Sjómannablaðið Víkingur

Árgangur

Sjómannablaðið Víkingur - 01.02.2006, Blaðsíða 18

Sjómannablaðið Víkingur - 01.02.2006, Blaðsíða 18
Guðmundur Örn Guðjónsson og sonur hans, Kristjdn Már. Guðmundur Örn jlutti erindi og hvatti til kaupa d öjlugum drdttarbátí. Kristjáns Vilhelmssonar, en hann var einn ræðumanna á fundinum og kom með skemmtilegar ádrepur. • Kristján spurði hvort ekki væri orðið tímabært að endurskoða vaktalögin á stærri skipunum. Rannsóknir hefðu sýnt að sjómenn næðu yfirleitt ekki góðum svefni. „Væri það ekki gott yfir svartasta skammdegið að vera á dagvakt annnan- hvern dag og fá eina vakt á sólarhring með lengri svefntíma?" spurði Kristján. • Sjónvarpið stelur svefni frá mörgum sjómanninum, er skoðun Kristjáns. Og hvaða vit er að hafa sjónvarp í hverjum klefa, velti hann fyrir sér. „Er ekki allt of einmanalegt og getur það ekki valdið depurð og leiða að sitja einn inni í klefa og horfa á sjónvarp, ég er þeirrar skoð- unar." Auk þessa benti Kristján á að sjónvörp væru skæðir íkveikjuvaldar og hvaða vit væri þá að hafa þau „ ... jafnvel í kojunni sinni?" • Léttbátar voru Kristjáni ofarlega í huga sem hann sagði vandmeðfarin tæki: „ ... menn virðast ekki gera sér grein fyrir því hvernig þessir bátar eru í sjó, og þá sér- staklega hvernig þeir verja sig upp við skipshlið. Á þessu er nauðsyn að gera bragarbót og sjómenn ættu að sjá nauð- syn þess að sækja námskeið sem eru í boði um notkun þeirra." Bókin, í fréttum var þetta helst, geymir gamansögur af ís- lensku fjölmiðlafólk. Gluggum örlitið i þetta ágæta rit. • Steingrímur Hermannsson, framsóknarmaður og fyrrverandi forsætisráðherra, varð eitt sinn fyrir því óláni, að saga framan af einum fingra sinna. Skömmu seinna var hann í sjónvarpsviðtali hjá Ómari Ragnarssyni og afgreiddi fréttamaðurinn þetta óhapp á þann hátt, að „Steingrímur væri eini ráðherrann í sögu ís- lenska lýðveldisins sem hefði minnkað i embætti." • Ómar Ragnarsson var á sínum yngri árum íþróttafréttamaður hjá Sjónvarpinu og var þá einhverju sinni að lýsa kappakstri. Sást þá, aldrei þessu vant á þeim vettvangi, rússneskur kappakstursbíll og skipti engum togum, að hann var keyrður í klessu. Um leið sagði Ómar: „Það mundi nú ekki duga hamar og sigð til að rétta hann, þennan." • Eitt sinn var Ómar að lýsa knattspyrnuleik fyrir sjónvarpsá- horfendum og varð þá smávegis fótaskortur á tungunni undir lok viðureignarinnar. Hann sagði: „Leiktíminn er alveg að renna út. Dómarinn er kominn með klukkuna upp í sig." • 18 - Sjómannablaðið Vikingur Ómar hefur margsinnis aðstoðað Bubba Morthens í boxlýsing- um á Sýn og svo mikil er innlifun þeirra, að vafalítið eru þeir orðnir bláir og bólgnir þegar upp er staðið frá atkvæðamestu slagsmálunum - engu síður en sjálfar bardagahetjurnar. Og ekki gekk lítið á hjá þeim Ómari og Bubba þegar Tyson og Holyfield áttust við hérna um árið með eftirminnilegum hætti; annar nartaði jú aðeins í eyra hins, en atburður þessi varð einmitt kveikjan að eftirfarandi limru Ragnars Inga Aðalsteinssonar: Við að sjá þessa lemjandi lubba mig langaði mest til að gubba. Það var orrusta heit - en hvers vegna beit ekki Ómar í eyrað á Bubba? • Spurningar fréttamanna á vettvangi geta oft á tíðum orðið nokkuð ankannalegar í hita leiksins einsog þessi saga ber með sér. Jóhann Hauksson fréttamaður fór eitt sinn á vettvang uppá Kjalarnes þar sem mörg hundruð hænur höfðu kafnað í elds- voða á kjúklingabúi. Og þar sem Jóhann stóð við hlið kjúklingabóndans innan um hrannir af dauðum hænum kom spurningin: „Hvernig er það, þola hænur illa reyk?"

x

Sjómannablaðið Víkingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sjómannablaðið Víkingur
https://timarit.is/publication/335

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.