Sjómannablaðið Víkingur - 01.02.2000, Page 12

Keyptar aflaheimildir
Verðmæti þeirra 26
milljarðar króna
Samkvæmt lauslegu mati sem gert hef-
ur verið á óafskrifaðri eign sjávarútvegsfyr-
irtækja á keyptum aflaheimildum er verð-
mæti þeirra um 26 milljarðar króna á miðju
ári 1999. Kaup þeirra hafa að langmestu
leyti farið fram á allra síðustu árum en
samkvæmt mati Þjóðhagsstofnunar á
keyptum veiðiheimildum árið 1996 var
verðmæti þeirra þá um 12 milljarðar króna.
Þessar upplýsingar koma meðal annars
fram í svari viðskiptaráðherra við fyrirspurn
Bergljótar Halldórsdóttur (F) um sam-
hengi milli sölu veiðiheimilda og verðbólgu.
Svar ráðherra er raunar alfarið byggt á
greinargerð frá Seðlabankanum. Þar kem-
ur fram eftirfarandi:
Frá árinu 1994 og fram á mitt ár 1999
hafa skuldir sjávarútvegsins hækkað um
rúma 43 milljarðar króna á föstu verði
júníloka 1999 eða í 154 milljarða króna. Eru
þá talin saman öll lán innan og utan lána-
kerfisins. Skuldir sjávarútvegsins við lána-
kerfið (banka, fjárfestingarlánasjóði, eign-
arleigur og fleiri stofnanir, sem og útlönd)
hafa á sama tíma hækkað um 32 milljarða
á verði júníloka 1999. Á þessu tímabili hef-
ur verg fjármunamyndun í sjávarútvegi að
meðtöldum birgðabreytingum numið um
46 milljörðum á sambærilegu verðlagi. Við
þessa upphæð verður að bæta hlutdeild
sjávarútvegs í óflokkaðri fjármunamyndun,
bifreiðum til atvinnurekstrar og tölvubún-
aði. Má meta hana framreiknaða samtals á
um 8 milljarða króna á árunum 1994-99.
Heildarfjármunamyndun í sjávarútvegi á
þessu tímabili er því um 54 milljarðar króna
á verðlagi í júnílok eða 11 milljörðum hærri
en skuldaaukningin.
í greinargerð Seðlabankans er síðan vik-
ið að ráðstöfunarfé sjávarútvegsins. Þar
kemur fram að á þessu tímabili virðast
sjávarútvegsfyrirtæki hafa haft hartnær 120
milljarða til ráðstöfunar til fjárfestinga og
hafi þar af nýtt nær 55 milljarða til kaupa á
rekstrarfé. Þeim á að giska 65 milljörðum
sem eftir standi virðist því hafa verið ráð-
stafað með öðrum hætti innan sjávarút-
vegsins.
Seðlabankinn segir að með tilkomu nú-
verandi fiskveiðistjórnunarkerfis hafi orðið
veruleg eignaaukning í hagkerfinu þegar
aflaheimildir urðu verðmætar. Þetta hafi
valdið því að heildarverðmæti eigna hafi
vaxið og „eigendur veiðiheimilda efnast
sem því nemur.“ Þessi niðurstaða bankans
kemur fáum á óvart. í greinargerð hans er
fyrirspurn Bergljótar Halldórsdóttur um
samhengi milli sölu og veiðiheimilda í raun
ekki svarað heldur slegið úr og í. ■
Ryðfríir
stálbarkar
fyrir
Barkasuða Guðmundar ehf.
Vesturvör 27 • 200 Kópavogur
Sími: 554 I66I • Fax: 554 4220
GSM: 896 4964 • 898 2773
Kt. 621297 2529

Hitaveitur • Pústkerfi • Vatnslagnir
Olíulagnir • Frystikerfi • Loftlagnir
Viðgerðir og smíði á þenslumúffum
12
Sjómannablaðið Víkingur