Morgunblaðið - 02.08.2008, Blaðsíða 16

16 LAUGARDAGUR 2. ÁGÚST 2008 MORGUNBLAÐIÐ
FRÉTTIR
FRÉTTASKÝRING
Eftir Helga Bjarnason
helgi@mbl.is
MARGT fólk hefur lagt leið sína að
Kárahnjúkum í sumar. Það lítur út
fyrir að margir þeirra ferðamanna
sem litið hafa þar við á meðan á
framkvæmdunum stóð hafi verið að
skoða virkjunina fullgerða, taka út
mannvirkið. Kárahnjúkavirkjun
virðist vera orðin segull fyrir ferða-
fólk og þar með einn af mikilvægari
ferðamannastöðum fjórðungsins.
Ferðasumarið byrjaði ekki vel á
Austfjörðum, ekki frekar en annars
staðar á landsbyggðinni. Stefán
Stefánsson, formaður Ferðamála-
samtaka Austurlands, segir að svo
virðist sem gott veður fyrir sunnan
og Evrópukeppnin í knattspyrnu
hafi seinkað ferðum fólks. Telur
hann þó að allt sé komið á fullan
snúning nú. Útlendingarnir hafa
skilað sér, eins og venjulega, en Ís-
lendingarnir hafa verið seinni til.
Stefán telur að hátt orkuverð geri
það að verkum að fólk þurfi að
skipuleggja ferðalög sín betur.
Stefán segir þó misjafnt hvernig
fólk dreifist. Þannig hafi hann upp-
lýsingar um aukna umferð ferða-
fólks niður á firði.
Flestir heimsækja Austurland
vegna náttúrunnar og umhverfisins
en auk þess koma þangað veiðimenn
á haustin og nú síðustu árin hefur
Kárahnjúkavirkjun og jafnvel
mannvirki álvers Alcoa á Reyð-
arfirði bæst við sem segull fyrir
ferðafólks.
Skúli Björn Gunnarsson, for-
stöðumaður Gunnarsstofnunar á
Skriðuklaustri, segir að svo virðist
sem aukinn orkukostnaður og gott
veður á Suðurlandi lengi leiðina fyr-
ir Íslendinga austur. Hann segir þó
að nokkuð jafnt streymi ferðafólks
sé um Fljótsdalshérað og ágúst sé
alltaf drjúgur á þessu svæði.
Margt er gert fyrir ferðafólk á
Skriðuklaustri en ferðaþjónustan
þar nýtur einnig aukinnar umferðar
ferðafólks sem kemur til að skoða
Kárahnjúkavirkjun enda er kynn-
ingarmiðstöð Landsvirkjunar í fé-
lagsheimilinu Végarði, í næsta ná-
grenni staðarins.
Aukin umferð að Kárahnjúkum
Landsvirkjun hefur veginn yfir
Kárahnjúkastíflu opinn allan sólar-
hringinn í einn mánuð í sumar, frá
15. júlí til 15. ágúst. Mikil umferð
hefur verið um svæðið, segir Sólveig
Dagmar Bergsteinsdóttir upplýs-
ingafulltrúi. Vegna vinnu verktaka
við lokafrágang verður vegurinn
lokaður frá 16. ágúst, en hann verð-
ur þó opinn í hádeginu og á kvöldin,
þegar verktakar eru ekki við vinnu.
Í sumar hafa verið sett upp grind-
verk, girðingar, skilti og útbúnar
gönguleiðir og verður unnið að því
áfram. Reynt verður að gera svæðið
sem snyrtilegast. Sólveig segir að
ferðafólk verði þó að fara varlega og
virða leiðbeiningar enda séu þær
settar upp í þeim eina tilgangi að
tryggja öryggi fólks. Starfsmenn
Landsvirkjunar voru á svæðinu um
síðustu helgi til að leiðbeina ferða-
fólki. Taldist þeim til að á þriðja
hundrað bílar hafi þá farið austur
yfir stífluna og eru þá ótaldir þeir
bílar sem komu af Brúardalavegi.
Það sýnir að mörg hundruð manns
hafa lagt leið sína að virkjuninni um
helgina. Töluverð umferð var einnig
í vikunni. Búist er við verulegri um-
ferð fram að lokun vegarins.
Fleiri gestir hafa einnig lagt leið
sína í kynningarmiðstöð Landsvirkj-
unar í Végarði en í fyrra. Þar er
sýning um framkvæmdina og fólki
er boðið að skoða stöðvarhúshvelf-
ingu Fljótsdalsstöðvar. Þessar ferð-
ir eru tilraunaverkefni í tvo mánuði í
sumar og hefur orðið að fjölga ferð-
um vegna gestafjöldans.
Það virðast fyrst og fremst vera
íslenskir ferðamenn sem fara að
Kárahnjúkum en einnig eiga erlend-
ir ferðamenn leið þar um. Íslending-
arnir koma á svæðið í þeim tilgangi
að skoða mannvirkin, ekki síst Háls-
lón, Kárahnjúkastíflu og stöðv-
arhúsið. „Fólkið er áhugasamt og
forvitið um þessi mannvirki,“ segir
Sólveig hjá Landsvirkjun.
Taka út framkvæmdina
 Tugir þúsunda ferðamanna leggja leið sína að Kárahnjúkum og hefur fjölgað
frá síðasta ári  Virkjunin er orðin ein af seglum ferðaþjónustunnar á Austurlandi
Morgunblaðið/Helgi Bjarnason
Stöðvarhúsið Ferðafólki gefst kostur á að líta inn í stöðvarhúshvelfingu.
» Sýning um Kárahnjúkavirkjuner í kynningarmiðstöð Lands-
virkjunar í Végarði í Fljótsdal.
» Stöðvarhúsið er lokað almenn-ingi. Landsvirkjun býður þó
ferðafólki upp á stuttar skoð-
unarferðir með leiðsögn inn í
stöðvarhúshvelfingu Fljótsdals-
stöðvar í Valþjófsstaðafjalli. Fastar
ferðir eru fjórum sinnum á dag en
farnar hafa verið aukaferðir til að
sinna eftirspurn. Ferðirnar eru án
endurgjalds og verða í boði til 10.
ágúst.
» Vegurinn yfir Kárahnjúkastífluer opinn allan sólarhringinn til
15. ágúst og eftir það í hádeginu
og á kvöldin. Ferðamannaaðstaðan
á svæðinu er ekki fullbúin og þar
eru verktakar enn að störfum og
er ferðafólk beðið að fara með gát
og virða leiðbeiningaskilti.
Boðið upp á ferðir í stöðvarhúsið
Blönduós | Fjögurra bíla árekstur
var skammt vestan við bæinn
Sveinsstaði í Þingi í Austur-
Húnavatnssýslu á þriðja tímanum í
gær. Að sögn lögreglunnar urðu
ekki meiðsli á fólki en að minnsta
kosti tveir öftustu bílarnir í
árekstrinum skemmdust nokkuð. Á
myndinni má sjá bílana fjóra
skömmu áður en þeir tveir fyrstu
fengu að fara leiðar sinnar.
Ljósmynd/Jón Sigurðsson
Óhapp Frá vettvangi í gær.
Fjögurra
bíla árekstur
Í BÓKINNI Vopnin kvödd eftir Er-
nest Hemingway bryður Frederic
Henry kaffibaunir í gríð og erg áð-
ur en hann gengur til fundar við
ástkonu sína Catherine, eftir að
hafa setið að sumbli.
Á þjóðhátíð í Vestmannaeyjum
hefur Sjóvá komið upp sérstökum
kaffibar þar sem þjóðhátíðargestir
geta vætt kverkarnar með einum
espressó áður en þeir halda
skemmtuninni áfram. Allur ágóði
af sölu kaffidrykkja rennur til
íþróttafélagsins í Eyjum, ÍBV.
Trygginga- og forvarnafélag
„Sjóvá er trygginga- og for-
varnafélag. Ef við eigum að gera
eitthvað á útihátíðum þá er það
þetta. Gott fyrir menn að hressa
sig við með einum kaffibolla frekar
en einhverju öðru. Ég held líka að
þetta hafi vantað og við höfum
ekki gert þetta áður. Þarna eru
reyndir kaffibarþjónar að hella
upp á kaffi sem gestir í Herjólfsdal
geta gætt sér á og allur ágóði
rennur til góðs málefnis,“ segir
Þór Sigfússon, forstjóri Sjóvár.
Auk kaffis er boðið upp á bakkelsi
og pönnukökur.
Búist er við nokkurri ölvun á
þjóðhátíð í Vestmannaeyjum eins
og öðrum útihátíðum. Mörg ung-
menni teyga fyrstu áfengissopana
á útihátíðum. Þó er fremur ólíklegt
að kvenfólk líti við sauðdrukknum
manni og öfugt. thorbjorn@mbl.is
Kaffi í þágu
góðs málefnis
SUNDKAPPINN Heimir Örn
Sveinsson setti að öllum líkindum
nýtt met í Viðeyjarsundi í fyrra-
kvöld, þegar hann synti frá víkinni
fyrir neðan Viðeyjarstofu og inn í
Reykjavíkurhöfn að smábáta-
bryggjunum við Ægisgarð á aðeins
1:08:50 klukkustund.
„Þetta er met miðað við vega-
lengd og þessa leið sem ég synti,“
sagði Heimir í samtali við mbl.is.
Hann segir að bein sundlína sé
4,4 km en vegna hliðaröldu, sem
hann lenti í, hafi hann á endanum
synt 4,8 km. „Ég fór aðeins úr leið,
ég var alltaf að leiðrétta stefnuna,“
sagði Heimir. Sundið gekk hins
vegar vel. baldura@mbl.is
Nýtt met
í Viðeyjarsundi?
Kappi Heimir Örn í góðra vina hópi.
Ljósmynd/Jón Svavarsson
STUTT
INGIBJÖRG Sólrún Gísladóttir utanríkisráðherra er
heiðursgestur á Íslandshátíðinni í Mountain í Norður-
Dakóta í Bandaríkjunum, sem hófst síðdegis í gær.
Þessi árlega þriggja daga hátíð er nú haldin í 109.
sinn, en síðdegis í dag flytur Ingibjörg Sólrún hátíð-
arræðu og Almar Grímsson ávarpar viðstadda í Mount-
ain.
Utanríkisráðherra er einnig heiðursgestur á árlegri
Íslendingadagshátíð á Gimli í Manitoba í Kanada og
flytur minni Kanada á mánudag. Donald K. Johnson,
fjárfestir í Toronto, flytur minni Íslands.
Með Ingibjörgu Sólrúnu í för eru eiginmaður hennar,
Hjörleifur Sveinbjörnsson, Kristrún Heimisdóttir, að-
stoðarmaður ráðherra, Almar Grímsson, formaður
Þjóðræknisfélags Íslendinga, Ólafur Sigurðsson, sendi-
fulltrúi í sendiráðinu í Washington, og eiginkona hans,
Svala Guðmundsdóttir.
steinthor@mbl.is
Ingibjörg Sólrún heiðursgestur
Íslendingahátíðir í Vesturheimi um helgina
BORGARSTJÓRNARFLOKKUR
Vinstri grænna lýsir yfir vonbrigð-
um með nýútgefna umsögn lögreglu-
stjórans á höfuðborgarsvæðinu um
rekstur á nektardansstaðnum Gold-
finger í Kópavogi.
Í tilkynningu VG segir, að lög-
reglustjórinn á höfuðborgarsvæðinu
hafi haft mikið að segja í baráttunni
gegn kynbundnu ofbeldi allt frá því
hann hóf störf og þar með sýnt rann-
sóknum og reynslu af þessum málum
skilning og tekið á þeim mark. Í fyrri
umsögn sinni um Goldfinger hafi lög-
reglustjórinn lagst gegn leyfisveit-
ingu en nú virðist sem hann hafi ver-
ið þvingaður til að breyta afstöðu
sinni til málsins.
Vilja ekki nektardansstaði
„Borgarstjórnarflokkur Vinstri
grænna telur brýnt að koma í veg
fyrir rekstur nektardansstaða sem
hluta af baráttunni gegn hlutgerv-
ingu kvenna, gegn kynbundnu of-
beldi og fyrir jafnrétti kynjanna.
Telji yfirvöld lögin ekki rúma að
komið sé í veg fyrir rekstur sem
sannanlega hagnast á að misnota
eymd kvenna er nauðsynlegt að end-
urskoða lögin og tryggja að það sé
unnt,“ segir í tilkynningunni.
Harma
umsögn lög-
reglustjóra