Andvari - 01.01.2006, Side 69

hjalti hugason
. gef beyg og trega engan
griðastað."1
Svar Snorra Hjartarsonar við firringunni
Blær vertu, ljóð mitt,
í sefinu við Styx
og syng þeim fró og svæfðu
þá sem bíða.2
Inngangur
Á liðnu vori voru hundrað ár liðin frá fæðingu Snorra Hjartarsonar skáids
en hann fæddist að Hvanneyri í Borgarfirði 22. apríl 1906 (d. 27. desember
1986).
Hinn eiginlegi skáldferill Snorra hófst lýðveldisárið 1944. Síðasta hrein-
ritaða ljóð hans er dagsett 8. ágúst 1984.3 Áður en fyrsta ljóðabókin kom út
hafði hann gefið út einu skáldsögu sína, H0it flyver ravnen, sem kom út í
Osló 1934 og birt fimm kvæði í tímaritunum Eimreiðinni og Iðunni 1930 og
1931. Alls sendi Snorri frá sér fjórar ljóðabækur: Kvæði (1944) þegar hann var
38 ára gamall, Á Gnitaheiði (1952) þegar hann var 46 ára, Laufog stjörnur
(1966) þegar hann stóð á sextugu og loks Hauströkkrið yfir mér (1979) þegar
hann hafði þrjú ár um sjötugt. Bækurnar dreifðust því á hálfan fjórða áratug.
Leið tæpur áratugur milli fyrstu tveggja bókanna en rúmur áratugur var milli
bóka eftir það. í Kvæðum birtist 21 ljóð, 32 birtust í Á Gnitaheiði, 53 í Laufi
°g stjörnum og 45 í Hauströkkrinu. Auk þess birtust 26 ljóð sem Snorri lét
eftir sig óbirt í heildarútgáfum kvæða hans 1992 og 2006. Alls gera þetta 177
Ijóð á 40 árum.
Þetta tölfræðilega yfirlit er ekki tekið saman til að kasta máli á framlag
Snorra til íslenskrar ljóðagerðar eða meta hvort það geti talist mikið eða lítið
að vöxtum. Tölunum er þvert á móti ætlað að varpa ljósi á að það var full-
þroska og síðar aldraður maður sem stóð að baki ljóðunum allt frá fyrstu bók,
sem og hitt að Snorri hefur gert ítrustu kröfur til verka sinna. Þá sýnir það
þá gagnrýni sem skáldið beitti verk sín að það hélt æskuverkum sínum og
skáldskapartilraunum ekki til haga í bókum sínum og kom því fram sem full-