Morgunblaðið - 15.11.2008, Blaðsíða 6

6 FréttirINNLENT
MORGUNBLAÐIÐ LAUGARDAGUR 15. NÓVEMBER 2008
Eftir Ómar Friðriksson
omfr@mbl.is
TIL tíðinda dró á sameiginlegum
fundi þingflokks og miðstjórnar
Sjálfstæðisflokksins í gær þegar
ákveðið var að skipa sérstaka nefnd
um Evrópumál innan flokksins og
flýta fyrirhuguðum landsfundi til 29.
janúar.
Geir H. Haarde, formaður flokks-
ins og forsætisráðherra, lagði tillög-
una fyrir miðstjórn á fundi sem hófst
í Valhöll á hádegi í gær. Fundurinn
stóð frameftir degi en kl. 14.30 boð-
uðu Geir og Þorgerður Katrín Gunn-
arsdóttir, varaformaður flokksins og
menntamálaráðherra, til frétta-
mannafundar þar sem þessar
ákvarðanir um Evrópumál voru
kynntar.
Evrópunefndinni er falið að
standa fyrir opinni og málefnalegri
umræðu um kosti og galla aðildar Ís-
lands að ESB. Formaður hennar
verður Kristján Þór Júlíusson al-
þingismaður og Árni Sigfússon, bæj-
arstjóri í Reykjanesbæ, verður vara-
formaður.
Geir lagði áherslu á að rétt væri að
skoða upp á nýtt það hagsmunamat
sem hefur legið að baki stefnu Sjálf-
stæðisflokksins í Evrópumálum.
Þessi vinna ætti sér stað við ger-
breyttar aðstæður í samfélaginu og
miklar efnahagsþrengingar. Hann
segir að þetta feli ekki í sér að nein
stefnubreyting hafi verið ákveðin
gagnvart Evrópusambandinu. „Við
höfum ævinlega lagt áherslu á að það
sé háð hagsmunamati hvernig sam-
starfi okkar við Evrópulönd er hátt-
að. Við göngum ekki til þess að taka
afstöðu af því tagi á grundvelli trúar-
vissu eða trúarbragða, heldur á
grundvelli þess hvernig við teljum að
hagsmunum Íslands sé best borgið,“
sagði Geir.
„Við erum í breyttum heimi og við
höfum ávallt talað um að við þyrftum
að fara í kalt hagsmunamat,“ sagði
Þorgerður Katrín. „Við erum að
virkja okkar grasrót.“
Framtíð Íslands betur borgið
innan eða utan ESB?
Evrópunefndin mun skoða stöðu
Íslands gagnvart ESB, ríkjum Evr-
ópu og valkostum Íslands í alþjóða-
samstarfinu og skila af sér skýrslu til
landsfundar. Á grundvelli hennar
mun landsfundur flokksins meta
hvort framtíð Íslands sé betur borg-
ið innan Evrópusambandsins en ut-
an þess. Undir nefndinni munu
starfa vinnuhópar sem eiga að fjalla
um stærstu álitaefnin sem lúta að
stöðu Íslands í samstarfi við Evrópu-
þjóðir. Auk þessa er málefnanefnd-
um Sjálfstæðisflokksins gert að
hraða sinni vinnu eins og kostur er
fram að landsfundi og vinna drög að
ályktunum fyrir fundinn. Niðurstöð-
ur málefnanefndanna eiga að leggja
grunn að vinnu við endurnýjun á
stjórnarsáttmála ríkisstjórnarinnar.
Málefnanefndirnar munu sérstak-
lega skoða áhrif inngöngu í Evrópu-
sambandið í viðkomandi málaflokk-
um.
Endurmeta kosti og galla ESB
 Landsfundi Sjálfstæðisflokksins flýtt til 29. janúar  Evrópunefnd og vinnuhópar skipaðir  „Þurfum
að fara í kalt hagsmunamat,“ segir Þorgerður Katrín  Stefnubreyting hefur ekki verið ákveðin
Morgunblaðið/Ómar
ESB í brennidepli Geir H. Haarde formaður og Þorgerður Katrín Gunnarsdóttir, varaformaður Sjálfstæðisflokks-
ins, ræddu Evrópumálin á löngum fundi miðstjórnar flokksins í gær. Marka á skýra stefnu í þessum málaflokki.
Í HNOTSKURN
»Vinnuhóparnir fjalla umfjölmörg álitaefni gagn-
vart ESB s.s. um yfirráð yfir
náttúruauðlindum, hagsmuni
atvinnuvega, afsal fullveldis,
öryggismál og peninga-
málastjórn og framtíðargjald-
miðil.
» Í umboði Evrópunefndarsegir að ef ekki náist fullt
samkomulag geti hún skilað
fleiri en einni tillögu til lands-
fundarins.
»Halda átti landsfund íoktóber á næsta ári en
honum verður flýtt og fer
fram dagana 29. janúar til 1.
febrúar nk.
KRISTJÁN Þór Júlíuson, formaður Evrópunefndar
Sjálfstæðisflokksins, segir að Sjálfstæðisflokknum beri
skylda til að meta hverjir hagsmunir þjóðarinnar með
aðild að Evrópusambandinu, ESB, geti orðið. „Við þurf-
um að bera ESB-aðild saman við aðra kosti sem við höf-
um. Nú er landslagið allt gjörbreytt. Það blasir í raun
við ný heimsmynd. Þá ber öllum skylda til að endurmeta
stöðuna í þessu sambandi, ekki bara Sjálfstæðisflokkn-
um. Að sjálfsögðu tel ég að aðrir stjórnmálaflokkar
hljóti að gera slíkt hið sama.“
Sjálfur hefur Kristján Þór haft efasemdir um ágæti
ESB-aðildar. „Mín afstaða hefur einfaldlega verið sú og
byggist á því að ég vinn samkvæmt landsfundarsamþykktum. Niðurstaðan
á síðasta fundi var sú að það þjónaði ekki hagsmunum Íslendinga best að
sækja um aðild og ég hef verið þeirrar skoðunar. Ég hef hins vegar efa-
semdir um að sú skoðun mín haldi í dag.“
ingibjörg@mbl.is
Skylda að endurmeta stöðuna
Kristján Þór
Júlíusson
ÁRNI Sigfússon, varaformaður sérstakrar nefndar
Sjálfstæðisflokksins um Evrópumál, er þeirrar skoðunar
að setjast að eigi að samningaborðinu við Evrópusam-
bandið, ESB. Áður var hann á báðum áttum, að því er
hann segir. „Ég hafði miklar efasemdir, til dæmis vegna
stöðu sjávarútvegsins, og ég velti fyrir mér sjálfstæði
þjóðarinnar. Með þeirri rökræðu sem hefur verið að
hefjast hef ég hins vegar fengið ýmis ágæt svör. Við
stöndum þar að auki á tímamótum og málin hafa krist-
allast að undanförnu. Nú er tækifæri til að skapa nýja
framtíðarsýn og þá skiptir máli hver staða okkar í Evr-
ópu og alþjóðasamfélaginu verður. Við þurfum hins vegar að setjast að
samningaborðinu með skýr markmið. Margir hafa spurt hver þau eigi að
vera.“ Það er mat Árna að nefndin eigi að leita álits víða í samfélaginu í
undirbúningsvinnunni. „Ég vil að það verði 1000 manns í nefndinni. Ég vil
að við heyrum í fjölda fólks og tökum umræðuna á vítt plan.“ Að sögn Árna
hafa ekki verið átök í Sjálfstæðisflokknum þótt innan hans séu bæði harðir
stuðningsmenn ESB-aðildar og harðir andstæðingar aðildar. Stór hópur
sjálfstæðismanna er í miðjunni, það er að segja á báðum áttum, að því er
Árni greinir frá. „Fram á síðasta ár var sagt að málið væri ekki á dagskrá.
Það var slegið á hönd þeirra sem vildu ræða það. Þetta hefur breyst. Nú fá
allir að koma sínu að. Rökræðan er mjög mikilvæg og það er kominn tími
til að taka alvöruumræðu um málið.“
Árni gerir ráð fyrir að nefndin hefji störf þegar í næstu viku. „Það er
engin ástæða til að hanga yfir upphafi verkefnisins.“ ingibjorg@mbl.is
Setjast á að samningaborðinu
Árni Sigfússon
JÁ, það finnst mér sannarlega,“ sagði Ingibjörg Sólrún
Gísladóttir, utanríkisráðherra og formaður Samfylking-
arinnar, á blaðamannafundi í Ráðherrabústaðnum í gær
með Geir H. Haarde, spurð hvort hún teldi Evrópunefnd
Sjálfstæðisflokksins vera skref í rétta átt.
Ingibjörg Sólrún var jafnframt spurð að því á fund-
inum hvort Samfylkingin hefði stillt Sjálfstæðisflokkum
upp við vegg í Evrópumálunum. Hún sagðist ekki leggja
það í vana sinn að stilla fólki upp við vegg. „Ég er vön
því að eiga góða samræðu við fólk og leita lausna. Ég tel
að það sé farsælast,“ sagði hún jafnframt.
gudni@mbl.is
„Sannarlega skref í rétta átt“
Ingibjörg Sólrún
Gísladóttir
Eftir Ingibjörgu B. Sveinsdóttur
ingibjorg@mbl.is
SAMKEPPNISEFTIRLITIÐ telur
mikilvægt að endurskoða þátttöku
RÚV á auglýsingamarkaði þar sem
háttsemi félagsins hafi leitt til alvar-
legrar takmörkunar á samkeppni.
Í áliti sem Samkeppniseftirlitið
birti í gær um athugun sína sem
hófst í júlí síðastliðnum segir meðal
annars að RÚV hafi í ríkum mæli
vikið verulega frá birtri gjaldskrá
sinni um auglýsingar sem gangi
gegn markmiðum um gagnsæi.
Í álitinu segir jafnframt að vís-
bendingar séu um skaðleg undirboð,
þ.e. að opinbert fé hafi verið notað
til þess að niðurgreiða auglýsinga-
starfsemi. Þannig hafi samkeppni
keppinauta sem ekki njóta rík-
isstyrkja verið ógnað.
Samkeppniseftirlitið, sem ákvað
að eigin frumkvæði að kanna stöðu
RÚV á markaðnum, bendir á að telji
menntamálaráðherra og/eða lög-
gjafinn ekki tækt að RÚV hverfi af
markaði fyrir sölu auglýsinga í út-
varpi telji stofnunin mikilvægt að
verulega verði dregið úr umsvifum
félagsins á markaðnum og því settar
skýrar reglur sem takmarka um-
rædda starfsemi þess.
Miklir fjármunir í súginn
Ari Edwald, forstjóri 365, segir
niðurstöðu athugunar Samkeppn-
iseftirlitsins algjörlega hafa legið
fyrir að sínu mati.
„Ég er fyrst og fremst ánægður
með að það hafi orðið af slíkri at-
hugun en leiður yfir því hvað það
tók mörg ár að knýja á um slík
vinnubrögð af hálfu hins opinbera.
Það hafa miklir fjármunir farið for-
görðum af hálfu samkeppnisaðila
RÚV, sérstaklega síðustu árin, en
einnig af skattpeningum sem verið
er að nota með ólöglegum hætti til
niðurgreiðslna og undirboða eins og
þarna kemur fram,“ segir Ari, sem
undrast þó vinnubrögð Alþingis. Í
umsögn Samkeppniseftirlitsins frá
því í nóvember 2006 um frumvarp til
laga um RÚV benti eftirlitið á sam-
keppnislega mismunun vegna starfa
RÚV á auglýsingamarkaði.
„Það sem mér finnst furðulegast í
þessu máli er að allt sem eftirlitið
segir nú lá fyrir þegar Alþingi var
síðast að setja lög um RÚV. Það var
vakin athygli á þessu þá af hálfu
Samkeppniseftirlitsins og flestra at-
vinnulífssamtaka auk okkar sem
störfum á markaðnum. Sjónarmið
um heilbrigðar leikreglur í atvinnu-
lífi og sjónarmið samkeppnislaga
voru þá algjörlega sett til hliðar. Ég
skil ekki hvernig alþingismenn, sem
afgreiða frá sér lög þvert ofan í álit
Samkeppniseftirlitsins af þessu
tagi, geta reiknað með að vera tekn-
ir alvarlega í umræðum um sam-
keppnisreglur og rekstrargrundvöll
í atvinnulífi,“ segir Ari.
Samkeppni gæti skaðast
Í yfirlýsingu sem Páll Magn-
ússon, útvarpsstjóri RÚV, sendi frá
sér í gær segir að ekki verði ráðið af
fyrirliggjandi áliti Samkeppniseft-
irlitsins að RÚV hafi brotið gegn
gildandi samkeppnislögum. Páll
bendir á að hverfi RÚV af auglýs-
ingamarkaði geti það, að óbreyttu,
leitt til þess að sú staða skapist á
markaðnum að einn aðili yrði í ein-
stakri stöðu á auglýsingamarkaði.
Það gæti jafnframt verið til þess
fallið að skaða samkeppni á tengd-
um mörkuðum.
Samkeppniseftirlitið leggur til endurskoðun á þátttöku RÚV á auglýsingamarkaði
Vísbendingar um skaðleg undirboð
Morgunblaðið/Árni Sæberg
Útvarpsstjórinn Páll Magnússon segir að ekki verði ráðið af áliti Sam-
keppniseftirlitsins að RÚV hafi brotið gegn gildandi samkeppnislögum.