Sjómannablaðið Víkingur

Árgangur

Sjómannablaðið Víkingur - 01.02.2006, Blaðsíða 44

Sjómannablaðið Víkingur - 01.02.2006, Blaðsíða 44
Skagfirska uppsveiflan! Þróunarsetur Hólaskóla stofnað á Sauðárkróki I! ¦ mmmbbI !¦¦¦¦¦& Ný aðstaða til rannsókna og kennslu á sviði jiskeldis, fiskalíffrœði og matvœlavinnslu. Þróunarsetur Hólaskóla - Háskólans á Hólum var stofnað þann 7. mars síðastliðinn við höfnina á Sauðárkróki. Þróunarsetrið er staðsett 1 Verinu, sem er rannsókna- og kennsluaðstaða sem Há- skólinn á Hólum og FISK Seafood hafa komið upp. Þróunarsetrinu er ætlað að stuðla að fjölbreyttum rannsóknum á sviði fiskeldis, fiskalíffræði, matvæla- vinnslu og fleiri greinum. Þróunarsetrið er samstarfsverkefni Rannsóknastofnunar fiskiðnaðarins, Háskóla íslands og Há- skólans á Akureyri. Gert er ráð fyrir því að fleiri aðilar komi í framtíðinni að Þró- unarsetrinu. Starfsemi Þróunarsetursins verður fjármögnuð með rannsóknastyrkj- um og framlögum þeirra stofnana sem að verkefninu standa. Rannsóknastyrkir og ýmsar sértekjur vegna rannsókna- og þró- unarverkefna, sem þegar eru hafin í Þró- unarsetrinu, nema um 40-50 milljónum króna á ári og skólarnir greiða fyrir afnot af kennsluaðstöðu i samræmi við notkun. Einnig leggja sjávarútvegs- og iðnaðar- ráðuneytið fram 6 milljónir á ári til þess að fjármagna störf rekstrarstjóra og stjórn- un setursins. Það er því ljóst að starfsemin stendur þegar á traustum grunni. Um leið og þróunarsetrið var opnað var tilkynnt að þar verði sett upp próteinverksmiðja sem er tilraunaverk- efni í samstarfi FISK, Rannsóknastofnun- ar fiskiðnaðarins og Háskólans á Hólum. Próteinverksmiðjan mun nýta afskurð og annað sem fellur til í fiskvinnslu til þess að framleiða próteinþykkni. Prótein- þykknið má siðan nýta á ýmsa vegu bæði við vinnslu fiskafurða og t.d. sem bæti- efni fyrir íþróttafólk. Þegar hefur verið aflað styrkja til verkefnisins. í Verinu hefur verið byggð upp afar fullkomin aðstaða til fiskeldis- og fiska- liffræðirannsókna sem jafnast á við það besta sem þekkist í heiminum. Þar er einnig kennsluaðstaða fiskeldis- og fiska- líffræðideildar Háskólans á Hólum. Fjöl- mörg rannsóknaverkefni eru þegar hafin í Þróunarsetrinu sem tengjast m.a. fóður- þörf bleikju og þorsks, eldi á lúðu auk fjölbreyttra rannsókna á þróunarvistfræði fiska. Þróunarsetrið mun taka virkan þátt í uppbyggingu fiskeldis á íslandi, enda er ljóst að öflug rannsókna- og þróunar- vinna er forsenda þess að fiskeldi geti orðið sterkur atvinnuvegur hér á landi. í Verinu er kennsluaðstaða fiskeldis- og fiskalíffræðideildar Háskólans á Hól- um. I boði er eins árs og þriggja ára nám í fiskeldi- og fiskalíffræði. Skólinn sér einnig um kennslu i fiskeldi- og fiskalíf- fræði í samvinnu við aðra háskóla. Má þar nefna að nú er verið að byggja upp sameiginlegt nám á þessu sviði með Há- skólanum á Akureyri og Háskóla íslands. Einnig er fjöldi meistara- og doktors- nema að vinna að rannsóknaverkefnum undir leiðsögn sérfræðinga Þróunarset- ursins. Það er markviss stefna þróunar- setursins og Háskólans á Hólum að tengja sem mest saman kennslu og rann- sóknir m.a. til þess að tryggja að nýjung- ar eigi greiða leið út í atvinnulífið. Háskólinn á Hólum sá um að innrétta kennslu- og rannsóknaaðstöðuna í Ver- inu með veglegum framlögum frá iðnað- arráðuneytinu, landbúnaðarráðuneytinu og Framleiðnisjóði landbúnaðarins. FISK Seafood á hins vegar húsnæðið og annað- ist nauðsynlegar breytingar á því. Fyrir- tækið átti líka frumkvæði að því að farið var í þessa uppbyggingu á Sauðárkróki og hefur lagt umtalsverða fjármuni í verkemið. Hagsmunir fyrirtækisins af þessu verkefni eru margvíslegir og Þró- unarsetrið mun hafa jákvæð áhrif á sam- félagið í Skagafirði. í kringum þróunar- setrið munu byggjast upp öflugar rann- sóknir sem tengjast og styðja starfsemi FISK og annarra matvælavinnslufyrir- tækja í Skagafirði. Þegar er mikið sam- starf milli Hólaskóla og fiskeldisfyrirtæk- isins Hólalax. FISK á aðild að tilrauna- verkefninu um próteinverksmiðjuna og fleiri verkefni eru ráðgerð. Þeir aðilar sem koma að Þróunarsetrinu hafa þegar með sér öflugt samstarf og fyrirsjáanlegt er að það muni aukast enn frekar. Þróun- arsetrið mun laða vel menntað fólk til Skagafjarðar, sem er fært um að afla styrkja til rannsóknaverkefna og þróun- arvinnu. Með því að skapa Þróunarsetr- inu aðstöðu er FISK að velta af stað snjó- bolta sem mun hlaða utan á sig og renna styrkum stoðum undir atvinnulíf í Skagafirði. Helgi Thorarensen, deíldarstjóri Fiskeldis- og jiskaliffrœðideild Háskólans á Hólum 551 Sauðárkrókur Netfang: helgi@holar.is Sími: 455 6300 Fax: 455 6301 www.holar.is 44 - Sjómannablaðió Víkingur

x

Sjómannablaðið Víkingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sjómannablaðið Víkingur
https://timarit.is/publication/335

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.