Náttúrufræðingurinn - 2000, Page 59

26. mynd. Þróun átta stofna af þríbrotum, eins og hún var lesin úr steingervingum frá
ordóvisíumtíma í Wales. Lóðrétti ásinn spannar þrjár milljónir ára. Breytileikinn er
túlkaður sem fjöldi rifja í halalið (pygidium) dýranna. Myndin bendir til óslitinnar
þróunar fremur en slitrótts jafnvœgis. (Ridley 1996.)
trúverðuga skýringu á því hvernig lífið hefði
orðið til.
Aleksandr Ivanovítsj Oparín (1894-
1980), rússneskur lífefnafræðingur (27.
nrynd), setti fram kenningu um að efnið á
jörðinni hefði þróast og orðið sífellt
flóknara uns af því hefðu orðið til fyrstu
lífverurnar. Áður höfðu menn talið að
fyrstu lífsformin hlytu að hafa verið
frumbjarga, þ.e. fær urn að mynda lífræn
efni úr ólífrænum eins og plöntur nú á
tímum. Oparín gekk hins vegar út frá því
að flókin lífræn efni hefðu myndast við
þróun efnis og fyrstu lífverurnar hefðu
ekki aðeins fengið úr þessari „frumsúpu“
hafsins hráefni í líkama sína heldur lfka
fæðu. Síðar, eftir að lífverum fjölgaði
verulega, hefðu lífrænu efnin í hafinu ekki
nægt þeim til framfærslu og þá hefðu
fyrstu frumbjarga lífverurnar þróast.
(Oparin 1960, 1961.)
Margir líffræðingar og efnafræðingar hafa
þróað þessar hugmyndir frekar. Meðal
annars hafa menn sett upp tilraunir þar sem
líkt var eftir þeim aðstæðum sem talið er að
hafi ríkt hér á jörð um þær mundir sem líf
kviknaði í öndverðu. 1 þessum tilraunum
urðu til ýmis flókin lífræn efni sem Oparín
hafði áður talið að hefðu verið hráefni í hinar
fyrstu lífverur.
27. mynd. A.í. Oparín. (Tass - Sovfoto.)
121