langt komið. „Síðan mun koma
tenging frá
Digranesvegi,
undir Reykjanes-
braut inn í Lind-
ir. Þar mun
koma hringtorg
á Lindarveg og
Núpalind þannig
að þeir sem ætla
upp í Lindir geta
sloppið við að
fara í gegnum
ljósin á gatnamótum á Dalvegi og
Fífuhvammsvegi. Það eru miklar
breytingar að gerast í vetur og
sumar þannig að það verður allt
annað landslag í umferðarmálunum
í Kópavogi í haust.“
Arnarnesveg sárvantar
Gunnar I.
Birgisson