Morgunblaðið - 28.02.2008, Blaðsíða 51
MORGUNBLAÐIÐ FIMMTUDAGUR 28. FEBRÚAR 2008 51
VATNSMÝRI
102 REYKJAVÍK
NIÐURSTÖÐUR ÚR HUGMYNDA-
SAMKEPPNI UM VATNSMÝRI
SÝNINGIN ER
SÝND ÁFRAM
29. FEBRÚAR–
30. MARS
Á
HÁSKÓLATORGI
HÁSKÓLA
ÍSLANDS
AÐGANGUR ÓKEYPIS
OPIÐ 10:00 – 20:00 VIRKA DAGA
OG 10:00 – 18:00 UM HELGAR
INÚÍTAR kölluðu föðurlandið
„Land manneskjanna“, trúðu á það
og treystu, báru fyrir því ómælda
virðingu og umgengust kjör þess og
kosti af nægjusemi og fyrirhyggju.
Peter Freuchen lýsti eiginleikum
frumbyggjanna af væntumþykju og
skilningi á veiðimannaþjóðfélaginu
og landinu, í eindæma skemmti-
legum og vel skrifuðum bókum sem
komu út um og eftir miðja, síðustu
öld. Sjálfsagt kunni hann á krítina
en myndin sem hann dró upp er
ógleymanleg.
Mannaland, eftir danska heimild-
armyndagerðarmanninn Wivel er
mistæk, það glittir víða í eftirsjána
hjá rosknum Grænlendingum sem
rámar í gamla þjóðfélagið sem lifði á
landsins gæðum.
Það eru sterkir og forvitnilegir
kaflar, eins þeir sem fjalla um dep-
urð frumbyggjanna í þéttbýlinu þar
sem þeim er holað niður í óvandaða
og ómanneskjulega steinkumbalda
þar sem hvorki sést til fjalla né hafs
og er hróflað upp á einu, stuttu
heimskautasumri.
Æskan fær útrás í þroskaðri og
athyglisverðri tónlist; rokki, poppi,
rappi, sem gefur ómetanlega innsýn
í viðhorf unga fólksins í dag til for-
eldra sinna, kynslóðarinnar sem var
rutt á mölina og leitaði ásjár í fíkni-
efnum og áfengi.
Því miður eyðir Wivel of löngum
tímum á þingi og á pólitískum sam-
kundum þar sem menn tala fjálglega
um sjálfstæði og frelsi, gamalkunn-
ugt froðusnakk manna sem eru
lunknir í upphrópunum – eins og
gjammandi hundar inni í lokuðum
bíl. Reyndar kveður við annan tón í
einum ræðumanna en hann er fær-
eyskur þingmaður sem lætur allt og
alla fá það óþvegið og mælir manna
heilastur.
Veiðimannaþjóð í vanda
KVIKMYND
Tjarnarbíó – Fjalakötturinn
Heimildarmynd. Leikstjóri: Anne Regitze
Wivel. M.a. koma fram Jonathan Motz-
feldt, Ngu, Arkaluk Lynge, Johan Lund Ol-
sen o.fl. 81 mín. Danmörk. 2006.
Mannaland – myndin mín um Grænland –
Menneskenes land – min film om
Grønland
bbbmn
Sæbjörn Valdimarsson
Mannaland Ungir Grænlendingar í heimildarmyndinni. Gagnrýnanda þykir myndin mistæk og glytta víða í eft-
irsjána hjá „rosknum Grænlendingum sem rámar í gamla þjóðfélagið sem lifði á landsins gæðum“.
BANDARÍSKI leikarinn Paul Dano
kemur til með að leika í kvikmynd-
inni Gigantic áður en hann leikur
fyrir Dag Kára Pétursson í The
Good Heart. Dano er rísandi stjarna
í kvikmyndaheiminum vestanhafs,
sást síðast við hlið Óskars-
verðlaunahafans Daniel Day-Lewis í
kvikmyndinni There Will Be Blood
sem sýnd er um þessar mundir í ís-
lenskum kvikmyndahúsum.
Gigantic er rómantísk gamanymd
og fyrsta kvikmynd leikstjórans
Matts Aselton í fullri lengd. Í henni
segir af dýnusölumanni og ungri
stúlku sem lítur inn í dýnuverslun
sem hann starfar í. Stúlkuna leikur
annað ungstirni, Zooey Deschanel.
Frekari skil á söguþræði er ekki að
finna á netinu. Dano vakti fyrst at-
hygli fyrir hlutverk sitt í kvikmynd-
inni Little Miss Sunshine, fór þar
með hlutverk þunglynds tánings.
Tökur á The Good Heart eiga að
hefjast í New York í apríl og á Ís-
landi í sumar en Dano leikur ungan,
heimilislausan mann í henni.
Brian Cox mun leika í mynd Dags
Kára en þeir Dano hafa áður leikið
saman, í myndinni L.I.E.
Dano leikur í Gigantic
Paul Dano Zooey Deschanel
Leikhópurinn Op-
ið út óskar eftir
því að fá sögur af
mæðrum sendar
til sín. Leikhóp-
urinn er þessa
dagana að semja
leikrit byggt á
sögum kvenna um
það „að eiga
mömmu og vera
mamma“, eins og
segir í tilkynningu
frá leikhópnum.
Verkið heitir Mammamamma og verður frumsýnt í Hafnarfjarðarleikhús-
inu 11. apríl næstkomandi. „Hvað er mamma? Við eigum hana öll. Hvað gerir
mamma? Hvað gerir þú við hana?“ spyr hópurinn og segist ætla að bjóða í
uppgötvunarferðalag „inn í mömmuheiminn“ og tefla saman tónlist, dansi,
myndlist og leiklist. Áhugasamir eru beðnir um að senda sínar mömmusögur
á netfangið saga@mammamamma.net.
Leikhópinn skipa þær Charlotte Böving, María Ellingsen, Þórey Sigþórs-
dóttir, Magnea Björk Valdimarsdóttir og Birgitta Birgisdóttir sem sjást á
meðfylgjandi mynd. Ólöf Nordal og Þórunn María Jónsdóttir hanna útlit
sýningarinnar og Ólöf Arnalds frumsemur tónlist.
Opið út Þórey, María, Birgitta, Charlotte og Magnea.
Mömmusögur óskast