Náttúrufræðingurinn - 1990, Blaðsíða 19

mannshöfuð.) Sá hluti heiðalanda, er
ég skoðaði 1948, var einungis næst
byggðum í Inn-Fljótshlíð og undir
Eyjafjöllum. En athuganir mínar á
þeim stöðum þykja mér benda ótví-
rætt í þá átt, að þar sé enn meiri hætta
á ferðum, að meiri landspjöll hljótist
af en enn þá er orðið. Uppblásturs-
hætta er þar hvarvetna mikil, og hefur
hún vitanlega aukizt mjög við þau
kynstur af ösku og vikri, sem borizt
hefur yfir landið. Hið eina afl, sem
heldur uppblæstrinum í skefjum, er
gróðurinn. Ég tel það sýnt, að hann á
þessum slóðum sé í sárum eftir ösku-
fallið, og mótstöðuþróttur hans gegn
uppblæstrinum því minni en ella, auk
þess, sem hinn nýfallni vikur mun sí-
fellt særa grasrótina að nýju, ef hann
nær að fjúka til. Af þessum sökum
teldi ég að réttast væri nú um sinn,
meðan gróðurinn er að rétta við á
heiðalöndunum, en það gerir hann
væntanlega á nokkrum næstu árunum,
að friða þau fyrir ágangi búfjár. Frið-
un í eitt til tvö ár rnundi gera ótrúlega
mikið gagn, og ef til vill verða full-
nægjandi. Slík friðun veldur að vísu
óþægindum meðan á henni stendur,
en mundi þó áreiðanlega endurgjalda
þann kostnað margfaldlega með því
að skapa aukið öryggi gegn uppblæstri
og eyðingu landsins, og flýta fyrir
endurgróðri þess lands, sem þegar
hefur spillzt. Það sem ég sá og reyndi í
ferð minni um öskusvæðið, sannfærði
mig um, að ég hafði í engu ofmælt í
samtali því, sem getur í byrjun þessa
þáttar. Trú mín á gróðurmátt ís-
lenzkra plantna var orðin veruleiki.
Mátti ég að því leyti vel við una.
SUMMARY
Vegetation and tephra.
Observations from the summer
of the Hekla eruption, 1947
by
Steindór Steindórsson
Hafnarstrœti 94
IS-600 AKUREYRI
Iceland
The author discusses the effect of the
explosive tephra producing eruption of
Hekla in 1947 upon the vegetation of ad-
jacent areas.
13