Sjómannablaðið Víkingur - 01.01.1944, Blaðsíða 49

Laxfoss strandar
M/s. Laxfoss strandaði við Örfirisey 10. jan.
um kl. 17. 30. Var hann að koma úr Borgarnes-
ferð og voru unr 100 farþegar með skipinu. Var
austan rok þegar skipið strandaði og liafði verið
síðari hluta dagsins og gekk á með hríðarbyljum.
Nærri strax eftir að skipið tók niðri, hallaðist
það mjög yfir á stjórnborða og byrjaði að síga
niður að aftan, en stóð hátt uppi að framan. Ilafði
skipstjóri samband við Loftskeytastöðina í
Reykjavík. Leit í fyrstu mjög illa út um skipið og
helzt óttast að þarna yrði gífurlegt manntjón.
Freistuðust nokkrir menn úr skipinu að komast
í land á skipsbát, og lentu eftir nokkurn hrakning
í Ánanaustum við Grandagarðinn vestanverðan.
Voru það fyrstu mennirnir sem björguðust.
Dráttarbáturinn Magni fór úr Reykjavík á
strandstaðinn, en snéri skömmu síðar inn til Rvík-
ur aftur til þess að sækja björgunarbáta og fleka.
Eftir að hann kom út aftur í síðara skiptið, tókst
að koma innrásarpramma er setuliðið hafði lán-
að að Laxfossi og þannig selflytja fólkið úr skip-
inu yfir í Magna. Slysavarnafélagið gerði ráðstaf-
anir til björgunar úr landi, en mönnum kom sam-
an um að aðstaða öll til þess væri miklu verri
heldur en að bjarga af sjó, að ekki var horfið að
því ráði, þó var björgunarbátur dreginn einu sinni
á milli frá skipinu til lands og voru í honum
nokkrar stúlkur er voru farþegar með skipinu.
Fólkið seni um borð var varð allmikið hrakið,
þar sem skipið lagðist að miklu leyti á hliðina,
en fólkið margt og varð að hafast mikið við í
göngum skipsins bakborða og jafnvel á síðu skips-
ins, einkum var þetta bæði hættulegt og erfitt þar
sem veðurofsinn var áframhaldandi mikill og élja-
VlKINGUR
gangur, þar til með útfallinu að heldur lægði
veðrið. Fjöldi sjálfboðaliða úr landi aðstoðuðu við
björgunina. Fólkið um borð bar sig hið bezta og
hlustaði jafnvel á útvarpið alla kvölddagskrána
á meðan um borð var verið.
Rausnarleg gjöf
20. jan. s.l. ,voru formaður, gjaldkeri og ritari
fjársöfnunarnefndar dvalarheimilis aldraðra sjó-
manna kvaddir til viðtals hjá útgerðarfélaginu
Kveldúlfur h.f. Voru þar fyrir þeir Thorsbræður:
Richard, Haukur og Kjartan.
Eftir að hafa ávarpað viðstadda, afhenti
Richard Thors fyrir hönd eigenda. Kveldúlfs, for-
manni nefndarinnar, Sigurjóni Á. Ólafssyni spari-
sjóðsbók með 150 þúsund króna innstæðu, ásamt
eftirfarandi bréfi, er lýsir bezt tildrögum og til-
högun gjafarinnar:
„1 nokuð á 4. áratug höfum vér átt óslitið, náið
samstarf við íslenzka sjómenn.
Eftir þessa löngu viðkynningu berum vér mikla
virðingu fyrir þessari tápmiklu stétt og hlýjan
hug til hennar, enda stöndum vér í margvíslegri
þakkarskuld við sjómenn.
Sem lítinn vott þessa þakklætis höfum vér á-
kveðið að senda Byggingarsjóði dvalarheimilis
sjómanna — kr. 150.000.00 —- að gjöf, en bygg-
ingu dvalarheimilis teljum vér hið mesta hags-
munamál sjómaiina.
Engar kvaðir fylgja framlagi þessu, aðrar en
þær, að vér óskum eftir, að 13 herbergjum í vænt-
anlegri byggingu dvalarheimilisins verði gefin
þessi heiti:
Skallagrímur, Þórólfur, Egill Skallagrímsson,
Snorri goði, Snorri Sturluson, Arinbjörn hersir,
Gulltoppur, Gyllir, Iiekla, Borg, Mjölnir, Huginn,
Muninn, og að sjómenn sem starfað hafa hjá oss,
njóti forgangsréttar til dvalar í þeim ,að öðru
jöfnu.
Ef ætlað er, að andvirði hvers herbergis sé kr.
10.000.00, skal verja þeim kr. 20.000.00 sem um-
fram eru upp í kostnað við kaup á innanstokks-
munum í herbergin, í samráði við oss.‘ ’
Sigurjón A. Ólafsson þakkaði f. h. nefndarinnar
með stuttu ávarpi, þar sem hann gat þess, að það
væri alkunnugt, hve rausnarlega þeir Thorsbræð-
ur gæfu, en samt sem áður hefði sér komið svona
há fégjöf á óvart, og væri þetta stærsta gjöf, sem
dvalarheimilinu hefði borizt frá einu fyrirtæki, þó
margir aðrir hefðu gefið stórliöfðinglegar gjafir.
Með þessari höfðinglegu gjöf er söfnunin kom-
in upp í ca 610.000 krónur.
49