Skinfaxi - 01.11.1949, Page 28

92
SKINFAXI
fyrir, að Sigurður hefði þar eignazt hættulegan keppi-
naut í 500 m sundi, frjálri aðferð. Fyrstu 400 m
fylgdust þeir að, en síðan tók Sigurður sprett, sem
dugði honum.
Björn Jónsson sýnir jafnvægisæfingar á tvíslá.
Sundkeppnin naut sin ágætlega í veðurbliðunni, og
aðstaða samkomugesta til þess að fylgjast með var
ágæt. Héraðssambandið Skarphéðinn átti þar marga
ágæta keppendur, einkum í kvennasundinu og áttu
þeir sjáanlega sterk ítök í áhorfendahópnum. Allt var
það þó prúðmannlegt, þó spennandi væri á köflum.
Að loknu sundinu hófst glímukeppni, enda var nú
pallurinn orðinn vel hæfur. Jafnframt fór fram hand-
knattleikur kvenna og þrístökk niður á íþróttavellin-
um. Þetta var seinni hluti glímukeppninnar og vitan-
lega mjög spennandi, því nú dró til úrslita.
Glímumennirnir 14 voru frá 6 aðilum, 2 frá Ung-
mennasambandi Snæfellsness- og Hnappadalssýslu, 1 frá