Sjómannablaðið Víkingur - 01.12.1979, Qupperneq 42

Frá 29. þingi Farmanna-
og fiskimannasambandsins
29. þing Farmanna- og fiski-
mannasambandsins var haldið í
Reykjavík síðustu viku í nóvem-
ber, og sátu þingið hartnær 70
fulltrúar frá aðildarfélögum sam-
bandsins víðsvegar að af landinu.
Hér á eftir fara flestar ályktanir,
sem þingið gerði um hina ýmsu
málaflokka svo sem stjórnun fisk-
veiða, kjaramál, öryggismál, o.fl.
Verða sumar þessar ályktanir
ræddar nánar í næstu blöðum.
Þingið ályktaði, að stjórnun fisk-
veiða væri nauðsynleg eins og nú
háttar til um stofnstærðir og sókn
víðs vegar frá landinu, en jafn-
framt krefst þingið þess, að fyrir-
hugaðar stjórnunaraðgerðir séu
kunngerðar um hver áramót
þannig að ljóst sé þegar í upphafi
árs hve mikið magn megi veiða af
hverri fisktegund, og hvenær
veiðistöðvanir verði.
29. þing F.F.S.f. mótmælir
harðlega þeim áformum borgar-
stjórnar Reykjavíkur, sem fram
hafa komið, um að taka af lóð
Sjómannaskólans undir bygging-
ar sem ekki tilheyra skólanum.
Þingið skorar á menntamála-
ráðuneyti, fiskimálasjóð og aðra
þá aðila sem leitað kann að verða
til, að veita nú þegar fé til að semja
Þingið skorar á menntamála-
ráðuneytið að sjá til þess, að ríkis-
útvarpið auki þjónustu sína á
stuttbylgjuútsendingu frétta með
því að fréttatímar útvarps kl.
19:00 og kl. 22:30 verði einnig
sendir út, eins og hádegisfréttir
eru sendar út nú.
Auk þess bendir þingið á að
víða umhverfis landið eru hlust-
unarskilyrði á mið- og langbylgju
mjög slæm og gerir kröfu til þess
að úr verði bætt.
Þingið skorar á stjórnvöld að
stórauka fjárveitingar til tækja-
námsefm fyrir sjávarútvegsbraut í
fjölbrautarskólum landsins.
Þingið beinir þeim tilmælum til
dómsmálaráðherra að hann láti
fara fram hið fyrsta rannsókn á
lögskráningu á íslensk skip, þar
sem grunur leikur á að lög um
lögskráningu og atvinnuréttindi
séu brotin víða um land.
Ný stjórn F.F.S.Í
Nýr forseti sambandsins
var kjörinn Ingólfur Fals-
son, skipstjóra- og stýri-
mannafélaginu Vísi í Kefla-
vík, en varaforseti Magni
Kristjánsson, skipstjóri
Neskaupstað. Aðrir í stjórn
sambandsins voru kjörnir:
Björn Ó. Þorfinnsson,
Ingólfur Ingólfsson, Reynir
Björnsson, Guðjón
Kristjánsson, Helgi Laxdal,
Garðar Þorsteinsson, Guð-
laugur Gíslason, Freysteinn
Bjarnason og Gunnar Ara-
son. Á fyrsta fundi nýkjör-
innar stjórnar var kjörin
framkvæmdastjórn, og
skipa hana, auk forseta
Garðar Þorsteinsson, ritari,
Helgi Laxdal, gjaldkeri og
Ingólfur Ingólfsson og
Guðlaugur Gíslason með-
stjórnendur.
42
VÍKINGUR