Fréttablaðið - 27.06.2009, Page 56

28 27. júní 2009 LAUGARDAGUR
Hvers konar tónlist ert þú að
fást við? Alls konar, lærði klassík
en finnst gaman að gera tilraunir
með röddina.
Hvenær varstu hamingjusöm-
ust? Ég er hamingjusöm núna.
Ef þú værir ekki tónlistar-
maður, hvað myndirðu þá vera?
Atvinnuferðamaður.
Hvað er það dýrasta sem þú
hefur nokkurn tímann keypt þér?
Íbúðin mín.
Hvað er það versta sem nokkur
hefur sagt við þig? Vertu úti.
Ef þú byggir ekki í Reykjavík,
hvar vildirðu búa? Í Berlín.
Uppáhaldstónlistarmaður/kona
og af hverju? Það eru svo marg-
ir flottir tónlistarmenn og erfitt
að velja en mér dettur í hug hann
Theo Bleckmann, því hann er
snillingur og frábær manneskja.
Draumahelgin þín í einni
setningu? Hótel Búðir í fallegu
veðri.
Hvert er versta starf sem þú
hefur nokkurn tímann gegnt?
Pokadýr í stórmarkaði.
Uppáhaldsstaðurinn þinn á
jörðinni? Snæfellsnes.
Hvers konar tónlist hefur
mest áhrif á þig og hvaða lag
ertu að hlusta mest á í dag? Ég
hlusta á alls konar tónlist, en
þessa dagana mikið á heimstón-
list og barokk. Hvað ég hlusta á
fer reyndar algjörlega eftir því
hvernig skapi ég er í. Akkúrat
núna er ég með flottu nýju TYFT-
plötuna hans Hilmars Jenssonar
í spilaranum.
Ef þú ættir tímavél, hvert
myndirðu fara og af hverju? Ég
myndi fara til Egyptalands á
tímum faraóanna og fara í mat
hjá Kleópötru til að fá nokkur
fegurðarráð.
Er eitthvað sem heldur fyrir
þér vöku á nóttunni? Nei, í raun-
inni ekki.
Ef þú gætir breytt einhverju
í fortíð þinni, hvað myndi það
vera? Hmmm... er bara frekar
sátt.
Hvenær fékkstu síðast hlátur-
skast? Áðan.
Áttu þér einhverja leynda
nautn? Súúúkkkulaði.
Uppáhaldsbókin þessa stund-
ina? A New Earth eftir Eckhard
Tolle.
Hvaða núlifandi manneskju
lítur þú mest upp til? Vá, það eru
svo margir, get ekki valið.
En hvaða núlifandi manneskju
þolirðu ekki? Við erum öll bræð-
ur og systur og elskum hvert
annað... er það ekki?
Uppáhaldsorðið þitt? Vega-
vinnuverkamannaskúralykla-
kippa.
Hvaða eitt atriði myndi full-
komna lífsgæði þín? Ótakmark-
aður aðgangur að flugvélum.
Hvaða lag á að spila í jarðar-
förinni þinni? Top of the World
með Carpenters.
Hvað verða þín frægu hinstu
orð? Nú, er þa‘kki bara.
Hvað er næst á dagskrá? Tón-
leikaferðalag um landið með
hinum dásamlegu vinum mínum
í Mógili. Hljómsveitar meðlimir
búa í tveimur löndum og þess
vegna eru alltaf miklir fagnað-
arfundir þegar við hittumst. Í
þessari ferð ætlum við að spila á
Sólheimum í Grímsnesi, í Reykja-
vík, á Siglufirði og á Akureyri.

sigridur@frettabladid.is
Draumamatarboð hjá Kleópötru
HEIÐA ÁRNADÓTTIR Hljómsveit hennar Mógil var tilnefnd til íslensku tónlistarverðlaunanna 2008 í flokki klassískrar tónlistar en tónlistinni verður betur líst sem tilrauna-
kenndri tónlist sem sækir innblástur í þjóðlög, djass og klassík enda meðlimir sveitarinnar með fjölbreyttan bakgrunn sem tónlistarmenn. Fréttablaðið/Stefán
ÞR
IÐ
JA
G
R
Á
Ð
A
N
FULLT NAFN: Ragnheiður Árnadóttir
STARFSFERILL Í HNOTSKURN: Söngkona, söngkennari í Lista-
skóla Mosfellsbæjar og flugfreyja hjá Iceland Express.
FÆÐINGARÁR OG HVAÐ GERÐIST MARKVERÐAST Á ÞVÍ ÁRI?
Fæddist árið 1971. Þá varð Alan Shepard fyrsti maðurinn sem
spilaði golf á tunglinu, hann smyglaði golfkúlu og kylfu inni í
geimfötunum sínum!
Heiða Árnadóttir,
söngkona hljómsveitar-
innar Mógils, væri al-
veg til í að vera atvinnu-
ferðamaður. Mógil er
á snarpri tónleikaferð
um landið; spilar á
Sólheimum í Grímsnesi
í dag, í Fríkirkjunni í
Reykjavík næsta þriðju-
dag og síðan er förinni
heitið norður.
■ Á uppleið
Moonwalk Nú hljóta dansskólarnir
að fara að taka aftur upp Michael
Jackson-dansana sem voru svo vin-
sælir á 9. áratugnum.
Landsbyggðin Þótt Reykjavík geti
varla talist ein af mest spennandi höf-
uðborgum heims eru íslenskar sveitir
örugglega einstakar.
Ljósmynda-
blogg Fæst
orð hafa
minnsta
ábyrgð. En
ein mynd
segir meira
en þúsund
orð.
Klipping í herrafataverslun Það
er gaman að ferðast aftur í tímann.
Það er hægt að gera með því að fara
í klippingu í miðri Herrafataverslun
Kormáks og Skjaldar.
■ Á niðurleið
Sólin Það er staðreynd sem ekki
verður tjónkað við að bjartasti dagur
ársins er liðinn.
Langtímagremja Lífið er of stutt til
að vera í fýlu mánuðum saman.
Glansstaðir Núna
leggja allir nýir
barir og kaffihús
mest upp úr
þægilegu og
óstíliseruðu
umhverfi.
MÆLISTIKAN