Skinfaxi - 01.04.1944, Qupperneq 8

8
SKINFAXI
maðurinn og frelsið, þetta er sama og maöurinn og líf-
ið, sem hann er borinn til að njóta. Minnumst þess og,
að við erum dýru verði keyptir. Minnumst allra, sem
hafa jafnvel valið hið ómögulega vegna frelsisins.
Hamingjan fellur oklcur í skaut, fslendingum á þessu
vori. Er það of slór krafa, að allir rétti fram hjálpandi
hönd er fáninn okkar verður dregiun að hún i alfrjálsu
landi, þar sem engin bönd eru, nema eldsins og issins,
sem valda liinu undarlega umhverfi, er fóstrar íslenzka
þjóð, sérstæða og fædda til ævinlegs frelsis.
Það er ánægjulegt að íslenzkir ungmennafélagar
virðast einhuga um, að þeir vilji ekki tefla á tvær hætt-
ur og bíða. En við verðum að vera meira en einhuga,
við verðum að liefjast lianda og vinna fyrir hugsjón
frelsisins þessa vordaga. Það verður að fara fram
skipulegt starf félaganna, hvers í sínu byggðarlagi.
Ungmennafélagar eiga að hefja öflugan áróður og bar-
áttu fyrir mikilli og eindreginni sókn, er gengið verður
að kjörfundi nú i vor vegna sjálfstæðismálsins. Ef við
skiljum okkar vitjunartíma, ungmennafélagar, þá get-
um við nú skapað okkur ógleymanlegan lcafla í ferli
félagsskapar okkar og gerzt „Vormenn fslands“ að
nýju. Munum að kjörorð okkar er:
íslandi allt.
Gísli Andrésson Hálsi,
formaður Ungmennasambands Kjalarnessþings:
Allir eitt.
Við stöndum á tímamótum. Sú stund nálgast, að við
fslendingar endurheimtum frelsi okkar eftir nærfellt
sjö alda yfirráð erlendra þjóða. Um 30—40 ára skeið
hafa ungmennafélög starfað víðsvegar um landið, og
hefur fyrsti liður stefnuskrá þeirra verið sá að vernda