Náttúrufræðingurinn - 1998, Page 13

11. mynd. Horft vestur yfir Hestmýri af Mávahlíðarmelum í lok maí 1997. Skurðirnir sem
fylltir voru haustið áður sjást á myndinni. I forgrunni eru þeir Arni Waag, Jeff Nania,
Sigmundur Einarsson og Níels Arni Lund. - A view across the restored mire at Hestur, in
May 1997. The ditches filled in the previous autumn can be seen. Mynd/photo: Borgþór
Magnússon.
háðar eru hárri vatnsstöðu, eru, eins og sjá
má, að mestu bundnar við blautustu reitina
og sama er að segja um fjalldrapa, sem vex í
þúfum í mýrinni. Dregið hefur úr þekju
þessara tegunda við framræsluna. Grasteg-
undirnar túnvingull og snarrót finnast hins
vegar og eru með nokkra þekju í reitum þar
sem jarðvatnsstaða er lág en báðar þessar
tegundir jukust í gróðri eftir framræslu mýr-
arinnar (10. mynd).
Þessar niðurstöður um gróðurfar í reitunum
og fylgni þess við jarðvatnsstöðu má nota til
að meta árangur af fyllingu skurðanna og líkur
á því að gróður mýrarinnar sæki í fyrra horf. I
lok júlí 1997 var jarðvatnsstaða í flestum reit-
anna innan við 40 sm frá yfirborði (3. mynd).
Gefur það til kynna að skilyrði hafi verið
sköpuð að nýju fyrir tegundir sem eru háðar
hárri jarðvatnsstöðu. Engin þeirra tegunda
sem voru algengar fyrir framræsluna hefur
horfið úr mýrinni og ætti það að auka líkur á
að endurheimt verði árangursrík. Búast má
við að gróðurbreytingar í mýrinni taki
allmörg ár, en áframhaldandi rannsóknir á
svæðinu ættu að leiða það í ljós (11. mynd).
■ KOLAVATN í HOLTUM
Kolavatn er í landi jarðarinnar Þjóðólfshaga
II í Holtum í Rangárvallasýslu og liggur það
í mýri skammt austan Landvegar, um 3 km
ofan við Vegamót. Það er líkara tjörn en
vatni, þar eð það er grunnt (< 1 m) og aðeins
6,5 ha að flatarmáli (12. mynd). Fyrr á árum
hélst vatn í því að jafnaði. Þó kom fyrir að
það þornaði að mestu upp í þurrum sumrum.
Lítill lækjarfarvegur liggur að því af mýrar-
svæðinu norðaustan við það og afrennsli er
úr vatninu til vesturs (12. mynd). Árið 1961
var grafinn djúpur framræsluskurður með-
fram Landvegi og er skurðurinn í aðeins 40
m fjarlægð frá vatninu. Við þessa aðgerð
ræsti vatnið sig og lækkaði vatnsborð þess
11