Morgunblaðið - 02.08.2008, Blaðsíða 18

18 LAUGARDAGUR 2. ÁGÚST 2008 MORGUNBLAÐIÐ
ERLENT
Talibönum hjálpað?
Pakistönsk stjórnvöld ætla nú að hreinsa til í leyniþjónustunni og segja að stakir
liðsmenn hennar hafi ef til vill veitt afgönskum hryðjuverkamönnum aðstoð
Eftir Kristján Jónsson
kjon@mbl.is
STJÓRNVÖLD Í Pakistan segjast
nú verða að fjarlægja stuðnings-
menn talibana úr leyniþjónustu
landsins, ISI. Mun þetta vera í fyrsta
sinn sem ráðamenn í Islamabad við-
urkenna vandann. Fjölmiðlar í
Bandaríkjunum og Indlandi hafa
fullyrt að liðsmenn ISI hafi veitt tal-
ibönum aðstoð við sjálfsvígs-
sprengjutilræði gegn sendiráði Ind-
lands í Kabúl í Afganistan í júlí.
Talsmaður utanríkisráðuneytis
Pakistans hafði áður sagt að fjöl-
miðlafréttirnar um aðild Pakistana
að tilræðinu væru „bull“. 41 lét lífið í
árásinni á sendiráðið og tugir manna
að auki særðust. Talskona Pakist-
ansstjórnar, Sherry Rehan, sagði að
„einstaklingar“ innan ISI hefðu
sennilega verið að verki og unnið
þannig gegn stefnu yfirvalda, „finna
verður þessa menn og hreinsa til“.
Engar sannanir væru þó fyrir aðild
ISI-manna að tilræðinu í Kabúl.
Dagblaðið The New York Times
segir að bandarískir leyniþjónustu-
menn hafi komist að þeirri niður-
stöðu að Pakistanar hafi veitt um-
rædda aðstoð.
Talið er að víst að Bandaríkja-
menn hleri skeytasendingar milli
ISI og starfsmanna stofnunarinnar.
ISI studdi lengi talibana með ráðum
og dáð og hefur leikið grunur á því að
Pakistanar sæju sér hag í því að
rækta tengslin áfram á laun þótt
Pervez Musharraf forseti hafi slitið
þau formlega eftir hryðjuverkin
gegn Bandaríkjunum 2001.
Í HNOTSKURN
»Bandaríkjamenn hafafram til þess að látið Pak-
istana njóta vafans og hrósað
Musharraf fyrir aðstoð í
hryðjuverkastríðinu.
»Nú virðast þeir hafa undirhöndum gögn sem hafa
sannfært það um að maðkur sé
í mysunni hjá ISI.
REYNT er að
gera lítið úr Bar-
ack Obama í
nýrri sjónvarps-
auglýsingu frá
John McCain og
Obama líkt við
Paris Hilton og
Britney Spears,
konur sem oft
eru sagðar vera
frægar fyrir það eitt að vera fræg-
ar. En fjölskyldu Hilton, sem á
mikla hótelkeðju, er ekki skemmt
enda hefur hún stutt baráttu
McCains dyggilega með fjárfram-
lögum.
Sænska blaðið Dagens Nyheter
segir á vefsíðu sinni að einn af ráð-
gjöfum McCains, Martin Eisen-
stadt, fullyrði að afi glæsikvendis-
ins, William Barron Hilton, hafi
hringt í aðalstöðvar repúblikana í
fyrradag og verið bálreiður yfir því
að forsetaefni demókrata skyldi
vera líkt við barnabarnið.
Eisenstadt segir á bloggsíðu sinni
að menn ættu ekki að bíta í höndina
sem fæðir þá. „Paris Hilton er ekki
bara fígúra í fjölmiðlum, þekkt fyr-
ir hneykslismál, sem hægt er að
nýta eins og menn lystir. Hún er lif-
andi auglýsingaskilti fyrir eitt af
stærstu fyrirtækjum Bandaríkj-
anna. Það er ekki skrítið að afi
hennar sé reiður, í hvert skipti sem
hún birtist í fjölmiðlum fækkar við-
skiptavinum á hótelunum hans.“
kjon@mbl.is
Hilton mis-
notuð í kosn-
ingabaráttu?
Paris Hilton
MIÐALDRA Svíi fékk í vikunni
þann úrskurð dómara á Helsingja-
eyri að nærvera hans í Danmörku
væri illa séð. Þetta er í 40. sinn
sem hann fær slíkan úrskurð.
Maðurinn veit ekkert betra en
að fá sér ölkollu í borginni handan
við Eyrarsund. Um leið heimsækir
hann vinkonu sína í borginni.
Skrautlegar heimsóknir hans enda
hins vegar oftast með því að hann
er dæmdur í 40 daga fangelsi.
Dómarinn, Peter Østergaard, hélt
upp á tímamótin með því að hafa
lítinn, danskan fána á borðinu
þegar hann kvað upp dóminn. Og í
þetta eina sinn er Svíinn ekki
sendur heim til að afplána, það
gerir hann í Danmörku.
kjon@mbl.is
En hann elsk-
ar Danmörku
TONGAMENN fögnuðu í gær krýningu nýs kon-
ungs, George Tupou V., hann sést hér á leiðinni
úr kirkju að lokinni athöfninni í höfuðstaðnum
Nuku. Skotið var af fallbyssum, bjöllum hringt
og blöðrum sleppt í tilefni dagsins. George er 23.
konungur eyjaklasans sem er í sunnanverðu
Kyrrahafi. Eyjarnar 169 eru samanlagt heldur
minni en Færeyjar að stærð og íbúarnir um
112.000.
George V krýndur konungur Tonga
Reuters
RÚMLEGA 50 manns, aðallega frá
Afríku, í hálfsokknum gúmmíbát
bíða þess að verða bjargað af flota
Maltverja í vikunni. Báturinn var
staddur um 66 kílometra sunnan
við Möltu en naut skjóls af flutn-
ingaskipi enda ekki vanþörf á.
Fólkið var frá Gana, Togo, Fíla-
beinsströndinni, Líberíu og Írak.
Á hverju ári freista tugþúsundir
manna frá Afríku og Miðaustur-
löndum og fleiri heimshlutum gæf-
unnar og reyna að komast sjóleiðis
til Evrópulanda þar sem þeir von-
ast til að fá landvistarleyfi. En
margir drukkna á leiðinni af því að
farkostirnir eru oft enn óburðugri
en sá sem er á myndinni.
Reuters
Beðið eftir björgun
KARLMAÐUR um borð í Grey-
hound-rútu á leið yfir kanadísku
slétturnar frá Edmonton til Winni-
peg í vikunni stakk fyrirvaralaust
ungan sessunaut sinn til bana og
skar af honum höfuðið með veiðihníf.
Fólkið í bílnum horfði skelfingu lost-
ið á það sem var að gerast en meðal
37 farþega voru nokkur börn.
„Við heyrðum skyndilega ægilegt
öskur, þarna stóð maðurinn og stakk
sessunaut sinn hvað eftir annað, lík-
lega 40-50 sinnum, í brjóstið,“ sagði
Garnet Caton sem sat nálægt fórn-
arlambinu.
Bílstjórinn stöðvaði rútuna, far-
þegarnir flýðu út og komið var í veg
fyrir að árásarmaðurinn, hinn fer-
tugi Vince Weiguang, kæmist burt á
rútunni. Caton, bílstjórinn og þriðji
maður fóru aftur inn í rútuna. Mað-
urinn reyndi að ráðast á þá en þeir
sluppu út, skömmu síðar fleygði
maðurinn höfði hins látna á gólfið.
„Hann virtist alls ekki reiður ... var
frekar eins og vélmenni,“ sagði Cat-
on. Morðinginn var fljótt handsam-
aður. Hann virðist ekki hafa þekkt
hinn látna, Tim McLean.
kjon@mbl.is
Myrti sessu-
naut í rútu
Eftir Kristján Jónsson
kjon@mbl.is
RADOVAN Karadzic, fyrrverandi
leiðtogi Bosníu-Serba, segist vera
fórnarlamb fjölmiðla sem stundi
nornaveiðar og fullyrðir að þeir muni
koma í veg fyrir að hann fái réttláta
málsmeðferð. Hann segir enn frem-
ur að Bandaríkjamenn hafi á sínum
tíma lofað því að hann kæmist hjá
réttarhöldum fyrir Alþjóðlega refsi-
dómstólnum í Haag ef hann léti sig
hverfa. Frá þessu er greint í rétt-
arskjölum.
Serbnesk stjórnvöld framseldu
Karadzic í vikunni til Hollands þrátt
fyrir hávær mótmæli serbneskra
þjóðernissinna sem líta á hann sem
hetju. Hann er ákærður fyrir þjóð-
armorð og fleiri brot.
Karadzic, sem var leiðtogi Bosníu-
Serba er barist var í Bosníu-Her-
segóvínu 1992-1995, heldur því fram
að Richard Holbrooke, þáverandi
samningafulltrúi
Bandaríkja-
stjórnar, hafi gert
sér tilboð árið
1996 um að
hverfa algerlega
frá opinberum
vettvangi. Í stað-
inn yrði ákæra
Sameinuðu þjóð-
anna á hendur
honum felld niður.
CNN-sjónvarpsstöðin tók viðtal
við Holbrooke á fimmtudag og vísaði
hann þar fullyrðingum Karadzic al-
gerlega á bug. Holbrooke er einn af
mönnunum á bak við Dayton-friðar-
samningana 1995 sem bundu enda á
átökin milli Bosníu-Serba, Króata og
múslíma, öðru nafni Bosníaka en
þetta eru helstu þjóðarbrotin í land-
inu. Karadzic segir að hann hafi átt
að hverfa nógu lengi af sjónarsviðinu
til þess að samningarnir næðu fram
að ganga.
Segist vera
fórnarlamb
Samdi Karadzic við Holbrooke 1996?
Radovan Karadzic