Morgunblaðið - 28.02.2008, Blaðsíða 18
18 FIMMTUDAGUR 28. FEBRÚAR 2008 MORGUNBLAÐIÐ
AUSTURLAND
Húsavík | Stefán Jón Sigurgeirsson
skíðamaður var útnefndur Íþrótta-
maður Húsavíkur 2007. Að venju
stóð Kiwanisklúbburinn Skjálfandi
fyrir valinu í samráði við íþrótta-
félögin í bænum.
Í öðru sæti varð Berglind Ósk
Kristjánsdóttir, frjálsíþróttamaður
ársins 2007. Í þriðja sæti varð svo
Hafrún Olgeirsdóttir, knattspyrnu-
maður ársins í flokki 16 ára og yngri.
Þá var veittur hvatningarbikar ÍF
en hann er árlega veittur þeim ein-
staklingi sem að mati bocciadeildar
Völsungs og þjálfara hefur sýnt
bestu ástundun og mestu framfarir.
Að þessu sinni fékk Þorgerður Þórð-
ardóttir hvatningarbikarinn en hún
hefur starfað og keppt með boccia-
deild Völsungs nánast frá upphafi og
er því í hópi brautryðjenda íþrótt-
arinnar á Húsavík.
Fékk hvatn-
ingarbikarinn
á Húsavík
Morgunblaðið/Hafþór Hreiðarsson
Ástundun Þorgerður Þórðardóttir
með Hvatningabikar Í.F. sem veitt-
ur er fyrir bestu ástundun og mestu
framfarir hjá bocciadeildinni.
Selfoss | Kjartan Björnsson, hár-
skeri á Selfossi, hefur afhent Hér-
aðsskjalasafni Árnesinga og Hér-
aðsskjalasafni Rangæinga og
V-Skaftfellinga 118 útvarpsþætti til
varðveislu.
Um er að ræða viðtöl sem hann
tók í Útvarpi Suðurlands á árunum
1997 til 2002 við ýmsa Sunnlend-
inga. Þá fékk safnið í Vest-
mannaeyjum 11 viðtöl að gjöf.
Alls voru viðtöl Kjartans í út-
varpinu 134 en ekki náðist að taka
alla þættina upp. 17 af viðmælend-
unum eru látnir.
„Mörg af þessum viðtölum eru
merkileg og þau geyma í rauninni
sögu Suðurlands, ekki síst atvinnu-
söguna. Ég er stoltur af þessu verk-
efni og mér finnst ánægjulegt að
hafa getað gefið héraðsskjalasöfn-
unum þættina til varðveislu,“ sagði
Kjartan.
Fjölmörg fyrirtæki, ein-
staklingar og sveitarfélög á Suður-
landi hafa styrkt verkefni hans með
framlögum en stærstu einstöku
framlögin eru frá Landsbanka Ís-
lands á Selfossi og Menningarráði
Suðurlands.
Heimildir Skjalaverðirnir Björn Pálsson og Sverrir Magnússon tóku við út-
varpsþáttunum á geisladiskum úr hendi Kjartans Björnssonar.
Gaf skjalasöfnunum
118 útvarpsþætti
Eftir Jón H. Sigurmundsson
Þorlákshöfn | Íbúar frá sjö þjóð-
löndum kynntu land sitt, þjóð og
menningu á þjóðahátíð sem haldin
var í Þorlákshöfn á dögunum, í ann-
að sinn. Auk þess var boðið upp á
fjölda skemmtiatriða á sviði, verð-
launagetraun, listsýningar og sýnd
verkefni sem börn í leik- og grunn-
skóla Þorlákshafnar unnu að vikurn-
ar fyrir hátíðina.
Í Sveitarfélaginu Ölfusi búa 212
íbúar af erlendum uppruna frá 20
mismunandi þjóðlöndum. Yfir helm-
ingurinn er frá Póllandi eða 116
manns. Sambúðin hefur gengið vel
en erfiðir tíma hafa verið undanfarna
mánuði í kjölfar skerðingar þorsk-
veiðiheimilda og uppsagna hjá fisk-
vinnslufyrirtækjum. Nú eru enn um
50 manns á atvinnuleysisskrá í sveit-
arfélaginu og því nauðsynlegra en
oft áður að brjóta upp hversdaginn
með hátíð þar sem fólk sýnir hvert
öðru áhuga og kynnist.
Dansar, ljóð og tónlist
Auk kynninga íbúa Ölfuss, kynnti
Árnesingadeild Rauða kross Íslands
starfsemi sína og kynnt var hand-
verk unnið af pakistönskum konum.
Glæsilega skreyttir kynningarbásar
mættu fólki í Ráðhúsinu og hægt var
að fræðast, skoða myndir, gæða sér
á þjóðlegu góðgæti og dást að ólíkum
þjóðbúningum. Á Bæjarbókasafni
Ölfuss var málverkasýning Sólrúnar
Guðjónsdóttur og hægt að skoða
bækur á ýmsum tungumálum en
dagskrá á sviði var fjölbreytt og
bættust við dagskráratriði eftir því
sem leið á hátíðina. Kynnar voru
Baldur Kristjánsson prestur og Raf-
al Glazer rafvirki. Áhugavert var að
sjá dansa frá ýmsum löndum, sjá
spilað á taílensk hljóðfæri og hlusta á
ljóð lesin á ýmsum tungumálum.
Íbúar kynntu
menningu sína
Morgunblaðið/Jón H. Sigurmundsson
Þjóðahátíð Nemendur yngsta stigs grunnskólans gerðu vinartré. Hér eru
Kamila Kóscielecki frá Pólandi og Katrín Stefánsdóttir frá Íslandi.
LANDIÐ
Fljótsdalur | Stofnun Gunnar Gunn-
arssonar á Skriðuklaustri efnir til ár-
legs Lomberdags nk. laugardag.
Spilin verða tekin upp kl. hálftvö og
áætlað að spila fram á nótt.
Halldóra Tómasdóttir, staðar-
haldari á Skriðuklaustri, segir nýja
lomberspilara velkomna og hvetur
konur alveg sérstaklega til að mæta.
Kennsla í lomber verði á staðnum og
um að gera að mæta, bæði til að spila
skemmtilegt spil, en einnig til að æfa
fyrir Húnvetningaeinvígið sem háð
verður í apríl og ef að líkum lætur í
Eyjafirði. Að venju verður svo hægt
að kaupa veitingar hjá Klausturkaffi
á neðri hæði Skriðuklausturs.
Halldóra segir Gunnar Gunnars-
son skáld hafa verið mikinn lomber-
spilara og af því tilefni sé lomber
spilaður reglulega yfir veturinn á
Skriðuklaustri, en hlé gert yfir vor-
og sumarmánuði.
Æ færri kunna hið göfuga spil
Ágúst H. Bjarnason, sem skrifað
hefur leiðbeiningar um lomberspilið,
segir það um margt ólíkt öðrum spil-
um. Það hafi mikið verið spilað á ár-
um áður, en bridsinn smám saman
orðið ofan á og kunni nú sífellt færri
þetta göfuga spil. Nafnið lomber er
líkast til dregið af spænska orðinu
l’hombre; maður.
Æft fyrir einvígi
við Húnvetninga
Ljósmynd/Skúli Björn Gunnarsson
Einbeittir Hér eru miklir lomberspilarar sem setja sig ekki úr færi að
grípa í spilin á Skriðuklaustri. Nú verður æft fyrir keppni í apríl.
Neskaupstaður | Djúpið, leikfélag Verkmenntaskóla
Austurlands, frumsýndi sl. föstudag leikritið Bláa
hnöttinn eftir Andra Snæ Magnason. Tókst sýningin
ágætlega, en alls verður verkið sýnt sjö sinnum á næstu
tveimur vikum og lokasýningin hinn 7. mars nk. Leik-
stjóri er Snorri Emilsson og 15 nemendur VA leika.
Morgunblaðið/Kristín Ágústsdóttir
Eilífðarbörn á hnetti Andra Snæs
Reyðarfjörður | Rúmlega áttatíu
milljónir króna voru lagðar til sam-
félagsverkefna úr samfélagssjóði Al-
coa og af hálfu Alcoa Fjarðaáls í
fyrra. Runnu fjárveitingar til verk-
efna á Austurlandi og Norðurlandi
og voru veittar félagasamtökum og
stofnunum til að augða og efla sjálf-
bært samfélag.
Alcoa Fjarðaál veitti 26 milljónir í
yfir 30 málefni á Austurlandi og fór
stærsti styrkurinn til skíðasvæðisins
í Stafdal, en fyrirtækið gaf hús á
skíðasvæðið. Aðrir styrkþegar voru
700IS Hreindýraland, Menningar-
miðstöðin á Eskifirði, Sprettur,
Djasshátíð Egilsstaða á Austurlandi,
Tengslanet austfirskra kvenna, vef-
síðan birds.is, Kór Fjarðabyggðar og
túlkaverkefni nýbúa.
Samfélagssjóður Alcoa styrkti 10
verkefni á Íslandi og voru styrkir frá
einni til sextán milljóna króna. Rann
stærsta fjárhæðin til Þjóðminja-
safnsins til byggingar gamla Sóma-
staðabæjarins ofan álversins á Reyð-
arfirði. Þekkingarsetur Austurlands,
Nesskóli, Myndlistarsafn Tryggva
Ólafssonar og Hollvinasamtök FSN
nutu einnig góðs af.
Fjármunir til samfélagsins
Mörg góð málefni njóta ríflegs stuðnings Alcoa Fjarðaáls