Náttúrufræðingurinn - 2000, Blaðsíða 66

Tilvitnanir
LEIÐRÉTTING OG VIÐBÆTUR
Bent hefur verið á að í grein minni um tilvitnanir í Náttúrufræðingnum (69 (1): 19-26, 1999) fari
ég rangt með skírnarnafn Egils Haukssonar og nefni hann þar Emil. Beðist er velvirðingar á
því en í Science Citation Index kemur aðeins fram eftirnafn vísindamanns og upphafsstafur
skírnarnafns þ.e. Hauksson E. Til fróðleiks má geta þess að Egill hefur þegar fengið 37
tilvitnanir það sem af er þessu ári og hækkað um sæti á heildarlistanum.
í greininni gat ég þess að í síðustu yfirferð hér heima hafi ég rekist á nokkur nöfn sem þyrfti
að kanna betur erlendis þar eð heintildir hér á landi ná aðeins aftur til 1978. Þessu er lokið og
tveggja einstaklinga skal getið. Jón Löve Karlsson læknir (bróðir Áskels) átti 670 tilvitnanir til
ársloka 1998 og Geirmundur Árnason veðurfræðingur 180.
Birgir Guðjónsson.
Fréttir
Lækning á beinþynningu?
Milljónir aldraðra manna um allan heim þjást af beinþynningu, þar sem stoðefni beinanna
rýrnar og beinbrot verða tíðari. Til þessa hafa læknar aðeins getað seinkað þessu ferli. Nú
hillir undir aðferð til að snúa vörn í sókn — að styrkja gömul bein í stað þess að draga úr
þynningu þeirra.
Áfastir skjaldkirtli eru Ijórir smávaxnir innkirtlar, kalkkirtlamir. Þeir gefa frá sér hormón sem
temprar kalkmagnið í blóði. Frumur í beinvef, eins og í fleiri vetjum líkamans, endurnýjast við
skipulegt „sjálfsvíg" (apoptosis) frumna, sem með því þoka fyrir nýjum, og tilraunir við
læknaháskólann í Little Rock í Arkansas hafa leitt í ljós að með því að sprauta
kalkkirtilhormóni í mýs má draga tífalt úr sjálfsvígstíðni beinmyndunarfrumnaog auka með
því beinmassann.
Eftir er að prófa hormónagjöfina á mönnum, og sérfræðingar telja að fimm til tíu ár muni líða
áður en ljóst verði hvort hún komi að gagni og aukaverkanir séu innan þolanlegra marka.
128
Robert Adler: Body builder.
New Scientist 28. 8. 1999.
Örnólfur Thorlacius endursagði.