Stúdentablaðið - 17.06.1944, Blaðsíða 10

ingarefni fékkst ekki, og varð því að hætta
við þessa ráðagerð. Var þá horfið að því ráði
að leigja gamalt hús við Tjarnargötu og
breyta því í kvikmyndahús, og ber það nafnið
Tjarnarbíó.
Tilgangur með þessu gróðabrölti var að
auka tekjur Sáttmálasjóðs, eru þær aðalllega
notaðar til bókakaupa, til styrktar framhalds-
náms kandidata og til styrktar vísindastarf-
semi. Fyrirsjáanlegt var, að fastar tekjur
sjóðsins myndu hrað minnka vegna vaxandi
dýrtíðar og lækkandi peningagildis.
Húseignina Austurstræti 5 seldi Sáttmála-
sjóður Búnaðarbanka íslands í vetur, en
bankinn hefur lengi haft augastað á lóð þess-
ari til bankabyggingar.
Með lögum frá síðasta Alþingi var háskól-
anum veitt framlenging á rekstri happdrætt-
is til ársins 1960.
Háskólinn er þingi og stjórn mjög þakklát-
ur fyrir þessi miklu hlunnindi, er það hið
mesta áhugamál, að fé því, sem þannig á-
skotnast, verði varið sem bezt til nauðsyn-
legra bygginga og umbóta.
Fyrirhugaðar byggingarframkvæmdir á
háskólalóðinni eru nú sem stendur þessar:
a) Leikfimishús og íþróttahús. Áformað
hefur verið að bygging þessi skuli standa á
suðvesturhorni lóðarinnar meðfram Melaveg.
Ráðgert er að byggja þetta hús í tvennu lagi,
fyrst — helzt á þessu ári — leikfimishús, og
verður stærð þess 30 x 13 metrar.
Síðar meir, þegar um hægist og byggingar-
kostnaður lækkar, er ætlunin að bæta við
þessa byggingu fullkomnu íþróttahúsi fyrir
handknattleik og tennis.
Bygging þessi öll verður mjög stór, 60 x 30
metrar. Rætt hefur einnig verið um bygg-
ingu opinnar sundlaugar, en allt er það í ó-
vissu.
b) Nokkur áhugi er nú á því að byrja á
undirbúningskennslu í náttúrufræði við há-
skólann. Til þess það geti orðið, er nauð-
synlegt að koma upp sómasamlegri byggingu
yfir náttúrugripasafnið. Kennsla í þessum
námsgreinum, dýrafræði, jurtafræði og
steinafræði, er óhugsandi, ef stúdentar hafa
ekki aðgang að og not safnsins eða hluta
þess, og kennslustofur fyrir verklega kennslu
verða einnig að vera í sömu byggingu.
Náttúrugripasafnið er nú í alóhæfum húsa-
kynnum, aðeins nokkur hluti safnsins er sýnd-
ur vegna rúmleysis.
Byggingu þessari er ætlaður staður fyrir
norðvestan nýja stúdentagarðinn í sömu línu
og hliðstætt rannsóknarstofu atvinnudeildar.
c) Á aðalhorni lóðarinnar, þar sem mætast
Hringbraut og Suðurgata (Melavegur), hefur
ýmsum komið til hugar að reisa mætti fag-
urt stórhýsi t.d. byggingu yfir þjóðminja- og
listasafn landsins; þetta er framkvæmd ríkis-
ins og því happdrættistekjum háskólans óvið-
komandi.
Þegar fyrri hluti leikfimishússins er reist-
ur, tel ég, að næsta verkefni háskólaráðs
verði athugun á, hvernig girða skuli háskóla-
lóðina. Girðing þarf að vera traust, smekk-
leg og sem ódýrust, því að þetta er feikna-
flæmi. Fyrst þegar gripheld girðing er kom-
in, má byrja á gróðursetningu runna og
plantna.
Hvernig græða skuii og fegra lóðina er
mesta vandamál og margvíslegar hugmyndir
og uppástungur koma vafalaust fram; okkur
vantar einnig menn, sem hafa kunnáttu og
smekk í þessum efnum.
Fyrst er því að lúka skuldum þeim, sem
hvíla ennþá á háskólabyggingunni, því næst
að byggja leikfimishús. Nú sem stendur van-
rækir um helmingur stúdenta þessa skyldu-
grein, og býst ég við, að margir beri fyrir sig,
að svo mikill tími fari forgörðum að sækja
leikfimiskennslu langt austur í bæ, og að
leikfimistímarnir rekist á kennslustundir í
sumum námsgreinum.
Háskólarnir í Norðurálfu, að undanskildu
Englandi, eru fyrst og fremst stofnaðir og
starfræktir til þess að veita nemendum á-
kveðinn þekkingarforða í ýmsum vísinda-
greinum, kenna þeim aðferðir í rökréttri
hugsun og leiðbeina þeim um rannsóknarað-
ferðir í viðkomandi námsgrein, svo að þeir
Framhald á bls. 24
8
STÚDENTABLAÐ