Morgunblaðið - 02.08.2008, Blaðsíða 2
2 LAUGARDAGUR 2. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Unu Sighvatsdóttur
unas@mbl.is
„FJÖLÞÆTT menntun, gróskurík
menning, fiskistofnar, búskapur í
eigin landi, orkulindir, forðabúr
neysluvatns og sköpunarverk nátt-
úrunnar eru verðmæti sem aðrir
myndu fagna að eiga í sínum ranni,
auðlindir og eiginleikar sem geta
gert okkur alla vegi færa,“ sagði
Ólafur Ragnar Grímsson m.a. þegar
hann var settur inn í embætti for-
seta Íslands við hátíðlega athöfn í
gær. Hann sagði að styrkur Íslands
lægi á þessum sjö sviðum sem hann
kallaði efnivið í þjóðarheill.
Viðstaddir embættistökuna voru
fyrrverandi forseti, ríkisstjórn,
æðstu embættismenn þjóðarinnar
og sendiherrar erlendra ríkja ásamt
fjölskyldu forsetans.
Dorrit í skautbúningi frá 1938
Athöfnin hófst með lúðrablæstri á
Austurvelli klukkan 15 þar sem
Lúðrasveit Reykjavíkur lék ætt-
jarðarlög en klukkan 15.30 hófst
helgistund í Dómkirkjunni þar sem
Karl Sigurbjörnsson biskup flutti
hugvekju. Að því loknu var gengið
til Alþingishússins þar sem forseti
Hæstaréttar, Árni Kolbeinsson,
lýsti forsetakjöri og útgáfu kjör-
bréfs og mælti fram drengskap-
arheit að stjórnarskránni sem for-
setinn undirritaði. Þá gengu
forsetahjónin fram á svalir Alþing-
ishússins þar sem forsetinn minntist
fósturjarðarinnar. Dorrit Moussia-
eff klæddist í tilefni dagsins skaut-
búningi sem saumaður var af Jak-
obínu Thorarensen hannyrðakonu
árið 1938.
Ólafur sló jákvæðan tón í ávarpi
sínu við athöfnina og sagði hina
nýju öld hæglega geta orðið besta
tíma þjóðarinnar þrátt fyrir vanda-
málin sem nú blasi við. Hann benti á
að Íslendingar hefðu áður staðið af
sér mikla erfiðleika og nefndi sem
dæmi langvinna sjálfstæðisbaráttu,
landhelgisstríð, verðfall á afurðum
og andstreymi í efnahagslífi.
Í ljósi sögunnar og sterkrar stöðu
Íslands í veröldinni væri því ekki
ástæða til að örvænta heldur hélt
Ólafur því þvert á móti fram að Ís-
lendingar væru nú auðugri að tæki-
færum en nokkru sinni fyrr.
Ísland eigi erindi við heiminn
Sérstaka áherslu lagði forsetinn á
orkumál og benti hann á að í fram-
tíðinni yrðu norðurslóðir lykilsvæði
í framförum heimsins þar sem nýjar
siglingaleiðir og mikill orkuforði
veittu ný tækifæri. Á því sviði væri
Ísland þegar orðin fyrirmynd og sí-
vaxandi eftirspurn væri eftir sam-
starfi við Íslendinga um nýtingu
hreinnar orku.
Þetta er í fjórða skipti sem Ólafur
sver embættiseið frá því 1996 þegar
hann var fyrst kjörinn forseti með
41% fylgi, en hann var nú sjálfkjör-
inn þar sem ekkert annað framboð
barst fyrir lok framboðsfrests í maí
síðastliðnum. Áður hafa tveir forset-
ar gegnt embættinu í fjögur kjör-
tímabil, þau Ásgeir Ásgeirsson og
Vigdís Finnbogadóttir.
Ísland í kjörstöðu
Forseti Íslands var bjartsýnn í innsetningarræðu sinni og sagði
Íslendinga nú vera auðugri að tækifærum en nokkru sinni
ÓLAFUR Ragnar Grímsson er 65 ára gamall, fæddur á Ísafirði hinn 14.
maí 1943. Hann varð stúdent frá Menntaskólanum í Reykjavík árið 1962,
lauk því næst BA-prófi í hagfræði og stjórnmálafræði frá University of
Manchester og loks doktorsprófi í stjórnmálafræði frá sama skóla 1970,
fyrstur Íslendinga til að ljúka doktorsprófi í þeirri fræðigrein.
Að námi loknu var hann skipaður lektor í stjórnmálafræði við Háskóla
Íslands og tók þar þátt í mótun nýrrar námsbrautar í stjórnmálafræði.
Ólafur sat lengi á þingi fyrir Alþýðubandalagið og var fjármálaráðherra á
árunum 1988–1991 í ríkisstjórn Steingríms Hermannssonar. Hann var
kjörinn fimmti forseti lýðveldisins árið 1996.
Fimmti forseti lýðveldisins
Morgunblaðið/Frikki
Skrifað undir Dorrit Moussiaeff og Þorsteinn A. Jónsson stóðu hjá forsetanum er hann undirritaði eiðstafinn.
Morgunblaðið/Frikki
Kveðja Forsetahjónin heilsuðu
þjóðinni af svölum Alþingishússins.
Eftir Önund Pál Ragnarsson
onundur@mbl.is
MEIRIHLUTASTJÓRN Spari-
sjóðs Mýrasýslu (SPM) fer í hendur
Kaupþings, skv. tillögu stjórnar
sjóðsins um stofnfjáraukningu. Til-
lagan verður lögð fram 15. ágúst.
Eftir aukninguna verður Kaupþing
70% eigandi með 1.750 milljónir, aðr-
ir fjárfestar 10% eigendur og Borg-
arbyggð, sem hingað til hefur átt
sjóðinn að fullu, með um 20% stofn-
fjár. Sjóðurinn er því metinn á um
2,5 milljarða og hefur eignasafn hans
rýrnað mikið frá því í fyrra.
Ljóst er að óánægja er með þetta í
Borgarbyggð, enda ekki langt síðan
SPM var álitinn með sterkari spari-
sjóðum. „Kjörorðið hefur til þessa
verið „Hornsteinn í héraði“ og hann
hefur staðið undir því. Þetta er því
alls engin óskastaða,“ segir Björn
Bjarki Þorsteinsson, forseti sveitar-
stjórnar. Nú er spurning hvort á
löngu líður áður en SPM rennur al-
farið inn í bankann. Um það ræður
sveitarfélagið engu eftir þetta en
Björn Bjarki segir Kaupþing þó
skilja samfélagslegt hlutverk SPM.
Hann fæst ekki til að segja að
SPM hafi í raun verið orðinn gjald-
þrota en hins vegar segi það sig
sjálft að staðan sé ekki góð þegar
koma þurfi inn með tveggja millj-
arða stofnfé til viðbótar. Borgar-
byggð veltir tveimur milljörðum ár-
lega. Ekki er talið réttlætanlegt að
hún taki lán til stofnfjáraukningar.
Rætt um sölu sjóðsins í fyrra
Í fyrra kom upp umræða um hvort
selja ætti SPM og nota andvirðið til
að greiða skuldir sveitarfélagsins og
bæta þjónustu við íbúa, svo sem að
bæta tómstundaaðstöðu og byggja
leikskóla. Þá voru stjórnmálamenn
hins vegar á því að fengur væri að
sjóðnum fyrir sveitarfélagið og ekki
skyldi selja. Eignir hans voru þá
metnar á töluvert hærri upphæðir.
Snorri Sigurðsson, framkvæmda-
stjóri hjá Landbúnaðarháskóla Ís-
lands á Hvanneyri og íbúi í Borg-
arbyggð, segir gærdaginn svartan
dag fyrir Borgfirðinga. Hann var
einn þeirra sem töldu í fyrra rétt að
selja sjóðinn. „Í fljótu bragði sér
maður ekki að þeir peningar sem
hefðu fengist þá muni skila sér til
íbúanna úr þessu,“ segir Snorri.
Sveitarfélagið sé fámennt og salan
hefði getað skipt miklu fyrir hvert
mannsbarn þar á sínum tíma.
Sveinbjörn Eyjólfsson, oddviti
framsóknarmanna í minnihluta
sveitarstjórnar, segist sleginn yfir
þróun mála. Hann hafi ekki alltaf
verið sammála meirihlutanum um
málefni SPM en kveðst heldur ekki
hafa haft þær töfralausnir sem hefðu
getað skilað annarri niðurstöðu.
Stjórnmálamönnum hafi ekki dottið í
hug af fullri alvöru að selja. „Þetta
verður áfram Sparisjóður Mýrasýslu
í einhverja daga, mánuði eða ár,“
segir hann. Reynslan sýni svo
hversu vel sjóðurinn sinni heima-
byggð sinni hér eftir. Ekki þurfi að
setja hornin undir eins í Kaupþing.
Hornsteininum
ekki stjórnað af
Borgarbyggð
Kaupþing 70% eigandi stofnfjár SPM
Nágrannar SPM er í næsta húsi við
útibú Kaupþings í Borgarnesi.
Í HNOTSKURN
»Sparisjóður Mýrasýsluhefur verið eina lánastofn-
unin í 100% eigu sveitarfélags
en slíkt er auðvitað ekki
skylduhlutverk þeirra.
»Rökstuðningur stjórn-málamanna í Borgarbyggð
hefur m.a. verið sá að slík
stofnun þjóni heimabyggð
sinni betur en venjulegur
banki væri tilbúinn til að gera.
HP Farsímalagerinn, sem rekur
verslanir Hans Petersen og Far-
símalagersins, ákvað í gær að gefa
félagið upp til gjaldþrotaskipta.
Meirihluti 20 fastráðinna starfs-
manna félagsins mun halda vinnunni
en nákvæmari upplýsingar liggja
ekki fyrir um það. Verslunum félags-
ins í Smáralind og í Kringlunni var
lokað á fimmtudag. Nýtt rekstrar-
félag, Verslanir Hans Petersen ehf.,
tók við rekstri verslananna á Lauga-
vegi 178 og í Bankastræti 4 í gær.
Þeim verður væntanlega lokað á
þriðjudag en munu verða opnaðar
aftur á miðvikudag.
Jóhann Friðrik Ragnarsson, sem
verður í stjórn hins nýja félags, segir
alla starfsmenn hafa fengið laun
greidd nú um mánaðamótin og að
meirihluta þeirra muni bjóðast að
endurráða sig hjá nýja félaginu. Að-
spurður segir hann ekki endanlega
ráðið hverjir verði hluthafar í því fé-
lagi og ennfremur hvaðan fjármagn-
ið til þess muni koma. Reynt verði að
leysa úr þeim málum nú og kynna
niðurstöður eftir helgina.
Viðskiptavinir Hans Petersen og
Farsímalagersins geta leitað ósóttra
framkallana og annarrar þjónustu
og leiðbeininga í fyrrnefndum versl-
unum á Laugavegi og í Bankastræti.
HP Farsímalagerinn varð til hinn
1. apríl 2007 við sameiningu Hans
Petersen og Strax Holdings, sem var
rekstrarfélag Farsímalagersins.
halldorath@mbl.is
Hans Petersen
til gjaldþrotaskipta
LÖGREGLAN á Blönduósi handtók
á tíunda tímanum í gærkvöldi tvo
menn á þrítugsaldri fyrir vörslu
fíkniefna. Var bifreið mannanna
stöðvuð við reglubundið eftirlit og
við leit í bílnum fundust 40-50 g af
kannabisefnum. Er talið að efnin
hafi verið ætluð til sölu, en menn-
irnir voru á leið til Akureyrar.
Samkvæmt upplýsingum frá lög-
reglunni er málið í rannsókn og
voru mennirnir yfirheyrðir í gær-
kvöldi. Ekki liggja fyrir tengsl
mannanna við stórtæka sölu á fíkni-
efnum og ekki er vitað hvort efnin
séu innflutt eða ræktuð hér á landi.
Gærkvöldið var að öðru leyti rólegt
hjá lögreglunni á Blönduósi.
thorbjorn@mbl.is
Fíkniefnasal-
ar handteknir
á Blönduósi
KAUPÞING hefur sem fyrr segir
skuldbundið sig til að skrá sig fyrir
1.750 milljónum stofnfjár og aðrir
fjárfestar fyrir 250 milljónum kr.
„Fyrst og fremst mun stofnfjár-
aukningin styrkja sjóðinn mjög
mikið og gera honum fært að vera
áfram sterkur og öflugur,“ segir
Sigurður Már Einarsson, stjórn-
arformaður SPM. „Sjóðurinn hefur
verið sterk og öflug stofnun en við
höfum ekki farið varhluta af því
óhagstæða fjármálaumhverfi sem
hefur verið.“
Erlend fjármögnun hafi verið
mjög erfið undanfarið og Kaupþing
sé því ákjósanlegur bakhjarl í nú-
verandi umhverfi.
Þá hefur verðfall á hlutabréfum
leitt til lækkunar
á eigin fé. „Við
höfum átt mikið
af hlutabréfum í
fjármálafyrir-
tækjum eins og
Exista, allir vita
hvernig staða
þess er. Auk þess
hefur verið gríð-
arlegt verðfall á
íslenskum hluta-
bréfum.“ segir Sigurður. Að-
spurður segir hann eiginfjárhlut-
fallið hafa verið komið niður fyrir
ásættanleg mörk, sem hafi m.a. ver-
ið ástæðan fyrir fyrirhugaðri stofn-
fjáraukningu.
halldorath@mbl.is
Eigið fé sjóðsins
var orðið allt of lítið
Sigurður
Már Einarsson