Morgunblaðið - 02.08.2008, Blaðsíða 20
Boekie Woekie er bókaverslun í
Amsterdam sem var stofnuð 1986.
Verslunin leggur áherslu á bækur
sem myndverk en hana reka þrír
myndlistarmenn: Henrietta van
Egten, Jan Voss, og Rúna Þorkels-
dóttir.
Á sýningunni má sjá hvernig
Boekie Woekie-bækur verða til.
Prentplötur verða til sýnis en með
plötunum hefst ferlið að bókunum.
Hver litur er teiknaður beint á
pappírsplötu án tæknilegra hjálp-
artækja og hafa aðstandendurnir
gefið bókunum auknefnið „orig-
inalgrafík“, þar sem unnið er beint
í prentvélina á ljósaborði.
Sjá nánar á www.verksmidj-
an.blogspot.com.
Boekie Woekie
Bókverk Á sýningunni gefst tækifæri til að sjá hvernig Boekie Woekie-
bækur verða til, frá teikniborði og þar til þær eru innbundnar.
Eftir Hjálmar Stefán Brynjólfsson
hsb@mbl.is
START er nafn á sýningu sem opnuð
verður í Verksmiðjunni á Hjalteyri í
dag. Eins og nafnið gefur til kynna er
um að ræða fyrstu sýninguna sem
haldin er í rýminu. Á henni eiga sex
listamenn verk auk þess sem Boekie
Woekie sýnir bókverk og prent-
plötur. Á sýningunni eru verk eftir
Alexander Steig, Örnu Valsdóttur,
Kristján Guðmundsson, Magnús
Pálsson, Nicolas Moulins og Siggu
Björgu Sigurðardóttur.
Hlynur Hallsson listamaður er
einn aðstandenda verksmiðjunnar:
„Það hefur gengið vel að koma Verk-
smiðjunni af stað, og það er frábært
að sjá rýmið lifna við. Þetta var samt
miklu meiri vinna en okkur óraði fyr-
ir og það liggja mörg handtök að baki
þessari fyrstu sýningu.“
Alhliða menningarmiðstöð
Sum verkanna voru gerð sér-
staklega fyrir rýmið eins og innsetn-
ing og hljóðverk Alexanders Steig
sem vísar í notkun yfirgefinna verk-
smiðja í öðrum löndum. Sum þeirra
hafa verið sýnd áður, þar á meðal
frægir blýrammar Kristjáns Guð-
mundssonar sem hneyksluðu marg-
an norðanmanninn þegar þeir voru
sýndir í Listasafni Akureyrar: „Það
er gaman að sjá verk Kristjáns á
hrjúfum veggjum verksmiðjunnar,“
segir Hlynur. „Það er jafnvel enn
flottara en fyrst og fremst allt öðru-
vísi en þegar ég sá það í tipp-topp-
sýningarsal í Berlín.“
Hugmyndin að baki Verksmiðj-
unni sem nú er komin af stað er að
þar verði menningarmiðstöð næstu
tvo mánuði, þar sem boðið verður upp
á listasmiðjur, dansnámskeið, ljóða-
dagskrá og tónleika. Aðalheiður S.
Eysteinsdóttir listakona annast lista-
smiðjurnar og Kammerkórinn Hym-
nodia mun syngja þann 9. ágúst.
„Þetta er mjög spennandi rými að
vinna með og þegar maður kemur
þangað inn klæjar mann í puttana að
fara að gera eitthvað,“ bendir Hlynur
á.
„Stórkostlegt framtak“
Að baki Verksmiðjunni standa 9
listamenn sem hjálpast að við að
glæða hana lífi næstu tvo mánuðina.
Þann 20. september opnar næsta
sýning í Verksmiðjunni, Grasrót-
arsýning Nýlistasafnsins og munu
þátttakendur vinna verk sérstaklega
fyrir rýmið að sögn Hlyns. Grasrót-
arsýningin í ár markar þau tímamót
að þá verður hún í fyrsta sinn haldin
utan höfuðborgarsvæðisins.
Enn er hins vegar óráðið hvort
Verksmiðjan verði starfrækt eftir
hana. „Við höfum haft þetta rými til
reynslu hjá sveitarfélaginu,“ segir
Hlynur. „Ég vona bara að verkefnið
fái að dafna og halda áfram eftir
þessar sýningar.“
Sigga Björg Sigurðardóttir sýnir
pappírsteikningar, vídeó og teikn-
ingar á vegg í Verksmiðjunni: „Sam-
an myndar þetta í rauninni innsetn-
ingu. Ég valdi teikningarnar sem ég
sýni út frá staðnum, en það gerðist
margt sjálfkrafa eftir að ég kom í
rýmið. Ég tók nánast allar ákvarð-
anir varðandi sýninguna á staðnum,
því rýmið er svo flott.“ Og Sigga
Björg er heilluð af Verksmiðjunni:
„Mér finnst þetta magnað, eiginlega
bara stórkostlegt. Það er frábært að
sjá að svona fallegt hús, sem allt líf
var farið úr, öðlast nýtt og öðruvísi
líf. Mér finnst þetta stórkostlegt
framtak og vona að þetta sé byrj-
unin á einhverju skemmtilegu.“
Verksmiðjan komin í gang
Morgunblaðið/Hjálmar S. Brynjólfsson
Listaverksmiðja „Það er frábært að sjá að svona fallegt hús, sem allt líf var farið úr, öðlast nýtt og öðruvísi líf,“ segir Sigga Björg Sigurðardóttir.
Nýrri menningarmiðstöð komið á legg í yfirgefinni verksmiðju á Hjalteyri
„Frábært að sjá rýmið lifna við,“ segir einn aðstandenda
20 LAUGARDAGUR 2. ÁGÚST 2008 MORGUNBLAÐIÐ
MENNING
LJÓSMYNDARINN Marino
Thorlacius hefur vakið mikla
athygli og lof fyrir verk sín og
hafa ljósmyndir hans vakið at-
hygli víða um heim.
Sýning á ljósmyndum Mar-
inos opnar í ljósmyndagall-
eríinu Fótógrafí á Skólavörðu-
stíg 4 í dag kl. 17.
Yfirskrift sýningarinnar er
Tíminn en verkin á sýningunni
eru svarthvít og unnin á ál.
Marino hóf að stunda ljósmyndun árið 2004 en
hefur aðeins einu sinni áður haldið einkasýningu,
árið 2006. Á síðasta ári gaf hann út bókina Land.
Sýningin í Fótógrafí stendur til 5. september.
Ljósmyndir
Tíminn svarthvítur
og unninn í ál
Eitt verkanna á
sýningunni.
ÞÝSK rómantík verður alls-
ráðandi við Mývatn um
helgina en þá fara fram síð-
ustu Sumartónleikarnir við
Mývatn.
Það er tríó frá Heidelberg
sem leikur um helgina verk
eftir Schumann, Brahms,
Handel o.fl. en tríóið er skip-
að þeim Rose Menzel
mezzósópran, Eriku Ansc-
hütz víóluleikara og Fred Rensch á píanó.
Tónleikar laugardagsins eru kl. 21 í Reykjahlíð-
arkirkju, sunnudagstónleikarnir í kirkjunni í
Dimmuborgum kl. 14 þar sem jafnframt verður
helgistund og svo kl. 21 í Skútustaðakirkju.
Tónleikar
Tónar frá Heidel-
berg við Mývatn
Tríóið frá Heidelberg.
BARROKK-verk og klassísk
verða í aðalhlutverki á tón-
leikum flautuleikarans Hafdís-
ar Vigfúsdóttur og píanóleik-
arans Kristjáns Karls Braga-
sonar í Sólheimakirkju í dag,
laugardag.
Valin hafa verið verk í létt-
ari kantinum og einnig fá að
fljóta með tangó-etýður eftir
argentínska tónskáldið Piaz-
zola. Að auki verður flutt
nýtt, íslenskt verk sem samið var sérstaklega
fyrir Hafdísi.
Tónleikarnir hefjast kl. 14 og er aðgangur
ókeypis og öllum heimill.
Tónleikar
Leikandi léttir
flaututónar
Hafdís
Vigfúsdóttir
HVER man ekki eftir dásamlega
þrívíddarkíkinum? Myndum á
hringlaga spjöldum var stungið í
hann – og viti
menn, brasilískir
páfagaukar,
Gullbrá og
bangsarnir þrír,
ævintýri, nátt-
úrumyndir – allt
varð þetta ljós-
lifandi og bjart í
undratækinu.
Kíkirinn heitir
View Master í
heimalandi sínu,
Bandaríkjunum, og nú hefur það
loks gerst, að höfundur hans,
hönnuðurinn Charles „Chuck“
Harrison, hefur fengið stór hönn-
unarverðlaun og viðurkenningu
fyrir ævistarfið, „Cooper Hewitt’s
2008 Lifetime Achievement Aw-
ard“. Þar vó kíkirinn vinsæli að
sjálfsögðu þungt.
Varð yfirhönnuður Sears
Það vita kannski færri að Charl-
es Harrison á sér merka sögu og
bakgrunn. Hann fæddist árið
1931, og var meðal fyrstu blökku-
manna í Bandaríkjunum til að
leggja stund á hönnun. Hann fékk
starf hjá stórverslunarhringnum
Sears þrítugur að aldri, og varð
fljótt yfirhönnuður fyrirtækisins,
og um leið fyrsti blökkumaðurinn í
æðstu stjórnunarstöðum þess.
Það þykir einstakt hversu breitt
svið hönnunar Charles Harrison
hefur lagt fyrir sig, þótt aðal-
áhersla hans hafi verið í hönnun
varnings til heimilis og almanna-
nota. Eftir hann liggja 750 vöru-
tegundir, útvörp, hárþurrkur,
saumavélar, og allt þar á milli. Þá
hannaði hann fyrstu plastruslaföt-
una til heimilisnota, afurðagóða
kveikjara og fleira og fleira.
Charles „Chuck“ Harrison kennir
nú hönnun í Columbia-skólanum í
Chicago.
Kíkirinn góði Dásamleg hönnun.
Tími til
kominn
Kíkishönnuður
verðlaunaður
Charles „Chuck“
Harrison
Í DAGBLAÐINU Les Derniéres
Nouvelles d’Alsace fer menning-
arrýnir blaðsins fögrum orðum
um flutning Diddúar á verki
Gunnars Þórðarsonar í Alsace í
síðasta mánuði.
Talar rýnirinn um mikla list-
ræna upplifun þar sem hrært hafi
verið saman tónlist, mósaík og
ljóðlist og kallar flutninginn stór-
kostlegt listrænt afrek. Tónleik-
arnir fóru fram í fornri kirkju
sem byggð var í hringbogastíl (e.
Romanesque) en hefur verið af-
helguð. Verk Gunnars sem flutt
var sótti innblástur í mósaíkverk
Gerard Brand sem síðan sótti
sinn innblástur í ljóð Albert
Strickler og voru verk Brand til
sýnis í kirkjunni.
Sendiherra Íslands í Frakk-
landi og sjálfur erkibiskupinn í
Strassborg voru viðstaddir tón-
leikana og hefur menningarrýn-
irinn eftir þeim mikið lof um það
menningarlega samstarf sem átti
sér stað.
Les Derniéres Nouvelles d’Al-
sace er héraðsfréttablað Alsace-
svæðisins og mest lesna blaðið á
svæðinu en upplagið er í kringum
200 þúsund eintök.
Diddú og Gunn-
ar lofuð í Alsace