Andvari - 01.01.1949, Side 56

Hákon Bjarnason
ANDVAM
52
Cembrafuran hefur náð furðu góðum þroska á Hallorms-
stað, þar sem skjóls hefur notið af birki. Hins vegar reyndist
hún miður á Þingvelli. Að vísu hefur hún komizt þar í 4
metra hæð, en frost hafa oft leikið hana illa. Einnig hættir
henni til að setja tvo endasprota, en slíkt munu afleiðingar
kals.
Hvítgrenið hefur hvergi náð neinum þroska svo að teljandi
sé. Enda er þess ekki að vænta, þegar fræið er tekið langt
suður í Canada. Þó hafa mörg þeirra hjarað, án þess að bæta
miklu við vöxt sinn.
Fjallafuran er stórvaxinn runnur, en eklci tré. Hún liefur
náð furðanlegum þroska allvíða. Hæst mun hún vera á Hall-
ormsstað, þar sem hún er nærri 8 metrum. Verður hún sjaldan
liærri í heimkynnum sínum. Við Rauðavatn er vöxtur hennar
minnstur, enda stendur hún þar of nálægt sjó. Fjallafuran
gefur fremur lítinn við af sér, og ekki er unnt að nota hann
til annars en eldsneytis svo að nokkru nemi. En með vexti
sínum bætir hún mjög frjósemi jarðvegsins, og er því oft
gróðursett greni í skjóli hennar.
Auk þeirra trjáa, sem hér eru talin, voru nokkrar aðrar
tegundir settar hér í stöðvarnar. Þroslci þeirra hefur verið
ærið misjafn. Einstaka hafa náð furðu góðum þroska, og af
þeim má nefna nokkur rauðgrenitré, aristatafuru og síberíuþin.
Rauðgrenið hefur náð 8 metra hæð og borið þroskað fræ.
Aristatafuran hefur líka þroskað fræ nokkrum sinnum, og hún
befur aldrei orðið fyrir neinu áfalli af völdum veðurfarsins.
En hún hefur vaxið mjög hægt og eigi náð mikilli hæð. Sí-
beríuþinurinn hefur átt freinur erfitt uppdráttar og vaxið
liægt. Þó eru til fáein snotur tré af þessari tegund á Hallorms-
stað. Annars staðar hefur hún brugðizt. Lauftré þau, sem
gróðursett voru um þetta leyti, hafa yfirleitt dafnað fremur
illa. Standa þau öll barrtrjánum langt að baki.
Þetta, sem hér hefur verið greint, verður að nægja um hinar
fyrstu tilraunir með erlendar trjátegundir. Ýmislegt má af
þeim læra, enda þótt eig'i hafi verið eins vel til þeirra stofnað
og æskilegt hefði verið. En úr því að nokkrar trjátegundir,