Fréttablaðið - 09.05.2009, Síða 88

60 9. maí 2009 LAUGARDAGUR
FÓTBOLTI Veigar Páll Gunnarsson er
enn að glíma við meiðsli sem hann
varð fyrir á æfingu með íslenska
landsliðinu fyrir leikinn gegn
Skotlandi um þarsíðustu mánaða-
mót. Í ljós kom að lærvöðvi rifn-
aði lítillega en hann er þó allur að
koma til.
„Ég fékk ekki rétta greiningu
fyrr en ég kom aftur til Frakk-
lands og þá fékk ég að vita að ég
yrði frá í fjórar vikur. Síðan eru
liðnar tæpar fimm vikur og ég er
enn að skríða saman,“ sagði Veig-
ar, sem leikur með franska úrvals-
deildarliðinu Nancy. Hann gekk í
raðir liðsins frá Stabæk í Noregi
í janúar síðastliðnum en hefur
aðeins komið við sögu í fimm
leikjum síðan þá.
„Nú eru fjórir leikir eftir á
tímabilinu og þar af eru tveir
strax í næstu viku. Ég verð
ekki með í þeim tveimur og
það er svo spurning um hina
tvo. Hins vegar er leikformið
mitt ekki upp á marga fiska
enda er ég ekki búinn að spila
neitt af viti síðan tímabilinu
lauk í Noregi.“
Hann segir þó að forráða-
menn Nancy hafi sýnt
sér þol inmæði .
„Þeir sögðu að ég
ætti að nota þetta
tímabil til að
koma mér fyrir
og læra betur á nýtt land og nýja
menningu. Það er næsta tímabil
sem telur hjá mér.“
Stabæk varð Noregsmeistari í
haust en hefur byrjað illa á núver-
andi tímabili – unnið aðeins einn
af fyrstu sjö.
„Það hefur verið erfitt að fylgj-
ast með gengi liðsins enda er ég
vitaskuld mikill Stabæk-maður.
Þetta kemur nokkuð á óvart þar
sem þeir misstu aðeins tvo leik-
menn eftir tímabilið en fengu 4-5
í staðinn. En ég vona að liðið fari
að rétta úr kútnum.“
Nancy er sem stendur í fjór-
tánda sæti frönsku úrvalsdeildar-
innar, sjö stigum frá fallsæti. - esá
Veigar Páll enn að jafna sig á meiðslum á læri sem hann hlaut á landsliðsæfingu í aprílbyrjun:
Veigar Páll spilar varla meira á tímabilinu
VEIGAR PÁLL
Hér með bún-
ing Nancy.
FÓTBOLTI Ungstirnið Theo Walcott
hefur skrifað undir nýjan lang-
tímasamning við Arsenal. Samn-
ingurinn er talinn renna út árið
2013.
„Ég er mjög ánægður með að
hafa skrifað undir nýjan samn-
ing. Ég er afar hamingjusamur
hjá félaginu og vil þakka öllum
sem hafa aðstoðað mig við að
taka framförum hérna,“ sagði
Walcott, sem kom frá Southamp-
ton árið 2006.
Arsene Wenger, stjóri Arsenal,
var að vonum hæstánægður með
þessi tíðindi.
„Theo er afar greindur leik-
maður sem hefur tekið miklum
framförum á þessari leiktíð,“
sagði Wenger en Walcott er afar
ánægður með stjórann sinn.
„Það er frábært að vinna með
besta knattspyrnustjóra heims
og spila á Emirates-vellinum. Það
er ótrúlegur staður til að spila
knattspyrnu. Ég vil spila hér
áfram og hlakka til að ná árangri
með þessu félagi,“ sagði Walcott
að lokum. - hbg
Theo Walcott:
Skrifaði undir
nýjan samning
THEO WALCOTT Ánægður með nýja
samninginn. NORDIC PHOTOS/GETTY IMAGES
HANDBOLTI Íslendingar verða
áberandi þegar úrslitahelg-
in í þýska bikarnum fer fram í
Hamburg um helgina.
Í dag fara fram undanúrslitin.
Þá mætast Hamburg og Gum-
mersbach í fyrri leik dagsins en
síðari leikurinn er ekki af verri
gerðinni en þá mætast Kiel og
Rhein-Neckar Löwen. Sá leikur
verður sýndur á Stöð 2 Sport og
hefst útsending klukkan 13.20.
Úrslitaleikurinn fer síðan fram
á sunnudag. Sá leikur verður
einnig sýndur á Stöð 2 Sport.
Róbert Gunnarsson verður í
eldlínunni með Gummersbach en
í hinum slagnum mætast Alfreð
Gíslason, þjálfari Kiel, og Guð-
jón Valur Sigurðsson, leikmaður
Löwen.
Liðin mættust á dögunum í
undanúrslitum Meistaradeildar-
innar. Þá fór Kiel illa með Löwen
í fyrri leiknum en Löwen marði
sigur í seinni leiknum.
Það sagði Guðjón Valur vera
afar mikilvægt því leikmenn
þyrftu að trúa því að þeir gætu
lagt hið ógnarsterka lið Kiel sem
þegar hefur tryggt sér þýska
meistaratitilinn. - hbg
Bikarhelgi í Þýskalandi:
Önnur lota hjá
Kiel og Löwen
GUÐJÓN VALUR Verður í lykilhlutverki
hjá Löwen í dag. NORDIC PHOTOS/GETTY IMAGES